Voivodatos de Polonia

El voivodatu (en polacu województwo; el so plural ye województwa) ye la sodivisión alministrativa de mayor rangu dientru de Polonia, equivalente a la «provincia» d'otros países. El términu tien usáose con esti sentíu de magar el sieglu XIV. La cabera reforma de l'alministración local en Polonia, que foi aprobada en 1998 y fízose efectiva'l 1 de xineru de 1999, creó 16 voivodatos. Estos sustituyeron los 49 qu'esistieran de magar 1975, y son bastante asemeyaos (en territoriu, non tantu nel nome) a los qu'esistieran ente 1950 y 1975.

Los actuales voivodatos reciben el so nome de los de les rexones, históriques o xeográfiques, nes que tán encadarmaos, mentantu que los 49 anteriores nomábanse pol nome de la so ciudá principal. La so estensión va dende los 10.000 km² del más pequeñu, el d'Opole, a los más de 35.000 km² del mayor, el de Mazovia, y la so población va dende'l millón d'habitantes qu'hai nel de Lubusz a los más de cinco que hai nel de Mazovia.

L'autoridá alministrativa a nivel de voivodatu ye compartida ente un gobernador, nomado voivoda (wojewoda), designáu pol gobiernu central, una asamblea elixida por sufraxu popular, nomada sejmik, y un conseyu executivu (zarząd województwa) escoyíu por esa asamblea y dirixiíu por un oficial, el mariscal (marszałek województwa). Los voivodatos sodivídense en condaos (powiats) y conceyos (gminas).

Los 16 voivodatos nos que ta sodividíu'l territoriu polacu anguaño son los siguientes:

Abreviatura	Voivodatu	Nome (polacu)	Superficie (en km²)	Población	Capital
ZP	Pomerania Occidental	Zachodniopomorskie	23 03223 032	1 697 5001 697 500	Szczecin
PM	Pomerania	Pomorskie	18 29318 293	2 183 6002 183 600	Gdansk
LB	Lubusz	Lubuskie	13 98513 985	1 008 4001 008 400	Gorzów Wielkopolski Zielona Góra
DS	Baxa Silesia	Dolnośląskie	19 94819 948	2 904 7002 904 700	Wrocław
OP	Opole	Opolskie	94129412	1 061 0001 061 000	Opole
SL	Silesia	Sląskie	12 29412 294	4 731 5004 731 500	Katowice
WP	Gran Polonia	Wielkopolskie	29 94229 942	3 355 3003 355 300	Poznań
KP	Cuyavia y Pomerania	Kujawsko-Pomorskie	17 97017 970	2 069 2002 069 200	Bydgoszcz Toruń
LD	Lodz	Łódzkie	18 22318 223	2 607 4002 607 400	Łódź
WM	Varmia y Masuria	Warmińsko-Mazurskie	24 20224 202	1 428 4001 428 400	Olsztyn
MZ	Mazovia	Mazowieckie	37 71537 715	5 128 6005 128 600	Varsovia
PD	Podlaquia	Podlaskie	20 18020 180	1 207 7001 207 700	Białystok
SK	Santa Cruz	Swiętokrzyskie	11 67211 672	1 295 9001 295 900	Kielce
LU	Lublin	Lubelskie	25 11525 115	2 197 0002 197 000	Lublin
MA	Pequeña Polonia	Małopolskie	15 14115 141	3 245 6003 245 600	Cracovia
PK	Subcarpacia	Podkarpackie	17 89017 890	2 096 7002 096 700	Rzeszów