Schuah
| Der Artikl is im Dialekt Obaboarisch gschriem worn. |
A Schuah, aa Schuach (vom oidhochd. 'scuoh) is a Fuassgwand, des wo in easchda Linie zum Schutz vo de Fiass und in zwoata Linie zua Dekoration (Mode und Status) deant.
Gschicht
Iwa de Fruahzeit vo de Schuah is nua a wengal bekonnt. An „Urschuah“ hods ned gebm. Je noch Klima hom si untaschiedliche Urformen entwicklt. In kuin Regionen worn vamutli Tiafej um de Fiass und Wadln gwicklt (draus san de Stiefe entstandn). Andare hom de Fej nua um de Fiass glegt (draus hom se de Mokassin entwicklt). In woarmen Regionen san oft Poimbladdln um de Soin bundn worn (da Voalaifa vo Sandaln).
Oartn vo Schuah
Gebraichle san beispuisweis foigande Kategorien:
- Bodn- oder Schoftmaterial: Hoizschuah, Ledarschuah, Gummischuah
- Funktion: Sommaschuah, Wintaschuah, Abendschuah
- Geschlecht vom Träga: Damenschuah, Herrnschuah und Kindaschuah
- Mochoart: klebta Schuah, vulkanisiata Schuah, duachgnahta Schuah, California Schuah, rahmengnahta Schuah
- Schoftschnitt: (Oxford, Derby, Kreizsandaln, Kropfschnitt)
- Schuahform: Hoibschuah, Stiefe, Schoftstiefe, Sandaln, Pantolettn und Pantoffen
- Schuahmodell: (Pumps, Brogue, Bootschuah, Sneaker, Gummistiefe, Haferlschuah
- Schuahvaschluss: Spangenschuah, Reißvaschlussschuah, Monkstrap, Schniaschuah, Schlupfschuah/Loafal
- Spezialschuah wia Orbatssschutzschuah und Sicherheitsschuh noch EN (imma mit Stoikappn)
- Vawendung: Strossnschuah, Sportschuah, Tanzschuah, Hausschuah, Wandaschuah
Galerie
-
Trippen (1434) -
Fraunschuah um 1886 -
Schuahbuidl vom Vincent van Gogh (1887) -
Bunte Schuah ausm 20. Joarhundat -
moderne Schuah vo Puma -
Leinenschuah mit Gummitei -
Ledaschuah aus Krokoduilleda -
A Schuah aus da Hallstatt-Kuitua
Literatua
- Helge Sternke: Alles über Herrenschuhe. Nicolai Verlag, Berlin, 2006, ISBN 3-89479-252-3.
Im Netz
Commons: Schuhe – Sammlung vo Buidl, Videos und Audiodateien