AvaTrade | |
---|---|
Заснаванне | 2006 |
Размяшчэнне | |
Галіна | фінансавыя паслугі |
Сайт |
avatrade.com avatrade.it (італ.) avatrade.fr avatrade.ae (ар.) avatrade.com.au avatrade.ca avatrade.mn |
AvaTrade — ірландская біржавая брокерская кампанія. Кампанія прапануе гандаль на шматлікіх рынках, уключаючы валюты, сыравіну, фондавыя індэксы, акцыі, гандлюемыя на біржы фонды, апцыёны, крыптавалюты і аблігацыі праз свае гандлёвыя платформы і мабільную карыстальніцкую праграму. Кампанія базуецца ў Дубліне, кіруючая кампанія знаходзіцца на Брытанскіх Віргінскіх астравах. Таксама AvaTrade мае офісы ў Токіа, Мілане, Парыжы, Сіднэі, Шанхаі і Улан-Батары.
AvaTrade была заснавана як Ava FX у 2006 годзе Эмануэлем Кроніцам, Негевам Назацкі ды Clal Finance Ltd.
У сакавіку 2011 года кампанія набыла неамерыканскіх кліентаў брокера eForex. У чэрвені 2011 года кампанія набыла кліентаў і тавары кліентаў за межамі Еўрапейскага Саюза ў Finotec Trading UK Limited.
У 2013 годзе AvaFX змяніла сваю назву на AvaTrade.
AvaTrade прапануе спотавы гандаль у асноўным праз MetaTrader 4 (MT4) і ўласнае праграмнае забеспячэнне AvaTrader.
У жніўні 2013 года AvaTrade прадставіла гандаль біткоінамі з CFD на платформах AvaTrader і MT4.
AvaTrade рэгулюецца ў ЕС Цэнтральным банкам Ірландыі, у Аўстраліі — Аўстралійскай камісіяй па каштоўных паперах і інвестыцыях, у Японіі — Агенцтвам фінансавых паслуг, Асацыяцыяй фінансавых ф’ючарсаў Японія ды Японскай асацыяцыяй таварных ф'ючарсаў, а на Брытанскіх Віргінскіх астравах — Камісіяй па фінансавых паслугах Брытанскіх Віргінскіх астравоў. Кампанія прапануе свае паслугі трэйдарам з розных краін, акрамя ЗША, Новай Зеландыі, Бельгіі.
У красавіку 2018 года Упраўленне па справах спажыўцоў і фінансаў Саскачэвана вынесла папярэджанне кампаніі з-за выкарыстання незарэгістраванай онлайн-платформы.