Lophophorus impejanus — від птушак сямейства фазанавыя (Phasianidae).
Апісанне
Птушка мае масіўную, нязграбную фігуру з моцнымі лапамі, кароткім хвастом і масіўнай дзюбай. Апярэнне самца пераліваецца зялёным, чырвоным, ліловым і сінім колерамі, гузка белага колеру, хвост меднага колеру зверху і чорнага колеру з ніжняга боку, чубок залацісты. Афарбоўка самкі карычневая са светлымі палосамі і карычневага-чорнымі папярочнымі лініямі, горла белае. У птушак абодвух палоў маецца сіняе калявочнае кольца. Самец дасягае даўжыні 70 см, з іх 23 см прыпадае на хвост, самка некалькі менш. У супрацьлегласць самцу самка не мае чубка.
Распаўсюджанне
Насяляе горныя лясы з дубамі, хвоямі і рададэндранам і стромкія спадзістыя схілы з травяністым покрывам на вышыні ад 2 500 да 5 000 м над узроўнем мора ў Гімалаях, ад усходняга Афганістана аж да ўсходняй мяжы Бутана і ў раёнах Тыбету. Пры высокім снежным покрыве ён спускаецца на больш нізкія горныя вышыні.
Спосаб жыцця
Харчуюцца каранямі, клубнямі, парасткамі, жалудамі і ягадамі, а таксама насякомымі і іх лічынкамі, якіх выкопваюць з зямлі падобнай на савок дзюбай. Птушкі часта шукаюць корм групамі па 3-4 асобіны аднаго полу. Узімку на кліматычна спрыяльных тэрыторыях сустракаюцца і вялікія групы.
У шлюбны перыяд самец з гучнымі заклікамі спрабуе прыцягнуць самку. Пры рытуале такавання самец натапырваецца, горда выкрочвае і кружыцца вакол самкі з выцягнутай шыяй, дрыготкім хахлом і ніцым крылом. Часам певень прапануе курыцы таксама маленькі камень або корм. Самец пакідае курыцу, калі тая пачынае гнездавацца, каб зноў спарвацца. У кладцы ад 4 да 6 белых яек з чырвона-карычневымі плямамі. Гняздо прадстаўляе сабой ямку, высланую лісцем, мохам і саломай. Выседжванне працягваецца 27 дзён.
Фота
Зноскі
Літаратура
Colin Harrison & Alan Greensmith: Vögel. Dorling Kindersly Limited, London 1993,2000, ISBN 3-8310-0785-3
.jpg)
.jpg)
_3.JPG)
.jpg)
.jpg)
