Onychocola canadensis

Onychocola canadensis
Навуковая класіфікацыя
Міжнародная навуковая назва

Onychocola canadensis Sigler & Congly


Пошук выяў
на Вікісховішчы
EOL  299627
MB  127802

Onychocola canadensis ― адзін з відаў цвільных грыбоў, міцэліальны недэрматаміцэт. Належыць да сямейства Arachnomycetaceae.

Марфалогія

Адзін з узбуджальнікаў цвільных мікозаў. Не з’яўляецца самастойным патагенам. Магчымая клінічная форма: дыстальны. Па сістэме Сусветнай арганізацыі аховы здароўя, адносіцца да IV групы ўмоўна-патагенных арганізмаў. Паразітуе на кератынізаваных тканках чалавека і жывёл (валасяным покрыве, пазногцях, скуры, рогах, капытах і г.д.) і выклікае захворванне скуры. Сустракаецца ў асноўным у раёнах з умераным кліматам (у Канадзе, Новай Зеландыі, Францыі). Апісаны ў 1990 годзе канадскім біёлагам Лінне Сіглер.

Даследаванні

Звычайна мае жаўтлява-белы або бледна-шэры колер, расце павольна. У паветраным міцэліі ўтвараецца артраспора, і форма клетак ператвараецца з цыліндрычнай у эліпсоідную. Артраспоры звычайна аднаклетачныя або двухклетачныя, у памеры 4-17 мм у даўжыню, утвараюць доўгія ланцугі. Даследаванні дазваляюць выказаць здагадку пра яго ўзнікненне з глебы, бо інфікаваныя пацыенты — у асноўным людзі, якія працуюць на зямлі ці жывуць там. Onychocola canadensis дыягнаставана на падставе знаходжання сумяшчальных нітак на прамой мікраскапіі пазногця і паслядоўнай культуры ад паўторных узораў. Вынікі: у 10 пацыентаў было ўстаноўлена, што хвароба выяўлена дыстальным бакавым падногцевым оніхамікозам (6 хворых), белым павярхоўным оніхамікозам (1 пацыент), а таксама нязначнай прымешкай у пазногцях трох хворых. У рэдкіх выпадках Onychocola canadensis выклікае павярхоўны дэрматамікоз на далонях і падэшвах. Onychocola canadensis часцей выяўляецца ў пажылых жанчын. Традыцыйнае лячэнне: 20 % рэзарцынавую мазь на аснове ланаліну бязводнага накладвалі на хворую пазногцевую пласцінку на 72 гадзіны.

Зноскі

  1. ↑ Linne Sigler, MSc(недаступная спасылка). Faculty of Medicine Dentistry University of Alberta. Архівавана з першакрыніцы 28 ліпеня 2016.
  2. ↑ L. Sigler & H. Congly. Toenail infection caused by Onychocola canadensis gen. et sp. nov. // Journal of Medical and Veterinary Mycology. — 1990. — № 28(5). — С. 405―417.
  3. ↑ Sigler L., Abbott S. P., Woodgyer A .J. New records of nail and skin infection due to Onychocola canadensis and description of its teleomorph Arachnomyces nodosetosus sp. nov. // J Med Vet Mycol. — 1994. — № 32(4). — С. 275―278.
  4. ↑ Евланов Н. П. Краткий микологический словарь (для врачей и биологов). — СПб.: МКГ, 2009. — С. 77―79. — 190 с.
  5. ↑ Kane J., Summerbell R., Sigler L., Krajden S. Laboratory Handbook of Dermatophytes // Star Publishing Co. — Belmont: 1999.
  6. ↑ K. Gupta. Onychomycosis associated with Onychocola canadensis: Ten case reports and a review of the literature. Journal of the American Axddemy of Dermatology.

Літаратура

  • Chabasse D., Avenel-Audran M., Bouchara J.P., Cimon B. et al. Two new French cases of toenail infection caused by Onychocola canadensis: mycological study // J. de Mycologie Médicale. 1997, № 7 (1). C. 43―46.
  • Fanti F., Conti S., Zucchi A., Polonelli L. First Italian report of onychomycosis caused by Onychocola canadensis // Med. Mycol. 2003 Oct., № 41(5). C. 447―50.
  • Llovo J , Prieto E , Vazquez H. et al. Onychomycosis due to Onychocola canadensis: report of the first two Spanish cases // Med. Mycol. 2002, № 40(2). C. 209―212.
  • Van Esbroeck M., Wuytack C., Van Looveren K., Swinne D. Isolation of Onychocola canadensis from four cases of onychomycosis in Belgium // Acta Clin. Belg. 2003 May-Jun, № 58 (3). C. 190―192.