Горад
Ньюкасл-эпон-Тайн
Newcastle upon Tyne
| ||||||||||||||||||||||||
Нью́касл-эпо́н-Та́йн (англ.: Newcastle upon Tyne ) скарочана Ньюка́сл () — індустрыяльны горад на паўночна-ўсходнім узбярэжжы Вялікабрытаніі, у Англіі, у графстве Тайн і Уір. Размешчаны ўздоўж паўночнага берага ракі Тайн, і ў мінулым быў адміністрацыйным цэнтрам графства Нартумберленд.
Горад быў заснаваны рымлянамі пад назвай Понс Эліус. Сярэднявечная назва горада была Novum Castellum super Tinam (лац.)(«Ньюкасл на Тайне»).
Горад уваходзіць у дваццатку самых населеных пунктаў Англіі. Гарадская агламерацыя Тайнсайда, у якую акрамя Ньюкасла ўваходзяць горада Гейтсхед, Хебурн, Яраў, Норс Шылдс і Саус Шылдс знаходзіцца па ліку насельніцтва на шостым месцы ў Брытаніі.
Транспартны вузел, порт ракі Тайн, каля яе ўпадзення ў Паўночнае мора. З галін прамысловасці прадстаўлены суднабудаванне і суднарамонтная электратэхнічная прамысловасць, катла- і турбабудаванне, вытворчасць суднавых рухавікоў, горна-шахтавага і інш абсталявання.