Ferraghju (o frivaghju o ancu farraghju) hè u secondu mese di l'annata è di u calendariu gregurianu.
Citazioni
U mese di ferraghju hè mintuvatu à spessu in i pruverbii corsi:
- Frivaghju, t'hà setti barretti. Si dici dinò:
- Frivaghju, frivaghju di setti barretti. Una a caccia è quidda altra la metti.
- Frivaghju, ùn lacà di fà u to viaghju.
- Ferraghju, Ferraghjettu, cortu è maladettu.
- Ferraghju, ferraghju, ciò ch'ùn aghju fattu, faraghju.
- Sì ferraghju passa seccu, hè grassu u bugnu è magru u beccu.
- Farraghju, secca a manu à u capraghju.
- Sì frivaghju ùn fussi trà i mesa ùn ci saria mai fami in li paesi.
- Frivaghju, fribaghju, cosa fatta ùn aghju, faraghju.
Ci hè dinù a puesia Farraghju scritta da Dumenicantone Versini (1872-1950) di Marignana, dettu Maistrale.
Referenze
- Saravelli-Retali, 1976, A vita in Corsica cù i pruverbii è i detti - La vie en Corse à travers proverbes et dictons, Nice: Don Bosco
- Ceccaldi, Matteiu, Dizziunariu corsu-francese, Pieve d'Evisa, Klincksieck, 1968
- Stefanelli, Marcedda, Tempu è staghjoni, U Taravu 176, ghjinnaghju 2009