Cuzeppe-Fortunino-Françesko Verdi (italyanca Giuseppe Fortunino Francesco Verdi; 10 oktâbr 1813, Ronkole — 27 yanvar 1901, Milan) — italyan bestekârı ve dirijorıdır.
Bestekârnıñ bediiy mirasi pek büyüktir: 26 opera, kvartet, rekviem ve bir qaç küçük opustır. 'Bal-maskarad', 'Rigoletto', 'Traviata', 'Trubadur', 'Aida', 'Otello' ve 'Falstaf' - Verdiniñ eñ belli operalarıdır. Operaları, bütün zamanlarnıñ eñ körümlileri olaraq qabul etile ve alâ dünyadaki opera teatrlarınıñ sanalarından ketmey.
Qomşu şeer Bussetodan zengin bir tuccar Antonio Baretstsi, küçük Verdiniñ muzıka istidadı olğanına diqqat etken. Antonio, kelecekte Verdiniñ büyük bir bestekâr olacağına inana edi. 1823 s. Bussetodaki mektepke qatnamağa başladı.
Operalar
Oberto, graf di San-Bonifaço (Oberto, conte di San Bonifacio) — La Skala, Milan, 1839 s.
Bir künlük qıral ya da sahte Stanislav (Un giorno di regno, ossia Il finto Stanislao)— La Skala, Milan, 1840 s.
Nabukko (Nabucco)— La Skala, Milan, 1842 s.
Ernani, La Feniçe teatrı, Venedik, 1844 s.
Eki Foskari - (I due Foscari) — Arcentina teatrı, Roma, 1844 s.
Janna d'Ark (Giovanna d'Arco) — La Skala, Milan, 1845 s.
Alzira — San Karlo teatrı, Neapol, 1845 s.
Attila, 1846 s.
Makbet, 1847 s.
Aydamaqlar (I masnadieri), 1847 s.
Korsar (Il corsaro), 1848 s.
Luisa Miller, 1849 s.
Stiffelio, 1850 s.
Rigoletto, 1851 s.
Trubadur (Il trovatore), 1853 s.
Traviata (La traviata), 1853 s.
Simon Bokkanegra (Simone Boccanegra), 1857 s.
Bal-maskarad (Un ballo in maschera), 1859 s.
Don Karlos (Don Carlos), 1867 s.
Aida, 1871 s.
Otello, 1887 s.
Falstaf, 1893 s.
Cuzeppe Verdi 27 yanvar 1901 s. Milan şeerinde vefat etti.