Didier Yves Drogba Tébily (French pronunciation: ; bɛ dɔɣi o la silimin gɔli March biɛɣ'pin'yini dali yuuni 1978) o nyɛla Ivorian boliŋmɛri baŋda kuro ŋun daa ŋmɛri tooni. O nyɛla all-time top scorer ni boliŋmɛri kpɛma (captain) kuro zaŋti Ivory Coast national team. Niriba pam baŋ o mi ka di nyɛla kpaŋmaŋ shɛli o ni daa mali zaŋti Chelsea, o nyɛla ŋun di pɔri gari boliŋmɛri shɛba ban zaa pa lala tiŋgbani ŋɔ ni bilichini nima ka lahi nyɛ club ŋɔ fourth highest goal scorer of all time saha ŋɔ. Drogba daa nyɛla bɛn piigi so Chelsea's boliŋmɛri baŋdi kari din daa niŋ ka o nya nyaaŋa doliba ban kalinli yiɣisi 20,000, ban daa niŋ vihigu ŋɔ nyɛ Chelsea FC Magazine yuuni 2012 dizuɣu ka bɛ daa piigi o Chelsea team zaŋti yuuni 2010–2020. O nyɛla ŋun pahi gbansabila boliŋmɛri baŋdi kara zuɣu ka niriba pam daa mi o ka di nyɛla o ya, o guubu, pɔri dibu, n-ti pahi o bolli deeibu. Bɛ daa pii la Drogba African Footballer of the Year ʒiibuyi, o daa deei la pini ŋɔ yuuni 2006 mini yuuni 2009. O lahi nyɛla boliŋmɛri so ŋun mali buyi zuɣu dɔnibu(runner-up) pam(4), buta zuɣu dɔnibu (third-place) pam (3), ka daa lahi zooi ka o pahiri buta zuɣu boliŋmɛri shɛba ban kpaŋ bɛ maŋ ni (9).
O ni daa ŋmɛ bipola team nim nyaaŋa, Drogba daa niŋ la o professional debut o yuun pishi ayi ka saha zaŋti Ligue 2 club Le Mans, ka daa dihi o nuu gbana zuɣu n-ti ba o yuun pishi ni yini saha. Din daa niŋ ka o naai yuuni 2002–03 ni pɔri pinaayopɔin o bupihita ni anahi(34) bolli ŋmɛ n-ti Ligue 1 side Guingamp nyaaŋa, o daa chaŋ Olympique de Marseille, ni ka o daa naai ka dɔni buta ban di pɔri pam ni yuuni 2003–04 season ni pɔri din kalinli yiɣisi pishi yini ka(19) ka daa sɔŋ club ŋɔ ka bɛ paai yuuni 2004 UEFA Cup Final.
Silimin gɔli July yuuni 2004, Drogba daa chaŋ Premier League club Chelsea ni liɣiri din yiɣisi £24 million, ka di chɛ ka o lɛbi Ivorian boliŋmɛri so bɛn zaŋ laɣa kara da taarihi puuni. O tuuli yuuni o daa sɔŋ club ŋɔ ka bɛ kpaɣi bɛ tuuli league title bɛ yuun pihinu din ni bolli ŋmɛbu, di yuuni nyaaŋa o daa lahi kpaɣi Premier League title. O kpaŋmaŋ maa zuɣu bɛ daa piigi o pahi FIFA World XI yuuni 2007. Silimin gɔli March yuuni 2012, o daa lɛbi tuuli gbansabila boliŋmɛri ŋun di pɔri paai 100 Premier League goals. Di chira ayi nyaaŋa, o daa di nasara nyɛbu pɔɣu Chelsea's 2012 FA Cup Final bɛ mini Liverpool ka daa lɛbi tuuli ( as of 2017, ) boliŋmɛri ŋun di pɔri FA Cup finals koŋkoba dibaa anahi ni. O daa lahi ŋmɛ la yuuni 2012 UEFA Champions League Final, din ni ka o daa di bɛ ŋmɛ kpari pɔɣu minti pihinii ni anii(88th-minute) zuɣu ni n-ti pahi bɛ nasara nyɛbu penalty ŋmɛbu pɔɣu bɛ mini Bayern Munich. O ni daa niŋ chira ayobu ni Shanghai Shenhua ,China nyaaŋa, n-ti pahi yuuni ni pirigili Turkish club Galatasaray ni ka o daa di nasara nyɛbu pɔɣu yuuni 2013 Turkish Super Cup, Drogba daa labi na Chelsea silimin gɔli July yuuni 2014. O bolli ŋmɛbu tuma puuni o mali la taarihi din nyɛ pɔri pia dibu bolli din bahindi nyaaŋa pia kɔpu nim pia kpaɣibu ni o club yaɣili , Drogba nyɛla "saha kam boliŋmɛri baŋda kari li". O daa pahi Canadian club Montreal Impact yuuni 2015 ka daa nyɛ Designated Player ka daa ŋmɛ bolla pihinahi ni yini ka di pɔri pishi ni ata o yuma ayi bolli ŋmɛ n-ti ba ni. Drogba daa lɛbi player–owner zaŋti Phoenix Rising of the United Soccer League yuuni 2017, ka daa chɛ tuma di yuuni nyaaŋa o yuun pihinahi saha. Silimin gɔli April biɛɣ'pishi ni yini dali yuuni 2022, o daa pahi Premier League Hall of Fame.
Ivory Coast international bin din gbaai yuuni 2002 mini yuuni 2014 sunsuuni , Drogba n-daa nyɛ boliŋmɛri kpɛma zaŋti national team tum yuuni 2006 hali ni o Ivory Coast team bolli ŋmɛbu tuma chɛbu saha, o nyɛla pɔri diri gonaatiɛ zaŋti o tiŋgbani ŋɔ ni pɔri din kalinli yiɣisi pɔri pihiyobu ni anu o 105 bolli ŋmɛbu puuni. O daa zaŋ Ivory Coast paai yuuni 2006 FIFA World Cup, bɛ tuuli bolli ŋmɛbu tournament ŋɔ ni ka daa di bɛ tuuli pɔɣu. Di nyaaŋa, ŋun daa lahi nyɛ boliŋmɛri kpɛma zaŋti Ivory Coast yuuni 2010 mini yuuni 2014FIFA World Cups. O daa pahi la Ivory Coast team shɛli din daa paai Africa Cup of Nations yuuni 2006 mini yuuni 2012 bolla bahigu amaa ka bɛ daa lee koŋ nasara di zaa ni penalty nim ŋmɛbu ni. Silimin gɔli August dabaa anii dali yuuni 2014, o daa yina n-ti yɛli ni o chɛ la international bolli ŋmɛbu . Yuuni 2018, Drogba daa chɛ bolli kam ŋmɛbu o yuun pihinahi saha(40).
O nyɛla ŋun mali yaa biɛhi suma yaɣili Africa, Drogba nyɛla ŋun tumdi tun'kara o tiŋgbani ŋɔ ni suhudoo mini nangbani yini tahibu na. Yuuni 2007 , bɛ daa piigi o la Goodwill Ambassador zaŋti United Nations Development Programme n-ti pahi silimin gɔli December yuuni 2018 o daa lɛbi zuɣulan paa zaŋti international organization Peace and Sport.
Drogba nyɛla ŋun be Bété people. Bɛ daa dɔɣi o la Abidjan, Ivory Coast, o yuma anu saha bɛ daa zaŋ o chaŋ France ban daa zaŋ o chaŋ maa nyɛ o lamba n-ti ti o ŋahiba, Michel Goba, ŋun nyɛ boliŋmɛra. Drogba daa ti nyɛla ŋun ka alaafee ka daa labi Abidjan yuma ata nyaaŋa. O ma daa ti o la yuparigi "Tito", tiŋgbani zuɣulan Josip Broz Tito zaŋti Yugoslavia nyaaŋa, o daa yuri o pam. O daa nyɛla ŋun ŋmɛri bolli saha kam loory nim zalibu shee amaa o Ivory Coast labu maa daa nyɛla saha bela. O lamba maa zaa daa nyɛla ban koŋ bɛ tuma nima ka o daa lahi labi o ŋahiba maa sani. Yuuni 1991, o lamba ŋɔ zaa daa nyɛla ban chaŋ France; bɛ daa tumi chaŋ Vannes, yuuni 1993, bɛ yi chaŋ Antony din be Paris suburbs, lala saha maa Drogba daa nyɛla yuun pinaanu ka daa labi na ni o mini o tizodabba mini paɣaba ti be ni. Ni ka o daa piligi team nim bolli ŋmɛbu. Drogba daa pahi semi-professional club Levallois, o daa nyɛri jilima pam ka koachɛ maa daa niŋdi suhupiɛlli pam ni o tuma biɛhigu. O kpaŋmaŋ ŋun zuɣu daa chɛ ka o nya zaashee.
Career statistics
Club
Appearances and goals by club, season and competition