Listowa jemjelica

Listowa jemjelica
Listowa jemjelica (Viscum album) na brjazy
systematika
Domena Eukaryoty
Swět Rostlinstwo
  Eudikotyledony
Jědrowe eudikotyledony
pórěd: (Santalales)
swójźba: Sandelowe rostliny (Santalaceae)
rod: Jemjelica (Viscum)
družyna: Listowa jemjelica
wědomnostne mě
Viscum album
L.
Projektowy bok Wikipedija:Projekt za botaniku
Wobźěłaś
p • d • w
Gadowata družyna

Listowa jemjelica (Viscum album) jo rostlina ze swójźby sandelowych rostlinow (Santalaceae).

Pó někotarych žrědłach se swójskej swójźbje jemjelicowych rostlinow (Viscaceae) pśirědujo.

Wopis

Listowa jemjelica jo kerk, kótaryž dośěgnjo wusokosć wót 20 až 50 cm. Rostlina jo na bomach rosćony połparazit, pśi comž rostlina jo pak muska pak žeńska.

Gałuzy su wěcej raz widlickojśe roznogaśowane.

Łopjena

Łopjena su měnjate, lancetojte abo lancetojśe-spatelojte, kóžane a pśecej zelene.

Kwiśonki

Kwiśo wót februara až do apryla. Njenaglědne kwiśonki stoje pó tśich až pó pěśich w promjenjach.

Płody

Płody su błyšćece běłe abo žołtojte a dośěgnu wjelikosć wót až do 1 cm.

Stojnišćo

Rosćo na listowych bomach, pśedewšym na topołach, wjerbach a jabłušcynach, ale teke na běłych jedłach a chójcach. Pśi tom cyca wódu a seśeńske sole z žywjarjowych rostlinow, mjaztym wuglikowe hydraty sam twóri.

Rozšyrjenje

Rostlina jo w pódpołdnjowej Skandinawiskej srjejźnej a pódpołdnjowej Europje rozšyrjona.

Maśizny

Rostlina wopśimjejo gadowate lektiny a wiskotoksiny.

Póddružyny

Pó wězanju na rozdźělne žywjarjowe bomowe družyny se znutśika družyny Viscum album wšake póddružyny abo "žywjarjowe rasy" rozeznawaju:

  • Viscum album subsp. album; synonym Viscum album - na listowych štomach
  • Viscum album subsp. abietis; synonym Viscum abietis - na běłych jedłach
  • Viscum album subsp. austriacum; synonym Viscum laxum - na chójcach
  • W lěśe 2002 bu z Kretiskej jemjelicu (Viscum album subsp. creticum) dalšna póddružyna wopisana, kotraž jako endemit jano na kupje Kreta wustupujo a tam na (Pinus halepensis subsp. brutia) ako přižiwnik jo žywa.

Něga pśi składnosći ako póddružynu (Viscum album subsp. coloratum) wjeźona korejańska abo japańska jemjelica se pśeśiwo tomu źinsa ako swójska družyna (Viscum coloratum) wobglěda. Pśi někotarych awtorach eksistěrujo aziska póddružyna Viscum album subsp. meridianum (Danser) D.G.Long

Nožki

  1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 167
  2. ↑ W internetowem słowniku: Mistel
  3. ↑ N. Böhling u. a.: Notes on the Cretan mistletoe, Viscum album subsp. creticum subsp. nova (Loranthaceae/Viscaceae). In: Israel Journal of Plant Sciences 50 (Supplement, 2002), S77–S84.
  4. ↑ Viscum coloratum w "Flora of China"
  5. ↑ Viscum album Linnaeus subsp. meridianum (Danser) D. G. Long w "Flora of China".

Žrědła

  • Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 472 (nim.)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 262 (nim.)

Eksterne wótkaze