Apocalypse Now
Apocalypse Now 1979 urtean Francis Ford Coppolak zuzendutako filma da, Joseph Conraden Ilunpeen bihotzean eleberrian oinarritua.
2001ean, Coppolak Apocalypse Now Redux (latinez "berrekarrita") izeneko bertsioa prestatu zuen zinema eta DVDrako.
Sinopsia
| Oharra: Atal honek istorio osoa edo amaiera argitzen du. |
Vietnamgo gerran kokatuta, Armada estatubatuarraren Benjamin L. Willard (Martin Sheen) kapitainak oihanera bidalia da aberrikidea Walter E. Kurtz (Marlon Brando) koronela hiltzeko, honek armadaren aginduak ez baititu bete. Antza denez, koronela AWOL (Absent Without (Official) Leave edo, euskaraz, "absente utzi gabe") eta zoro dago.
Pelikularen mezua
Pelikula honetan, Coppolak, Vietnamgo Gerra aurkezten du, baina ez gai nagusi gisa, gerra hau ez baita arazoaren oinarri, baizik eta testuinguru gisa erabiltzen du, benetan ardura zaionari buruz jarduteko, hots, gizakiaren ikuspegia eta jarrera kondizio gogorretan. Izan ere, ideia hau liburu batetik hartu zuen, Joseph Conraden ilunpeen bihotzean, 1899an idatzi zuena. Liburu hau Leopoldo II.aren agintaldipeko Kongon kokatzen da, XIX. mendeko Afrika kolonialaren garaian eta sistema honi kritika egiteko idatzia izango zen. Pertsonai nagusiak Mallow eta Kurtz dira, bigarrena marfil merkatari asaldatu bat izanik. Pelikulan berriz, Willard eta Kurtz izango dira, bigarrenak izena mantenduz.
Willard izango da pelikulan zehar pertsonaia nagusia, alde batetik, bere izaeran ikusi ahal izango direlako gerraren ondorioak eta bere bizipenen bitartez gizakien jarrera ikusleari erakutsiko dio eta, beste aldetik, Kurtzen inguruko informazioa emango duelako bidaian zehar eta nolakoa den bere ikuspegia, pertsonai honen irudiarekiko, aipatuko du. Willard hasieratik agertuko da amesgaiztoez asaldaturiko soldadu gisa, hainbat alditan borrokan egotearen ondorio izanik.
Bidaian zehar, errekan gora, gertaera desberdinak ikusi ahal izango dira, gizakiaren portaera ezkorra erakusteko, jarrera basatiak eta irrazionalak, normaltzat hartuak direnak gerran bertan, baina kanpotik ez direnak ondo ikusiak. Izan ere, zenbat eta gehiago aurreratu ibaian zehar, joera hori emango da, irrazionaltasunera jotzearena, zoramenaren metafora bat izango balitz bezala.
Kurtzengana heldu ahal izateko, soldadu gaztez osaturiko ontzi baten bidaliko dute Willard. Nabarmena da armadari egindako kritika gazteak gerrara eramategatik, soldadu beteranoa eraman bitartean, hauek ere gerraren zoramenaz inguratuak izango baitira. Hasieran, gazte arrunt gisa agertuko dira, zaletasun desberdinekin, hala nola, sukaldaritza, surfa edo musika, baina bidaia aurrera joan ahala, mesfidantza, zoramena eta beldurra bezalako sentimenduak bereganatuko dituzte, haien galera izango direnak. Gazte hauen bitartez, Coppolak kritika egingo dio Estatu Batuen derrigorrezko erreklutamenduari, gerra honen ostean, 1973an bolondresen erreklutamenduagatik ordezkatuko dena alegia.
Pertsonaiak
- Martin Sheen : Benjamin L. Willard kapitaina
- Marlon Brando : Walter E. Kurtz koronela
- Robert Duvall : Bill Kilgore teniente koronela
- Frederic Forrest : Jay «chef» Hicks
- Albert Hall : Philips komandantea
- Sam Bottoms : Lance Johnson
- Dennis Hopper : argazkilari-kazetaria
- Larry Fishburne : Tyrone «Clean» Miller
- Aurore Clément : Roxanne Sarrault
- G.D. Spradlin : jenerala
- Harrison Ford : Lucas koronela
- Scott Glenn : Richard Colby tenientea
- Bill Graham : agentea
- Cyndi Wood : Playmate
- Colleen Camp : Playmate
- Linda Carpenter : Playmate
- Joe Estevez : Willarden ahotsa
- Franck Villard
- Christian Marquand : Hubert de Marais (redux)
- Aurore Clément : Roxanne Sarraut-de Marais (redux)
- Roman Coppola : Francis de Marais (redux)
Erreferentziak
- ↑ Gonzalez-Fierro, Francisco Javier. (2008). Toda la guerra del Vietnam en cine y televisión. Arkadin.
