Per qualche dollaro in più

Per qualche dollaro in più
Ennio Morriconeren filma
Egilea(k)	Ennio Morricone
Argitaratze-data	1965
Izenburua	Per qualche dollaro in più eta For a Few Dollars More
Jatorrizko hizkuntza	italiera
Jatorrizko herrialdea	Italia, Alemania, Espainia eta Mendebaldeko Alemania
Banatze bidea	eskatu ahalako bideo
Ezaugarriak
Genero artistikoa	Spaghetti westerna eta Westerna
Iraupena	132 minutu
Kolorea	koloretakoa
Telesaila	Dolarraren trilogia
Grabazio lekua(k)	Madril, Espainia eta Almería
Zuzendaritza eta gidoia
Zuzendaria(k)	Sergio Leone
Gidoigilea(k)	Luciano Vincenzoni Sergio Donati Sergio Leone Fernando Di Leo
Antzezlea(k)
Clint Eastwood (Man with No Name (en) ) Lee van Cleef (Douglas Mortimer (en) ) Gian Maria Volonté Mario Brega Luigi Pistilli Klaus Kinski Joseph Egger (en) Benito Stefanelli Aldo Sambrell Lorenzo Robledo Sergio Mendizábal Dante Maggio Frank Braña (en) Peter Lee Lawrence Panos Papadopulos (en) Roberto Camardiel Carlo Simi Jesús Guzmán Werner Abrolat (en) Antonio Molino Rojo Tomas Blanco Rosemary Dexter (en) Sergio Leone José Calvo Jacques Herlin Ricardo Palacios (en) Fernando Di Leo Guillermo Méndez (en) José Canalejas (en) José Terrón (en) Kurt Zips (en) ] ] ] ] ] ] ] ] ] ]
Ekoizpena
Ekoizlea	Alberto Grimaldi
Konpainia ekoizlea	Constantin Film
Edizioa	Eugenio Alabiso
Ekoizpen-diseinatzailea	Carlo Simi
Bestelako lanak
Musikagilea	Ennio Morricone
Argazki-zuzendaria	Massimo Dallamano
Jantzi-diseinatzailea	Carlo Simi
Fikzioa
Kontakizunaren tokia	Mexiko Berria eta Texas
ikusi Man with No Name (en)
Ennio Morriconeren kronologia
←Per un pugno di dollari Per qualche dollaro in più →Il buono, il brutto, il cattivo

Per qualche dollaro in più (italieraz) edo For a Few Dollars More (ingelesez) Espainia eta Italia artean filmatutako spaghetti western generoko film bat da. Sergio Leone zine zuzendari italiarrak zuzendu zuen, 1965ean. Protagonista nagusiak Clint Eastwood, Lee van Cleef eta Gian Maria Volonté izan ziren. Musika Ennio Morriconerena da. Dolarraren trilogia deritzonaren bigarrena da, 1964ko Per un pugno di dollari filmaren ondoren. Gaztelaniaz, La muerte tenía un precio eta frantsesez, Et pour quelques dollars de plus izena du.

Istorioa

"Besamotza" (Clint Eastwood) eta Mortimer koronela (Lee van Cleef), hasieran elkarren etsai ziren bi hiltzaile-ehiztariak pertsona bera harrapatzeko elkartu dira: "Indiarra" (Gian Maria Volonté) gaizkilea. Hain zuzen ere, harengatik ordu arte eskaini den ordainsaririk handiena ematen da.

Bietako bakoitzak arrazoi ezberdinak ditu: batetik, "Besamotza"k gaizkilea ordainsaria lortu nahi du; bestetik, Mortimer koronelak "Indiarrak" bere alabari egin zion eraso sexuala mendekatu nahi du, alaba bere buruaz beste egitera behartu baitzuen. Euren estiloak ere ezberdinak dira, baina eraginkorrak: bata azkarra da; bestea, hotza eta teknikoa.

Iruzkinak

Pertsonaiak antiheroi estereotipatuak dira: mendebaldeko bizitza gogorra islatzen dute, xehetasun eta elkarrizketa laburren artean, ongia eta gaizkia erlatiboak direla erakusten dutela erakutsiz. Argazki bikainez eta denbora zoragarri erabiliz, Sergio Leonek Dolarraren triogia deritzonaren bigarren filma egin zuen: Per un pugno di dollari, Per qualche dollaro in più eta Il buono, il brutto, il cattivo. Tabernasko Basamortuan filmatu zen, Almerian, baita Níjarreko Fernán Pérez izeneko herrixkan ere.

Aktoreak

• Clint Eastwood: "Besamotza"
• Lee van Cleef: Mortimer koronela
• Gian Maria Volonté: "Indiarra"
• Mara Krupp: Mary
• Luigi Pistilli: Groguy
• Klaus Kinski: Wild
• Joseph Egger: Profeta
• Panos Papadopoulos: Sancho
• Tomas Blanco: Telegrafilaria

Beste presentzia batzuk

• Disneyren Pirates of the Caribbean: At World's End (2007) filmean, Davy Jones gaizkileak eta haren maitale Tia Dalmak medailoi musikal bana dute. Eszena batean —izeba Dalmaren medailoiak jotzeari uzten dion eta Jonesenak segitzen duenean— zuzenean Per qualche dollaro in più filmetik hartuta dago. Gore Verbinski zuzendaria Sergio Leoneren jarraitzaile porrokatua da eta, beraz, nahita eginiko omenaldia da.

Kanpo estekak

• (Ingelesez) Fitxa - imdb.com
• (Ingelesez) Eszena eta musika youtube.com-tik, 2:58 minutu