Tinis (Thinis, This edo Tis) Antzinako Egiptoko herri baten izena da, Abidosetik gertu kokatua, Goi Egipton.
Manetonen epitomeetan, Tis, Tinitar Konfederakuntzaren hiriburutzat eta lehen eta bigarren dinastietako faraoien bizilekua. Horregatik, dinastia hauei, tinitar deitu zitzaien. Aro honi Tinitar garaia ere deitu zitzaion, eta, eskualdeari, Tinitar nomoa.
Antzinako Tinisen kokapena, ezezaguna da, baina, beharbada, Girgatik gertu egongo zen, Abidosetik hamabost kilometro inguru iparraldera, edo Al-Birba edo El-Birbeh herritik gertu, hogei bat kilometro iparmendebaldera, baina ez da hori ziurtasun osoz frogatuko duen froga arkeologikorik aurkitu.
Antzinako nekropoli baten hondarrak daude Naga ed-Deirren ondoan, gaur egungo Girgaren parean, aro aurredinastikotik Inperio Ertainerarteko hilobiekin, azken garai honetan, Tinisen eragina gainbehera etorri zelarik, ondoan zuen Abidos hiriaren eraginaren ondorioz.