Ukrainako alderdi politikoak

Jarraian, Ukrainako alderdi politikoak ageri dira.

2014ko hauteskundeak

2014ko hauteskundeetan alderdi hauek aurkeztu ziren:

Poroxenkoren blokea. Maiatzean aukeratutako presidenteak legebiltzarrerako bozetarako sortutako koalizioa zen. Hainbat ideologiatako politikariak bildu zituen, bloke zabal bat sortu eta ahalik eta boto gehien jasotzeko.
Batkivstxina (Aberria). Julia Timoxenko lehen ministro ohiaren alderdia. Su-etenaren eta Ukrainako armadaren jarreraren aurkako kritikak egin zituen.
Fronte Popularra. Arseni Jatseniuk lehen ministroak sortutako alderdia, Batkivstxina utzi ondoren. Zerrendan militar beterano gehien zuena zen.
Jarrera Zibikoa. Anatoli Hritsenko Defentsa ministro ohiak gizarteko beste hainbat eragilerekin batera abiatutako alderdia.
Svoboda (Askatasuna). Eskuin muturreko alderdi ultranazionalista. Estatu kolpearen ondotik, hainbat kargu garrantzitsu bete zituen gobernuan.
Alderdi Erradikala. Oleh Liaxkoren eskuin muturreko alderdia. Ez zuen programa politiko zehatzik, baina gora egin zuen inkestetan gerraren eraginak astinduta.
Samapomitx (Auto laguntza). Lviveko alkate Andri Sadoviren alderdia.
Alderdi komunista. Legez kanpo uztekotan egon dira, eta zailtasun asko izan ditu. Parlamentutik kanpo geratzeko arriskua zuen.
Oposizioaren Blokea. Politikari errusiazaleen alderdia. Erregioen Alderdiaren lekua bete nahi zuen.