Tekst üüb Fering |
Samoa , amtelk de Suwereen Stoot faan Samoa (üüb Samoaans: Sāmoa an Malo Saʻoloto Tutoʻatasi o Sāmoa) as en eilunstoot uun Polyneesien. At lun amfaadet de waastdial faan dön Samoa-Eilunen. Tu a nuurd leit Tokelau, tu a uast Ameerikoonsk Samoa, tu a süüd Tonga, tu a waast Wallis an Futuna an tu a nuurdwaast Tuwaalu. Det hee 195.979 lidj (2016). At hoodsteed faan't lun as Apia.
At lun as dial faan Polyneesien. Det bestäänt ütj tau grat eilunen, Upolu an Savai‘i, an fjauer letj eilunen, Manono, Apolima, Fanuatapu an Namua.
At lun hee elwen distrikten:
# | Nööm | Grate (km²) | Lidj (2016) | Koord |
---|---|---|---|---|
1 | Aʻana | 193 | 23.265 | |
2 | Aiga-i-le-Tai | 27 | 5029 | |
3 | Atua | 413 | 22.769 | |
4 | Faʻasaleleaga | 266 | 13.566 | |
5 | Gagaʻemauga | 223 | 7840 | |
6 | Gagaʻifomauga | 365 | 4878 | |
7 | Palauli | 523 | 9300 | |
8 | Satupaʻitea | 127 | 5261 | |
9 | Tuamasaga | 479 | 95.907 | |
10 | Vaʻa-o-Fonoti | 38 | 1621 | |
11 | Vaisigano | 178 | 6543 |
1900 wurd at waastdial fan dön Samoa-Eilunen en tjiisk kolonii. 1914 naam Neisialun a eilunen auer. At lun wurd 1962 suwereen.
At lun as en parlamentaarisk republiik. A stootsbaas as a hoodmaan faan't regiaring (üüb Samoaans: O le Ao o le Malo). A hoodmaan faan't regiaring sant 21. Jüüle 2017 as Va'aletoa Sualauvi II.
Samoa as sant 15. Deetsember 1976 lasmoot faan dön Feriand Natschuunen. Det as uk sant 1970 lasmoot faan det Commonwealth of Nations.