Academia Galega da Língua Portuguesa | |
---|---|
Tipo | academia |
Campo de traballo | lingua portuguesa |
Data de fundación | 20 de setembro de 2008 |
Sede | Padrón |
País | Galicia |
Na rede | |
http://www.academiagalega.org/ | |
A Academia Galega da Língua Portuguesa (AGLP) é unha institución científica e cultural galega constituída como órgano da Fundação Academia Galega da Língua Portuguesa coa misión de «promover o estudo da lingua da Galiza para que o proceso da súa normalización e naturalización sexa congruente cos usos que vigoran no conxunto da lusofonía».
A idea de crear unha Academia destas características xa fora enunciada no seu día polo catedrático Ricardo Carvalho Calero, e posteriormente defendida polo profesor José Martinho Montero Santalha nun artigo publicado en 1994 na revista Temas do Ensino e, máis recentemente, nunha intervención en Braganza (Portugal, en outubro de 2006 (no marco do V Coloquio Anual da Lusofonía).
Para facer efectiva a proposta, o 1 de decembro de 2007 creouse a Associação Pró-Academia Galega da Língua Portuguesa en Santiago de Compostela. Finalmente, o 20 de setembro de 2008 creouse formalmente a AGLP .
En 2011 o seu presidente era o profesor José-Martinho Montero Santalha, catedrático da Universidade de Vigo.
|
|