Dana International

Infotaula de personaDana International

Editar o valor em Wikidata
Nome orixinal(he) דנה אינטרנשיונל Editar o valor em Wikidata
Biografía
Nacemento(he) ירון כהן Editar o valor em Wikidata
2 de febreiro de 1969 Editar o valor em Wikidata (55 anos)
Tel Aviv, Israel Editar o valor em Wikidata
Datos persoais
Outros nomesדנה אינטרנשיונל Editar o valor em Wikidata
País de nacionalidadeIsrael Editar o valor em Wikidata
EducaciónIroni Alef High School (en) Traducir Editar o valor em Wikidata
Actividade
Ocupacióncantautora , artista discográfico , cantante Editar o valor em Wikidata
Período de actividade1993 Editar o valor em Wikidata -
Xénero artísticoMúsica pop Editar o valor em Wikidata
LinguaLingua hebrea, lingua inglesa, árabe, lingua castelá, lingua italiana, lingua rusa e lingua francesa Editar o valor em Wikidata
TesituraContralto Editar o valor em Wikidata

InstrumentoVoz e Contrabaixo Editar o valor em Wikidata
Selo discográficoHed Arzi Music (en) Traducir Editar o valor em Wikidata
Participou en
2011Festival de Eurovisión 2011
1998Festival Eurovisão da Canção 1998 (pt) Traducir Editar o valor em Wikidata
Cronoloxía
male-to-female gender-affirming surgery (en) Traducir
gañador
received gender confirmation surgery (en) Traducir Editar o valor em Wikidata
Premios
Páxina webdanainternational.co.il →  Editar o valor em Wikidata
IMDB: nm0969363 Facebook: danainternational Twitter: dana_inter Instagram: danainternational Youtube: UC8eC4-NZErDFqBFx5Ur1d9Q Spotify: 03IVYRlAC972SOHPb86Usr iTunes: 121676788 Musicbrainz: f92469be-f755-433a-be19-8bd0c9040e5a Discogs: 104484 Allmusic: mn0000499856 Deezer: 3556 Genius: Dana-international Editar o valor em Wikidata

Sharon Cohen (en hebreo: שרון כהן), nada en Tel Aviv o 2 de febreiro de 1972 é unha cantante e compositora israelí, máis coñecida como Dana International (en hebreo: דנה אינטרנשיונל). Gañou o Festival de Eurovisión en 1998 representando a Israel co éxito "Diva", sendo a primeciira cantante e compositora transexual israelí que se presentou ao festival, causando un grande impacto no país e no propio certame. Volveu a Eurovisión en dúas ocasións como autora e como intérprete.

Traxectoria

Primeiros anos

Sharon Cohen naceu en Tel Aviv, e recibiu o seu nome, Sharon, por unha tía que falecera nun ataque terrorista. Desde nena recibiu clases de música e na súa adolescencia actuaba en centros nocturnos nas discotecas máis importantes de Israel cando Offer Nissim, disc-jockey e produtor de música house e principal expoñente das festas circuit que se celebraban en América, Asia e Europa, a descubriu artisticamente.

En 1993, publicou o seu primeiro sinxelo, "Saida Sultana", unha versión da canción "My name's not Susan", de Whitney Houston. Tamén publicou o seu primeiro disco, que incluía unha canción da que tomou o seu nome artístico, "Danna International", e conseguiu un grande éxito tamén en países como Xordania e Exipto. Paralelamente, Dana International (nome inspirado por un amigo da infancia, Daniel, que finou nun accidente), someteuse a unha operación de reasignación de sexo en Londres.

En 1995, saíu á venda o seu segundo disco, titulado Umpatampa, polo que gañou o premio á mellor artista feminina en Israel en 1996. En 1995 tamén entrou na preselección israelí para o Festival de Eurovisión interpretando "Layla Tov Eropa". O seu terceiro disco, Maganona foi censurado en Exipto e Xordania porque temían que "pervertese" a mocidade deses países. Aínda así, vendéronse moitas copias piratas. Dese disco extraeuse o sinxelo "Cinque Milla".

Eurovisión 98

Dana no Songfestivalfeest de Ámsterdam en 2019

En 1998 e ante unha enorme expectación representou o seu país no Festival de Eurovisión 1998, celebrado en Birmingham, coa canción "Diva", que coincidiu ademais co 50 aniversario da proclamación do estado de Israel. A ultraortodoxia israelí chegou a cualificar a Dana como "o demo" e recibiu ameazas de morte, unha polémica que provocou que a televisión israelí non enviase comentarista ao festival.

A canción impúxose con 172 puntos na noite do festival (no primeiro ano que se empregou de xeito masivo o voto telefónico) e ao volver a actuar decidiu vestir unha chaqueta de plumas creada por Jean-Paul Gaultier que lle recomendaron non usar durante a actuación debido a que nalgúns planos tapaba a súa cara. A vitoria de Dana tivo un grande impacto musical e sobre todo nos medios, converténdoa na primeira artista israelí que foi entrevistada pola MTV e en actuar en Top of the Pops. A noite do seu triunfo centos de mozos saíron ás rúas de Tel Aviv, pois significaba o triunfo do sector máis liberal da sociedade israelí e unha vitoria para os dereitos da comunidade homosexual en Oriente.

Tralo festival

Posteriormente, publicou un disco para toda Europa coas súas cancións máis coñecidas en Israel titulado The Album e outro con cancións novas chamado Free. En 2005 "Diva" foi elixida a décimo terceira mellor canción da historia de Eurovisión, polo que competiu no espectáculo Congratulations.

A partir de 2000, tamén colaborou con músicos como DJ Vic, Amir.M & Gal.M e Mike Cruz, e editou temas con certas reminiscencias da música electrónica.

Volveu a Eurovisión en 2008 como compositora da canción "The fire in your eyes" interpretada por Boaz Mauda que, tras superar a semifinal, quedou en novena posición. Xa en 2011 regresou como autora e intérprete coa canción "Ding Dong", mais nesta ocasión non superou a semifinal en Düsseldorf. Volveu vestir de Jean-Paul Gaultier.

En 2013 e tras un descanso de dous anos, Dana deu a coñecer os seus novos sinxelos, "Ma la'asot" e "Loca". Apareceu en varias ocasións en programas relacionados co Eurofestival, como o 60 Aniversario organizado por BBC en Londres en 2015 e na apertura da edición 64 en Tel Aviv.

Activismo

Dana International fixo campaña a favor dos dereitos da poboación homosexual de Israel e é habitual a súa presenza nas celebracións do orgullo de diferentes cidades de Europa.

Discografía

Notas

  1. ↑ ""Casi la mitad de la gente en Eurovisión eran fanáticos, afirma Dana International". El País (en castelán). 12 de xuño de 1998. ISSN 1134-6582. Consultado o 26 de decembro de 2018. 
  2. ↑ "💙 ¿Quién es Dana Internacional, invitada especial a Eurovisión 2019?". www.20minutos.es - Últimas Noticias (en castelán). 2019-05-18. Consultado o 2021-07-03. 

Véxase tamén

Ligazóns externas