Detalles da carreira | ||
---|---|---|
Carreira 15 de 22 no Campionato Mundial de Fórmula 1 de 2021. | ||
Data | 26 de setembro 2021 | |
Nome oficial | Formula 1 VTB Russian Grand Prix 2021 | |
Localización | Circuíto de Sochi, Sochi, Krai de Krasnodar, Rusia | |
Percorrido | Circuíto permanente de carreiras 5´848 km | |
Distancia | 53 voltas, 309´745 km | |
Clima | Nubrado e chuvioso | |
Pole position | ||
Piloto | Lando Norris | McLaren-Mercedes |
Tempo | 1:41.993 | |
Volta rápida | ||
Piloto | Lando Norris | McLaren-Mercedes |
Tempo | 1:37.423 na volta 39 | |
Podio | ||
Primeiro | Lewis Hamilton | Mercedes |
Segundo | Max Verstappen | Red Bull Racing-Honda |
Terceiro | Carlos Sainz | Ferrari |
O Gran Premio de Rusia de 2021, (ruso: 'Формула-1 Гран-при России 2021'), oficialmente coñecido como Formula 1 VTB Russian Grand Prix 2021, foi unha carreira de Fórmula Un, que se celebrou o 26 de setembro de 2021 sobre 53 voltas ao Circuíto urbano de Sochi, na cidade de Sochi no Krai de Krasnodar, Rusia. A carreira foi a décimo quinta rolda da tempada 2021, o décimo Gran Premio de Rusia e a oitava vez que a carreira se disputou como unha rolda do Campionato Mundial de Fórmula 1 desde que se iniciou a serie en 1950.
O evento, que se celebrou a fin de semana do 24 ao 26 de setembro, no Circuíto urbano de Sochi, foi a décimo quinta rolda do Campionato do Mundo de 2021. A carreira tivo lugar dúas semanas despois do Gran Premio de Italia e dúas semanas antes do Gran Premio de Turquía. A pesar de ter que correr como competidor neutral, usando a designación RAF (Federación Rusa de Automobilismo), foi a carreira na casa de Nikita Mazepin.
As regras respecto a saída dos adestramentos para o evento aclaráronse tras a controversia no evento de 2020 cando Lewis Hamilton foi penalizado con dúas penalizacións de cinco segundos por realizar dúas saídas de adestramento fóra da área designada. As notas do director da carreira afirman que, cando se comezan as prácticas, os coches deben aliñarse e saír na orde en que cheguen a menos que se demore demasiado outro coche.
O único provedor de pneumáticos Pirelli asignará os compostos C3, C4 e C5 de pneumáticos para ser empregados na carreira.
Pneus para pista seca | Pneus de chuviapluie | |||
---|---|---|---|---|
Duros (Tipo C3) | Medios (Tipo C4) | Brandos (Tipo C5) | Intermedios |
Chuvia |
Na carreira anterior en Italia, Max Verstappen e Lewis Hamilton colisionaron, e ambos se retiraron da carreira. Os comisarios investigaron o incidente e decidiron que Verstappen foi o culpable principal e sancionarono coa perda de tres postos na grella para este evento.
A clasificación comezou ás 15:00 MST, o 25 de setembro de 2021. Lando Norris comezará na pole por primeira vez na súa carreira na Fórmula Un fixando o mellor tempo con pneumáticos lisos nunha pista seca. O resultado foi a primeira pole de McLaren desde a acadada por Lewis Hamilton no Gran Premio do Brasil de 2012 e Norris converteuse no 102º piloto da historia do campionato mundial en acadar a pole position. Carlos Sainz Vázquez de Castro de Ferrari clasificouse segundo acadando o seu primeiro comezo na primeira fila na Fórmula Un. George Russell clasificouse 3º para Williams o seu segundo posto entre os 3 primeiros da tempada, xa que previamente clasificouse 2º para o Gran Premio de Bélxica. Lewis Hamilton, que encabezou as dúas primeiras quendas da clasificación, comezará 4º ao chocar contra o muro na entrada do pit lane ao entrar para cambiar de pneumáticos de composto intermedio a pneumáticos lisos C5, o que significou que o seu coche necesitaba reparacións, non puido aumentar a temperatura nos pneumáticos debido á falta de rodaxe. Isto tamén atrasou ao seu compañeiro de equipo Valtteri Bottas que se clasificou 7º. O outro McLaren de Daniel Ricciardo clasificouse 5º. Charles Leclerc e Nicholas Latifi non fixaron tempos de volta na segunda quenda da clasificación debido as penalizacións do motor que os degradaron á parte de atrás da grella independentemente do resultado. O líder do campionato Max Verstappen non marcou tempo de volta na primeira quenda polo mesmo motivo.
Pos. | Nº | Piloto | Construtor | Tempos de cualificación | Grella | ||
---|---|---|---|---|---|---|---|
Q1 | Q2 | Q3 | |||||
1 | 4 | Lando Norris | McLaren-Mercedes | 1:47.238 | 1:45.827 | 1:41.993 | 1 |
2 | 55 | Carlos Sainz | Ferrari | 1:47.924 | 1:46.521 | 1:42.510 | 2 |
3 | 63 | George Russell | Williams-Mercedes | 1:48.303 | 1:46.435 | 1:42.983 | 3 |
4 | 44 | Lewis Hamilton | Mercedes | 1:45.992 | 1:45.129 | 1:44.050 | 4 |
5 | 3 | Daniel Ricciardo | McLaren-Mercedes | 1:48.345 | 1:46.361 | 1:44.156 | 5 |
6 | 14 | Fernando Alonso | Alpine-Renault | 1:47.877 | 1:45.514 | 1:44.204 | 6 |
7 | 77 | Valtteri Bottas | Mercedes | 1:46.396 | 1:45.306 | 1:44.710 | 16 |
8 | 18 | Lance Stroll | Aston Martin-Mercedes | 1:48.322 | 1:46.360 | 1:44.956 | 7 |
9 | 11 | Sergio Pérez | Red Bull Racing-Honda | 1:46.455 | 1:45.834 | 1:45.337 | 8 |
10 | 31 | Esteban Ocon | Alpine-Renault | 1:48.099 | 1:46.070 | 1:45.865 | 9 |
11 | 5 | Sebastian Vettel | Aston Martin-Mercedes | 1:47.205 | 1:46.573 | 10 | |
12 | 10 | Pierre Gasly | AlphaTauri-Honda | 1:47.828 | 1:46.641 | 11 | |
13 | 22 | Yuki Tsunoda | AlphaTauri-Honda | 1:48.854 | 1:46.751 | 12 | |
14 | 6 | Nicholas Latifi | Williams-Mercedes | 1:48.252 | Sen tempo | 18 | |
15 | 16 | Charles Leclerc | Ferrari | 1:48.470 | Sen tempo | 19 | |
16 | 7 | Kimi Räikkönen | Alfa Romeo Racing-Ferrari | 1:49.586 | 13 | ||
17 | 47 | Mick Schumacher | Haas-Ferrari | 1:49.830 | 14 | ||
18 | 99 | Antonio Giovinazzi | Alfa Romeo Racing-Ferrari | 1:51.023 | 17 | ||
19 | 9 | Nikita Mazepin | Haas-Ferrari | 1:53.764 | 15 | ||
20 | 33 | Max Verstappen | Red Bull Racing-Honda | No time | 20 | ||
107% tempo: 1:53.411 | |||||||
Fonte: |
A carreira comezou ás 15:00 MST, o 26 de setembro de 2021. Carlos Sainz tomou o liderado de Lando Norris na segunda curva, mentres que Lewis Hamilton caeu no sexto posto. Fernando Alonso adiantou a Hamilton na saída, pero este volveulle adiantar na volta seguinte polo exterior da curva tres. Charles Leclerc subiu ao 12º posto despois de comezar do 19º. Na volta 13, Norris superou a Sainz para recuperar o liderado da carreira. Norris permanecería no liderado ata as cinco últimas voltas, cando comezou a chover, o que provocou que moitos dos pilotos optaran por pneumáticos intermedios, incluíndo Hamilton, Max Verstappen e Sainz, na volta 49. Na volta 51, Norris fixo acuaplaning na curva 5, permitindo a Hamilton tomar a dianteira e gañar a carreira. Norris finalmente entrou nos boxes ao final da volta para montar pneumáticos intermedios, con todo, Norris volveu a sufrir acuaplaning na entrada do pit e pisou a liña branca que separa a entrada do pit lane da pista, polo que foi amonestado. Norris rematou a carreira no sétimo posto. Verstappen rematou a carreira no segundo posto partindo do 20º da grella de saída e Sainz terminou no terceiro posto, logrando o seu quinto podio na Fórmula Un. A vitoria na carreira de Hamilton converteuno no primeiro piloto da historia da Fórmula Un en conseguir 100 vitorias.
Hamilton saudou ao seu equipo Mercedes despois de conseguir a súa vitoria número 100. O xefe do equipo de Mercedes Toto Wolff saudou o logro de Hamilton de 100 vitorias como "alucinante". O campión do mundo de Fórmula Un 1998 e 1999 Mika Häkkinen dixo que a paciencia foi o factor clave para que Hamilton conseguise a vitoria na carreira. Valtteri Bottas considerou que lle tería sido posible un podio se tivese entrado a boxes unha volta antes para montar pneumáticos intermedios. Alonso tamén creu que eralle posible acadar un podio antes de que comezase a chover. McLaren dixo que faría unha revisión dos procedementos que contribuíron a que Norris non entrara a boxes antes para montar os pneumáticos intermedios cando comezou a chover. O director do equipo de McLaren Andreas Seidl dixo que o equipo tampouco se pararía no que puido ser ou debería ser.. Norris dixo que "non estaba satisfeito" co seu resultado e afirmou que podería ter entrado a boxes para cambiar pneumáticos de chuvia se o equipo lle proporcionanse información máis clara sobre o clima. O director xeral de Fórmula Un Ross Brawn eloxiou a Norris pola súa actuación na fin de semana, aínda que sentiu que a súa inexperiencia se amosaba nas condicións complicadas durante a carreira. Brawn defendeu a Norris, argumentando que houbo ocasións nas que os pilotos tiveron razón en ignorar as ordes do equipo e seguir os seus instictos. Brawn citou o Gran Premio de Alemaña de 2000 como exemplo no que Rubens Barrichello gañou tras ignorar a orde de Brawn de entrar a boxes. Na súa análise da carreira, Brawn tamén eloxiou aos veteranos da Fórmula Un como Kimi Räikkönen, Alonso e Hamilton por como responderon á mesma situación.. O experto Scott Mitchell non estivo de acordo coa idea de Brawn de que Norris non gañou por falta de experiencia. O expiloto de Renault de Fórmula 1 convertido en analista e comentarista de radio Jolyon Palmer dixo que a responsabilidade de que Norris non entrase a boxes para cambiar pneumáticos de chuvia era do equipo de McLaren. O sete veces gañador de carreiras de Gran Premio Juan Pablo Montoya dixo que a actuación de Norris significaba que agora sabería que podería facer o seu traballo e comparou o que Norris experimentou en Sochi coa súa propia experiencia persoal no Gran Premio do Brasil de 2001, onde sacároo desa carreira mentres lideraba Jos Verstappen, a quen acababa de dobrar. Red Bull Racing eloxiou o segundo posto de Verstappen desde o último posto na grella como "como unha vitoria". O xefe do equipo Alfa Romeo Racing Frédéric Vasseur considerou que Norris debería recibir unha penalización de tempo pola súa infracción na entrada a boxes. Norris pasou dous días de traballo de simulador co equipo McLaren despois da carreira para analizar onde erraron el e o equipo durante a carreira e como podían aprender da experiencia, con Norris afirmando que era optimista para lograr grandes resultados nas restantes carreiras da tempada.
|
|
A Galipedia ten un portal sobre: Fórmula 1 |
Wikimedia Commons ten máis contidos multimedia na categoría: Gran Premio de Rusia de 2021 |
Carreira anterior: Gran Premio de Italia de 2021 |
Campionato Mundial de Fórmula 1 da FIA Temporada 2021 |
Carreira seguinte: Gran Premio de Turquía de 2021 |
Carreira anterior: Gran Premio de Rusia de 2020 |
Gran Premio de Rusia | Carreira seguinte: Gran Premio de Rusia de 2022 |