Sven Kramer

Infotaula de personaSven Kramer

(2007) Editar o valor em Wikidata
Biografía
Nacemento23 de abril de 1986 Editar o valor em Wikidata (38 anos)
Heerenveen, Países Baixos Editar o valor em Wikidata
Datos persoais
País de nacionalidadeReino dos Países Baixos Editar o valor em Wikidata
Altura185 cm Editar o valor em Wikidata
Peso80 kg Editar o valor em Wikidata
Actividade
Ocupaciónpatinador de velocidade , ciclista Editar o valor em Wikidata
Período de actividade2004 Editar o valor em Wikidata -
Nacionalidade deportivaPaíses Baixos Editar o valor em Wikidata
DeportePatinaxe de velocidade sobre xeo Editar o valor em Wikidata
Disciplina deportivalong track speed skating (en) Traducir Editar o valor em Wikidata
Participou en
19 de febreiro de 2022Patinação de velocidade nos Jogos Olímpicos de Inverno de 2022 - Largada coletiva masculina (pt) Traducir (16º)
15 de febreiro de 2022Patinação de velocidade nos Jogos Olímpicos de Inverno de 2022 - Perseguição por equipes masculino (pt) Traducir (4º)
6 de febreiro de 2022Patinação de velocidade nos Jogos Olímpicos de Inverno de 2022 - 5000 m masculino (pt) Traducir (9º)
2018Xogos Olímpicos de Inverno de 2018
22 de febreiro de 2014Patinação de velocidade nos Jogos Olímpicos de Inverno de 2014 - Perseguição por equipes masculino (pt) Traducir  (medalla de ouro olímpica)
18 de febreiro de 2014Patinação de velocidade nos Jogos Olímpicos de Inverno de 2014 - 10000 m masculino (pt) Traducir  (medalla de prata olímpica)
8 de febreiro de 2014Patinação de velocidade nos Jogos Olímpicos de Inverno de 2014 - 5000 m masculino (pt) Traducir  (medalla de ouro olímpica)
13 de febreiro de 2010Patinação de velocidade nos Jogos Olímpicos de Inverno de 2010 - 5000 m masculino (pt) Traducir  (medalla de ouro olímpica)
2010Patinação de velocidade nos Jogos Olímpicos de Inverno de 2010 - Perseguição por equipes masculino (pt) Traducir  (Medalla de bronce olímpica)
2006Patinação de velocidade nos Jogos Olímpicos de Inverno de 2006 - Perseguição por equipes masculino (pt) Traducir  (Medalla de bronce olímpica)
2006Patinação de velocidade nos Jogos Olímpicos de Inverno de 2006 - 5000 m masculino (pt) Traducir  (medalla de prata olímpica) Editar o valor em Wikidata
Familia
PaiYep Kramer (en) Traducir Editar o valor em Wikidata
IrmánsBrecht Kramer (en) Traducir Editar o valor em Wikidata
Premios
Páxina websvenkramer.nl Editar o valor em Wikidata
Facebook: svenkramer86 Twitter: SvenKramer86 Olympic.org: sven-kramer WikiTree: Kramer-4792 Editar o valor em Wikidata

Sven Kramer, nado en Heerenveen (Frisia) o 23 de abril de 1986, é un patinador de velocidade neerlandés, que foi campión olímpico de 5000 metros en Vancouver 2010 e mais en Sochi 2014.

Traxectoria

Sven é fillo do patinador de velocidade Yep Kramer, fixo a súa estrea na alta competición no Campionato Mundial Xuvenil de 2004, onde quedou segundo tras do canadense Justin Warsylewicz. En decembro dese ano con 18 anos gañou o Campionato Neerlandés KNSB o que lle permitiu cualificarse para o Campionato Europeo de Patinaxe de Velocidade, logrando alí a medalla de prata. O 19 de novembro de 2005 en Salt Lake City estableceu unha nova marca mundial nos 5000 metros con 6:08.78 e entrou na lista dos dez mellores de todos os tempos, o Adelskalender. No Campionato do Mundo de Patinaxe de Velocidade dese ano logrou a medalla de prata e para rematar o ano foi o campión do Campionato Xuvenil e asinou contrato co equipo neerlandés TVM.

O 11 de febreiro de 2006, gañou a medalla de prata nos 5000 m. nos Xogos Olímpicos de Inverno de 2006 en Turín. Kramer tamén participou en persecución por equipos, onde os neerlandeses eran os favoritos pero na semifinal, Kramer tropezou e caeu levando con el a Carl Verheijen, finalmente os Países Baixos serían bronce, levando Kramer a súa segunda medalla nos Xogos. Tamén participou en 1500 m quedando o 15º e en 10.000 m onde foi sétimo. No Campionato Europeo de 2006 en Hamar, Kramer foi cuarto e no Mundial en Calgary, estableceu un novo récord do mundo en 10000 m con 12:51.60.

Na temporada 2006–2007, Kramer gañou as primeiras dúas carreiras de 5000 m da copa do mundo, a segunda en 6:09.78, próxima ao seu récord do mundo, en decembro de 2006 foi de novo campión nacional. O 14 de xaneiro de 2007, Kramer converteuse no campión europeo en Collalbo (Italia), cunha forte competención do gañador de 2006, Enrico Fabris, que gañara as dúas carreiras curtas, mentres Kramer facía o propio coas dúas de longa distancia, pero a súa puntuación foi menor que a de Fabris (148.800 fronte a 149.389), ademais os tempos en 5 e 10 km. foron novos récords mundiais en patinaxe exterior, superando a Fabris e a Jochem Uytdehaage no Adelskalender. O 11 de febreiro Kramer converteuse no campión mundial por vez primeira, conseguindo unha nova marca mundial en 10 km. con 12:49.88.

Nos Campionatos do Mundo de 2007 en Salt Lake City, Kramer participou en 5.000, 10.000 metros e persecución por equipos, gañando os tres e conseguindo récords do mundo en 10.000 e persecución. Kramer converteuse no patinador de velocidade do ano, xunto con Ireen Wüst., e situouse primeiro no Adelskalendar o 17 de novembro de 2007.

Na primeira competición da temporada 2007/2008 Kramer caeu derrotado diante Fabris en 5.000 m., quen ademais estableceu unha nova marca mundial 6.07,40 pero unha semana máis tarde Kramer recuperada o récord con 6.03,32. Por segunda vez Kramer gañou o Campionato Europeo e o 10 de febreiro, tamén por segunda vez converteuse no campión mundial en Berlín. Durante a Copa do Mundo en Hamar Kramer recibiu o premio Oscar Mathisen polos seus catro récords mundiais realizados en 2007. Kramer participou en 1500, 5000, 10000 m., e persecución por equipos. En 1500 metros foi segundo tras do canadense Denny Morrison e gañou as outras tres probas, facéndose así con tres ouros, como o ano anterior. Kramer foi patinador de velocidade do ano por segunda vez, xunto con Paulien van Deutekom en categoría feminina.

Kramer gañou o ouro nos campionatos europeo e mundial de 2009, e por terceira vez foi elixido patinador de velocidade do ano, ademais recibiu o premio Ard Schenk.

Sven Kramer nos Xogos Olímipicos de Vancouver

No campionato europeo celebrado en Hamar en xaneiro de 2010 Kramer levou o ouro por cuarta volta

Nos Xogos Olímpicos de 2010, Kramer era o favorito para gañar tres ouros, como fora o seu compatriota Ard Schenk nos de 1972. Na carreira de 5000 m. logrou a medalla de ouro cun novo récord olímpico de 6:14.60, superando a marca de Jochem Uytdehaage por 0.06 segundos.

Na final de 10.000 m. Kramer rematou primeiro, cun tempo de 12:54.50, pero foi descualificado por cometer un erro, como resultado o gañador foi Lee Seung-hoon cun novo récord olímpico, 12:58.55. No Campionato Mundial de 2010 gañou o seu cuarto título consecutivo. e por cuarta vez Kramer foi patinador de velocidade do ano, acompañado en categoría feminina por Ireen Wüst. Pola súa carreira deportiva recibiu o 3 de marzo de 2010 o título de cabaleiro da Orde do León Neerlandés.

Sven Kramer (no centro) gañou o ouro en 5000 m en Sochi

Kramer retirouse da alta competición durante a temporada 2010/2011 debido a unha neuropatía periférica nunha perna, volvendo á competición a primeiros de 2012, conseguindo o seu quinto campionato europeo e mundial, gañando tamén ámbolos dous campionatos en 2013. Nos Xogos Olímpicos de 2014 en Sochi logrou a medalla de ouro en 5.000 m. cun récord olímpico de 6:10.76. Kramer tamén gañou a prata nos 10.000 m.

Notas

  1. ↑ www.sports-reference.com (ed.). "Sven Kramer Biography". Arquivado dende o orixinal o 12/08/2011. Consultado o 19/02/2014. 
  2. ↑ schaatsen.blog.nl, ed. (14 de marzo 2007). "Kramer en Wüst – natúúrlijk- schaatsers van het jaar". Arquivado dende o orixinal o 21 de febreiro de 2014. Consultado o 2010-02-14. 
  3. ↑ www.skateresults.com (ed.). "Oscar Winners". Arquivado dende o orixinal o 20/06/2015. Consultado o 12/02/2010. 
  4. ↑ Telegraaf, ed. (18 de marzo de 2009). "Kramer voor derde keer de beste". Consultado o 2010-02-15. 
  5. ↑ www.rnw.nl, ed. (10 de xaneiro de 2010). "Dutch skater wins fourth European title". Arquivado dende o orixinal o 14/01/2010. Consultado o 12/02/2010. 
  6. ↑ BBC News, ed. (13 de febreiro de 2010). "Sven Kramer takes speed skating gold and Olympic record". Consultado o 16 de febreiro de 2010. 
  7. ↑ NRC Handelsblad, ed. (15 de febreiro de 2010). "Speed skater Kramer wins first Olympic gold". Arquivado dende o orixinal o 19 de febreiro de 2010. Consultado o 17 de febreiro de 2010. 
  8. ↑ Olympics on NBC, ed. (14 de febreiro de 2010). "Dutch sensation Kramer claims 5000m gold". Arquivado dende o orixinal o 14 de febreiro de 2010. Consultado o 14 de febreiro de 2010. 
  9. ↑ ESPN, ed. (23 de febreiro de 2010). "Lee wins gold; Kramer DQed for not switching lanes". Consultado o 24 de febreiro de 2010. 
  10. ↑ Toronto SUN, ed. (21 de marzo de 2010). "World Speedskating Championships". Consultado o 2010-03-22. 
  11. ↑ Liesbeth Kombrink (23 de marzo de 2010). schaatsen.blog.nl, ed. "Kramer en Wüst schaatsers van het jaar 2010". Arquivado dende o orixinal o 19 de novembro de 2010. Consultado o 23 de marzo de 2010. 
  12. ↑ Paul Newberry, "Kramer shakes off pressure, wins another 5000 gold", The Washington Post, 2014. Consultado o 18 de febreiro de 2014.
  13. ↑ http://www.sochi2014.com/ (ed.). "Men's 10000 m : Speed Skating Men's 10000 m". Sochi 2014 Winter Olympics. Arquivado dende o orixinal o 29 de xaneiro de 2014. Consultado o 18 de febreiro de 2014. 

Véxase tamén

Ligazóns externas