Caggey ny Malveenaghyn

Sidooryn Argenteenagh er straiddyn Stanley, preeu-valley ny Malveenagh
Y HMS Broadsword liorish y HMS Hermes car Caggey ny Malveenaghyn
Cappee chaggee Argenteenagh ec jerrey yn chaggey

She caggey neuhoilshit jeih shiaghtinyn eddyr yn Argenteen as y Reeriaght Unnaneysit ayns 1982 va Caggey ny Malveenaghyn (Baarle: Falklands War, Spaainish: Guerra de Malvinas). Chagg y daa ashoon bentyn rish reill as shelloo daa chroghane Goaldagh ayns Jiass y Cheayn Sheear: ny Malveenaghyn as nyn groghane, y Çhorshey Yiass as Ellanyn Sandwich Yiass. Hoshee yn streeu er 2 Averil 1982, tra ren yn Argenteen ruegey as cummal ny Malveenaghyn, lesh ruegys er y Çhorshey Yiass er y chied laa elley. Er 5 Averil, chur y reiltys Goaldagh possan-kiartag marrey magh dy cho-chaggey noi Lhuingys Chaggee yn Argenteen as Armee Aer yn Argenteen roish ren ad soiagh moir-ushtagh er ny h-ellanyn. Hie yn streeu er ny chaggey harrish 74 laaghyn as haink jerrey lesh tra ren yn Argenteen livrey seose er 14 Mean Souree, as tra va ny h-ellanyn currit er ash fo reill Ghoaldagh. 'Sy chaggey, va 649 skimmee chaggee Argenteenagh, 255 skimmee chaggee Ghoaldagh, as troor dy Valveenee marrooit car yn asschaarjys.

Ta çhaglym aaraaghyn ec Wikiquote bentyn rish:
Ta tooilley mean ayns Wikimedia Commons bentyn rish: Falklands War.