She feelee, noa-skeealagh, cremeyder lettyragh, screeudeyr traaght, ynseyder, sheerloayreyder er son y çhymmyltaght, as ynlaghteyr Canadagh ee Margaret Eleanor Atwood (ruggit er 18 Sauin 1939). Voish y vlein 1961, t'ee er ny hoilshaghey magh 18 lioaryn dy ghaanyn, 11 lioar neu-farskeealaght, nuy çhaglymyn y farskeealaght ghiare, hoght lioaryn paitçhyn, daa noaskeeal graafagh, as shiartanse dy lhiegganyn faastan beg jeh'n eeleeaght as y far-skeealaght. Ta Atwood er ny chosney shiartanse d'aundyryn as onnoryn son e screeuynyn, goaill stiagh daa Aundyr Booker, Aundyr Arthur C. Clarke, Aundyr yn Ard-chiannoort, Aundyr Franz Kafka, Aundyryn Ven-phrinse yn Astoor, as Aundyryn Ard-obbyr Heihill voish ny National Book Critics as PEN Center USA. Ta kuse jeh ny h-obbragheyn eck er ny ve jeshit da filmyn as da'n çhellveeish.
Ta obbraghyn Atwood goaill stiagh caghlaa cooish, lheid as y keintys as yn enney, y chraueeaght as feayn-skeealyn, cummaght y ghlare, caghlaa emshyraght, as "politickaght y reirid". T'ee tayrn ard-smooinaght da ny daanyn eck voish feayn-skeealyn as shee-skeealyn as ee cleaynit roo voish eash yn aegid eck.
She bunneyder Aundyr Feeleeaght Griffin as Treisht Screeudeyryn y Chanadey t'ee. Chammah's shen, she ynlaghteyr er y ghreie LongPen as ny çhaghnoaylleeaghtyn bentyn rish ta lhiggey da foddey-screeu docamadyn.