Marie Magdalene "Marlene" Dietrich (27 Nollick 1901 – 6 Boaldyn 1992) she aghteyr as arraneyder Americaanagh va ruggit 'sy Ghermaan v'ee. Ren y coorse eck goaill harrish ny 1910yn derrey ny 1980yn.
Ayns Berleen ayns ny 1920yn, ren Dietrich cloie er yn ardan as ayns scannaneyn tostagh. Ren e cloie myr Lola-Lola ayns scannane Josef von Sternberg, The Blue Angel (1930), geddyn ard-voylley eddyr-ashoonagh as conaant marish Paramount Pictures. Ren Dietrich goaill ayrn ayns ram scannaneyn Hollywood goaill stiagh shey paart jallooagh v'er stiurey liorish Sternberg — Morocco (1930) (yn un enmyssaght Aundyr Academy), Dishonored (1931), Shanghai Express as Blonde Venus (y daa jeu ayns 1932), The Scarlet Empress (1934) as The Devil Is a Woman (1935) — myrane lesh Desire (1936) as Destry Rides Again (1939). Ren ee traghtey er bun e persoonid drualtagh as e shilley "andooghyssagh" as haink urree dy ve fer jeh ny ben-aghteyryn s'berçhee 'sy lhing shen. Car y Nah Chaggey Dowanagh she eunysseyr ard-ghooagh ayns ny Steatyn Unnaneysit v'ee. Ga dy ren ee cloie paartyn ard-ghooagh ayns scannaneyn lurg y chaggey, goaill stiagh scannaneyn Alfred Hitchcock Stage Fright (1950), Billy Wilder Witness for the Prosecution (1957), Orson Welles Touch of Evil (1958) as Stanley Kramer Judgment at Nuremberg (1961), ren Dietrich ceau yn chooid smoo jeh'n traa eck ayns ny 1950yn derrey ny 1970yn turryssaghey yn dowan myr cloieder paalan buillvollee.
{{cite web}}
: Unknown parameter |urlstatus=
ignored (cooney)