| ||
Wopon | ||
---|---|---|
| ||
Zakładne daty | ||
stat | Italska | |
Region | Region Kampanija | |
prowinca | Prowinca Neapel | |
wysokosć | 17 metrow n.m.hł. | |
přestrjeń | 117,27 km² | |
póstowe čisło | 80100 | |
předwólba | (+39) 081 | |
webstrona | comune.napoli.it | |
Neapel (italsce Napoli) je italske wulkoměsto na juhu kraja. Třeće najwjetše město Italskeje ma něhdźe milion wobydlerjow a je jako stolica Kampanskeje hospodarske a kulturne srjedźišćo južneje Italskeje. Metropolowy region ma něhdźe 4,4 miliony wobydlerjow.
Prěnjotne grjekske sydlišćo při brjoze Tyrrenskeho morja pod wulkanom Vesuv měješe mjeno Neapolis („nowe město“) a dósta so pozdźišo pod romske knjejstwo. Wot pózdnjeho srjedźowěka hač do 18. lětstotka słušeše Neapel k najwjetšim městam cyłeje Europy. W nutřkownych měšćanskich dźělach nadeńdźe so wjele twarskich a kulturnych pomnikow, tak zo słuša cyłe stare město wot 1995 k swětowemu herbstwu UNESCO.