«Վերադարձ» (իսպ.՝ Volver), Պեդրո Ալմոդովարի 2006 թվականի ֆիլմը։ Ռեժիսորի խոսքերով՝ այն պատմություն է, որտեղ առկա են «տատիկ, մայր, դուստր, ուրվականներ և տանգո»։ Ֆիլմը մասնակցել է 2006 թվականի Կաննի կինոփառատոնի մրցութային ծրագրին։ Պեդրո Ալմոդովարը ստացել է մրցանակ լավագույն սցենարի, իսկ ֆիլմի դերասանուհիների կազմը կոլեկտիվ մրցանակ՝ դերասանական աշխատանքի համար։
Հետաքրքիր փաստեր
Volver (իսպ. նշանակում է «վերադառնալ») լեգենդար արգենտինյան տանգո է՝ հավերժացված Կառլոս Գարդելի կողմից։ Ֆիլմում կատարում է Էստրելա Մորենտեն։
Ալմոդովարի նախորդ աշխատանքում՝ «Վատ դաստիարակություն» ֆիլմում (La mala educación, 2004), կան «Վերադարձի» վերաբերյալ ակնարկներ. առաջինը՝ Էնրիկե Գոդեդի «Տատիկ-ուրվական» ֆիլմի պաստառը, ապա՝ El Azar S.L.-ի աշխատասենյակում ևս մեկ պաստառում, որի ներքևի ձախ մասում Կարմեն Մաուրան է, ով խաղացել է Ալմոդովարի մի քանի ֆիլմերում։
Ալմոդովարի «Իմ գաղտնիքի ծաղիկը» (La flor de mi secreto, 1995) ֆիլմում «Վերադարձի» սյուժեն հիշատակվում է որպես գլխավոր հերոսուհու կողմից գրված գրքի սյուժեի։