Hemoglobino esas albuminoida proteino kun reda koloro pro la presenco di fero, quan formacas la maxim granda parto di reda globuli dil sango. Lua funciono esas transportar oxo de la pulmoni til tota la tisui dil korpo.
En 1825 J.F. Engelhard deskovris ke la quanto di fero en la hemoglobini de diversa speci esas la sama. Pro konocar l'atomala maso dil elemento Fero ilu povis kalkular l'atomala maso di hemoglobino. Ilu kalkulis la molekulala maso di hemoglobino segun la formulo n × 16000 (n= quanto di atomi di fero en la molekulo. nun on savas ke esas 4). Lore lia kalkulo konsideresis ridikula, pro altra ciencisti konsiderar ke un molekulo ne povis esar tam granda. En 1925 Gilbert Smithson Adair demonstris ke la kalkulo di Engelhard esis korekta.
En 1959 Max Perutz determinis la molekulala strukturo di myoglobino (simile a hemoglobino) per x-radio de kristalografio. Pro ta deskovro, Perutz recevis la Nobel-premio pri kemio en 1962.