Official Charts Company (OCC eða Official Charts) er breskt tónlistarfyrirtæki sem safnar saman ýmsum hljómplötulistum í Bretlandi, Írlandi og Frakklandi.
Í Bretlandi heldur fyrirtækið utan um vinsældalista yfir smáskífur, hljómplötur, og kvikmyndir, þar sem þeir eru byggðir á gögnum um niðurhöl, kaup og streymi. OCC býr til listana með því að safna og sameina sölur frá smásölum í gegnum markaðsrannsóknir framkvæmdar af Kantar Group, og segist ná yfir 99% af markaðnum fyrir smáskífur og 95% fyrir hljómplötur. Það hefur sett markmið um að safna gögnum frá öllum smásöluaðilum sem selja meira en 100 eintök á viku.
OCC er rekið í sameiningu af British Phonographic Industry (BPI) og Entertainment Retailers Association (ERA) (áður British Association of Record Dealers (BARD)).