პირადი მონაცემები | |||
---|---|---|---|
სრული სახელი |
ვილი დევიდ ფრედერიკ სანიოლი | ||
დაბადების თარიღი | 18 მარტი, 1977 | ||
დაბადების ადგილი | სენტ-ეტიენი | ||
სიმაღლე | 182 სმ | ||
სათამაშო პოზიცია | მარჯვენა მცველი | ||
ახალგაზრდული კარიერა | |||
1990–1995 | სენტ-ეტიენი | ||
პროფესიონალური კარიერა* | |||
წლები | გუნდი | მატჩი | (გოლი) |
1995–1997 | სენტ-ეტიენი | 46 | (1) |
1997–2000 | მონაკო | 71 | (0) |
2000–2009 | ბაიერნი | 184 | (7) |
2003–2008 | ბაიერნი II | 3 | (0) |
სულ | 304 | (8) | |
ეროვნული ნაკრები | |||
2000–2008 | საფრანგეთი | 58 | (0) |
სამწვრთნელო კარიერა | |||
2011–2013 | საფრანგეთი (ტექნ. დირექტორი) | ||
2013–2014 | საფრანგეთი 21 წლ. | ||
2014–2016 | ბორდო | ||
2017 | ბაიერნი (ასისტენტი) | ||
2017 | ბაიერნი (დროებითი) | ||
2021— | საქართველო | ||
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება |
ვილი დევიდ ფრედერიკ სანიოლი (ფრანგ. Willy David Frédéric Sagnol; დ. 18 მარტი, 1977, სენ-ეტიენი, საფრანგეთი) — ფრანგი მწვრთნელი და ვეტერანი ფეხბურთელი. საქართველოს ეროვნული საფეხბურთო ნაკრების მთავარი მწვრთნელი.
სანიოლის პროფესიონალური საფეხბურთო კარიერა დაიწყო 1995 წელს საფრანგეთის ლიგა 1-ის კლუბ „სენტ-ეტიენში“. 1997-2000 წლებში თამაშობდა ფრანგულ კლუბ „მონაკოში“. კარიერის უმეტესი წლები გაატარა გერმანულ კლუბ „ბაიერნში“ (2000-2009).
მისი დებიუტი საფრანგეთის ეროვნულ ნაკრებში შედგა 2000 წლის 15 ნოემბერს თურქეთის ნაკრების წინააღმდეგ გამართულ მატჩში, სადაც საფრანგეთმა თურქეთის ნაკრებს 4-0 სძლია. საფრანგეთის ნაკრების შემადგენლობაში ყოფნისას მონაწილეობა მიიღო მსოფლიოს 2002, ევროპის 2004, მსოფლიოს 2006 და ევროპის 2008 წლის ჩემპიონატებში.
საფეხბურთო კარიერის დასრულების შემდეგ სანიოლმა სამწვრთნელო საქმიანობას მიჰყო ხელი. 2011-2014 წლებში იყო საფრანგეთის ნაკრების ტექნიკური დირექტორი. 2013 წელს დაინიშნა საფრანგეთის 21-წლამდელთა ნაკრების მთავარ მწვრთნელად; 2014-2016 წლებში „ბორდოს“ მთავარი მწვრთნელი; 2017 წელს ბაიერნის მწვრთნელის ასისტენტი. იმავე წლიდან, კარლო ანჩელოტის კლუბიდან წასვლის შემდეგ სანიოლი ბაიერნის მთავარი მწვრთნელის მოვალეობას ასრულებდა. 2021 წელს საქართველოს ეროვნული ნაკრების მწვრთნელად დაინიშნა.
მონაკო
ბაიერნი
საფრანგეთი