| Front Line Defenders | |
|---|---|
| შეიქმნა | 2001 |
| ტიპი |
არაკომერციული ორგანიზაცია არასამთავრობო ორგანოზაცია |
| მიზანი | ადამიანის უფლებების დაცვა |
| ქვეყანა | ირლანდიის რესპუბლიკა |
| frontlinedefenders.org | |
Front Line Defenders ასევე, ცნობილი როგორც ადამიანის უფლებების დამცველთა დაცვის საერთაშორისო ფონდი ― ირლანდიაში დაფუძნებული ადამიანის უფლებების ორგანიზაცია. დაარსდა 2001 წელს დუბლინში, ირლანდიაში, იმათ დასაცავად, ვინც ადამიანის უფლებათა საყოველთაო დეკლარაციის შესაბამისად, არაძალადობრივი მეთოდებით სხვა ადამიანების უფლებებს იცავენ.
ორგანიზაცია Amnesty International-ის ირლანდიის სექციის ყოფილმა დირექტორმა, მერი ლოულორმა დააფუძნა ბიზნესმენისა და ქველმოქმედის, დენის ო'ბრიენის 3 მილიონიანი შემოწირულობით. Front Line Defenders გაეროს ეკონომიკური და სოციალური საბჭოს სპეციალური საკონსულტაციო სტატუსი და ადამიანის უფლებათა აფრიკული კომისიის დამკვირვებლის სტატუსი აქვს.
2006 წელს ორგანიზაციის ევროპის კავშირის ოფისი ბრიუსელში დააფუძნა.
2007 წელს ორგანიზაციას მეფე ბოდუენის საერთაშორისო განვითარების პრემია, ხოლო 2018 წელს გაეროს პრემია ადამიანის უფლებების დარგში. 2014 წლის 3 ივლისს, ირლანდიაში საფრანგეთის ელჩმა, ჟან-პიერ ტიბომ, საფრანგეთის მთავრობის სახელით ლოულორი საპატიო ლეგიონის ორდენით დააჯილდოვა.
Front Line Defenders-ის მიზანია ადამიანის უფლებების დამცველებს, როგორც სოციალური ცვლილებების მთავარ აგენტებს, შევიწროების, დაშინებისა და დაპატიმრების რისკის გარეშე საქმიანობის შესაძლებლობა ჰქონდეთ.
2021 წლის ოქტომბერში ორგანიზაციამ დაამტკიცა, რომ პალესტინელი მოქალაქეების ნაწილი, რომლებიც ისრაელის მიერ უკანონოდ გამოცხადებულ ადამიანის უფლებათა დამცველ ჯგუფებს მიეკუთვნებოდნენ, ისრაელის ტექნოლოგიური კომპანიის, NSO Group-ის ჯაშუშური ტექნოლოგიების სამიზნე იყვნენ.
2005 წელს ორგანიზაციამ რისკის ქვეს მყოფი ადამიანის უფლებების დამცველების ჯილდო დააწესა, რომელიც ადამიანის უფლებათა იმ დამცველებს გადაეცემა, რომელთაც „არაძალადობრივი საქმიანობით უშიშრად სხვა ადამიანების უფლებების დაცვასა და ხელშეწყობაში წარმოუდგენელი ღვაწლი აქვთ, ხშირად თავად დიდი რისკის ქვეშ ყოფნის მიუხედავად“. ჯილდო საერთაშორისოდაა აღიარებული და გამარჯვებულს 15 000 ევრო გადაეცემა.
დაარსებიდან პრემიის ლაურეატები არიან: