ფაბიანე (ლათ. Fabian; დ. დაახლ. 200 — გ. 20 იანვარი, 250) — მღვდელმოწამე, რომის პაპი 236 წლის 10 იანვრიდან — 250 წლის 20 იანვრამდე. კათოლიკური ეკლესიის წმინდანი. მან რომი 7 საეკლესიო ოლქად დაყო. 7 ნოტარიუსს დაევალა მოწამეთა ისტორიების აღწერა, ხოლო 7 დიაკვანს — ოლქებში წესრიგის დაცვა. ამ დროს რომის ეპისკოპოსს აპენინის ნახევარკუნძულის საეპისკოპოსოები ექვემდებარებოდა. რომის ეპისკოპოსს სხვა ეპისკოპოსების ეკლესიიდან განკვეთა და დანიშვნა შეეძლო. მისი ძალაუფლება აგრეთვე ესპანეთზე, გალიასა და ჩრდილოეთ აფრიკაზე ვრცელდებოდა. ფაბიანეს ხსენების დღეა 5 აგვისტო. თავდაპირველად სოფლის მღვდელი იყო. ეპისკოპოსის კათედრა მიიღო ანტერის მოწამეობრივი აღსასრულის შემდეგ.
წინამორბედი: ანტერი |
რომის პაპი 236 — 250 |
შემდეგი: კორნელიუსი |