Lua error in package.lua at line 80: module 'Module:Pagetype/setindex' not found.
ನರುಟೊ | |
ಚಿತ್ರ:NarutoCoverTankobon1.jpg | |
NARUTO - ナルト - | |
---|---|
Genre | Action, Adventure, Fantasy |
Manga | |
Naruto (pilot chapter) | |
Written by | Masashi Kishimoto |
Published by | Shueisha |
English publisher | Viz Media |
Demographic | Shōnen |
Magazine | Akamaru Jump Shonen Jump |
Published | 1997 |
Manga | |
Written by | Masashi Kishimoto |
Published by | Shueisha |
English publisher | Madman Entertainment Viz Media |
Demographic | Shōnen |
Magazine | Weekly Shōnen Jump Shonen Jump |
Original run | November 1999 – ongoing |
Volumes | 47 |
Manga | |
Naruto: Innocent Heart, Demonic Blood | |
Written by | Masatoshi Kusakabe |
Published by | Shueisha |
English publisher | Viz Media |
Published | 2002 |
Related works | |
Naruto (NARUTO -ナルト-?, romanized as NARUTO) ಎಂಬುದು ಈಗ ಪ್ರಸಾರವಾಗುತ್ತಿರುವ ಮಸಾಷಿ ಕಿಷಿಮೊಟೊರಿಂದ ಬರೆದು ಚಿತ್ರಿಸಲ್ಪಟ್ಟಿರುವ ಜಪಾನ್ನ ಮಂಗಾ ಸರಣಿ ಕಾರ್ಯಕ್ರಮ. ಇದರ ಕಥಾವಸ್ತುವು ನರುಟೊ ಉಜುಮಕಿ ಎಂಬ ಯಾವಾಗಲೂ ಮನ್ನಣೆಗೆಂದು ಅರಸುತ್ತಿರುವ ಹಾಗೂ ತನ್ನ ಹಳ್ಳಿಯಲ್ಲೇ ಅತ್ಯಂತ ಶಕ್ತಿಶಾಲಿಯಾದ ನಿಂಜಾ ನಾಯಕ, ಹೊಕಗೆ ಎಂದೆನಿಸಿಕೊಳ್ಳಬೇಕೆಂಬ ಹಂಬಲ ಹೊತ್ತಿರುವ ಓರ್ವ ಯುವ ನಿಂಜಾನ ಮೇಲೆ ಆಧಾರಿತವಾಗಿದೆ. ಈ ಸರಣಿಯು ಅಕಮರು ಜಂಪ್ ನ ಆಗಸ್ಟ್ 1997ರ ಸಂಚಿಕೆಯಲ್ಲಿ ಪ್ರಕಟಗೊಂಡಿದ್ದ ಕಿಷಿಮೊಟೊರ ಒಂದೇ-ಹಂತದ ಮಕ್ಕಳ ಸಚಿತ್ರಕಥೆಯನ್ನು ಆಧರಿಸಿದೆ.
ಮಂಗಾ ಸರಣಿಯನ್ನು ಪ್ರಪ್ರಥಮ ಬಾರಿಗೆ 1999ರಲ್ಲಿ ಜಪಾನ್ನ ವೀಕ್ಲಿ ಷೋನೆನ್ ಜಂಪ್ ನ 43ನೇ ಸಂಚಿಕೆಯಲ್ಲಿ ಷುಯೆಷಾ ಸಂಸ್ಥೆಯು ಪ್ರಕಟಿಸಿತ್ತು. ಪ್ರಸ್ತುತವಾಗಿ, ನಲವತ್ತೇಳು ಟ್ಯಾಂಕೊಬಾನ್ ಸಂಪುಟಗಳು ಬಿಡುಗಡೆಯಾಗಿದ್ದರೂ ಮಂಗಾ ಸರಣಿಯನ್ನು ಈಗಲೂ ಸಹಾ ಧಾರಾವಾಹಿಯಾಗಿಸಲಾಗುತ್ತಿದೆ. ಮಂಗಾ ಸರಣಿಯನ್ನು ನಂತರ ಅನಿಮೇಷನ್/ಸಜೀವ ಚಿತ್ರವಾಗಿ ಸ್ಟುಡಿಯೋ ಪಿಯೆರಟ್ ಮತ್ತು ಅನಿಪ್ಲೆಕ್ಸ್ ಸಂಸ್ಥೆಗಳು ನಿರ್ಮಿಸಿದವು. ಜಪಾನ್ನಲ್ಲಿ ಭೌಮಿಕ TV ಟೋಕ್ಯೋ/ಟೋಕಿಯೋದ ಜಾಲದಲ್ಲಿ ಮತ್ತು ಸಜೀವಚಿತ್ರಿಕೆಗಳ ಉಪಗ್ರಹ ಕಿರುತೆರೆ ಜಾಲವಾದ ಅನಿಮ್ಯಾಕ್ಸ್ನಲ್ಲಿ ಅಕ್ಟೋಬರ್ 3, 2002ರಂದು ಪ್ರಸಾರವಾಯಿತು. ಮೊದಲ ಸರಣಿಯು 220 ಪ್ರಕರಣ/ಪ್ರಸಂಗ/ಘಟನೆಗಳಲ್ಲಿ ಕೊನೆಗೊಂಡರೆ, ನರುಟೊ : ಷಿಪ್ಪುಡೆನ್ , ಎಂಬ ಮೂಲಸರಣಿಯ ಉತ್ತರ ಭಾಗವು ಫೆಬ್ರವರಿ 15, 2007ರಿಂದ ಪ್ರಸಾರವಾಗಲು ಆರಂಭಗೊಂಡಿದ್ದು ಈಗಲೂ ಮುಂದುವರೆಯುತ್ತಿದೆ. ಸಜೀವಚಿತ್ರಿಕೆ ಸರಣಿಯೊಂದಿಗೆ, ಸ್ಟುಡಿಯೋ ಪಿಯೆರಟ್ ಸಂಸ್ಥೆಯು ಇದೇ ಸರಣಿಯ ಅಂಗವಾಗಿ ಅನೇಕ ಮೂಲ ವಿಡಿಯೋ ಸಚಿತ್ರಿಕೆಗಳನ್ನು (OVAಗಳು) ಮತ್ತು ಆರು ಚಲನಚಿತ್ರಗಳನ್ನು ನಿರ್ಮಿಸಿದೆ. ಇದರ ಕುರಿತಾದ ಇತರ ಸರಕುಗಳೆಂದರೆ ಅನೇಕ ಕಂಪನಿಗಳಿಂದ ನಿರ್ಮಿತವಾದ ಲಘು ಕಾದಂಬರಿಗಳು, ವಿಡಿಯೋ ಆಟಗಳು ಮತ್ತು ವ್ಯಾಪಾರಿ ಕಾರ್ಡುಗಳು.
ವಿಝ್ ಮೀಡಿಯಾ ಸಂಸ್ಥೆಯು ಮಂಗಾ ಸರಣಿ ಹಾಗೂ ಸಚಿತ್ರಿಕೆಗಳನ್ನು ಉತ್ತರ ಅಮೇರಿಕದಲ್ಲಿ ನಿರ್ಮಿಸಲು ಪರವಾನಗಿ ಪಡೆದುಕೊಂಡಿದೆ. ವಿಝ್ ಸಂಸ್ಥೆಯು ಸರಣಿಯನ್ನು ತಮ್ಮ ಷೋನೆನ್ ಜಂಪ್ ಪತ್ರಿಕೆಯಲ್ಲಿ ಮಾತ್ರವಲ್ಲದೇ ಪ್ರತ್ಯೇಕ ಸಂಪುಟಗಳಲ್ಲಿ ಕೂಡ ಪ್ರಕಟಿಸುತ್ತಿದೆ. ಈ ಸಜೀವಚಿತ್ರಿಕೆ ಸರಣಿಯು ಯುನೈಟೆಡ್ ಸ್ಟೇಟ್ಸ್ ಮತ್ತು ಕೆನಡಾಗಳಲ್ಲಿ 2005ರಲ್ಲಿ ಪ್ರಸಾರವಾಗಲು ಆರಂಭಿಸಿ, ನಂತರ ಯುನೈಟೆಡ್ ಕಿಂಗ್ಡಂ ಮತ್ತು ಆಸ್ಟ್ರೇಲಿಯಾಗಳಲ್ಲಿ ಅನುಕ್ರಮವಾಗಿ 2006 ಮತ್ತು 2007ರಲ್ಲಿ ಪ್ರಸಾರ ಆರಂಭಿಸಿತು. ಸರಣಿಯ ಚಲನಚಿತ್ರಗಳು ಹಾಗೂ ಬಹಳಷ್ಟು OVAಗಳನ್ನು ಸಹಾ ವಿಝ್ ಸಂಸ್ಥೆಯು ಬಿಡುಗಡೆ ಮಾಡಿದೆಯಲ್ಲದೇ, ಮೊದಲ ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ಸಹಾ ಬಿಡುಗಡೆ ಮಾಡಿತ್ತು. ನರುಟೊ : ಷಿಪ್ಪುಡೆನ್ನ ಮೊದಲ DVD ಸಂಪುಟವನ್ನು ಉತ್ತರ ಅಮೇರಿಕದಲ್ಲಿ ಸೆಪ್ಟೆಂಬರ್ 29, 2009ರಂದು ಬಿಡುಗಡೆ ಮಾಡಿದ ವಿಝ್ ಸಂಸ್ಥೆಯು, Disney XD ವಾಹಿನಿಯಲ್ಲಿ ಅದೇ ವರ್ಷದ ಅಕ್ಟೋಬರ್ ತಿಂಗಳಲ್ಲಿ ಪ್ರಸಾರ ಮಾಡಲು ಆರಂಭಿಸಿತು.
44ನೇ ಸಂಪುಟದವರೆಗೆ, ಮಂಗಾ ಸರಣಿಯ 89 ದಶಲಕ್ಷಕ್ಕೂ ಹೆಚ್ಚಿನ ಪ್ರತಿಗಳು ಜಪಾನ್ನಲ್ಲಿ ಮಾರಾಟವಾಗಿವೆ. ವಿಝ್ ಸಂಸ್ಥೆಯ ಷೋನೆನ್ ಜಂಪ್ ಪತ್ರಿಕೆಯಲ್ಲಿ ಧಾರಾವಾಹಿಯಾಗಿ ಪ್ರಕಟಗೊಂಡ ನರುಟೊ , ಕಂಪೆನಿಯಿಂದ ಪ್ರಕಟಿಸಲಾದ ಜನಪ್ರಿಯ ಮಂಗಾ ಸರಣಿಗಳಲ್ಲೊಂದಾಗಿದೆ. ಈ ಸರಣಿಯ ಆಂಗ್ಲ ಆವೃತ್ತಿ ಸಹಾ USA ಟುಡೇ ಯ ಪುಸ್ತಕಪಟ್ಟಿಯಲ್ಲಿ ಅನೇಕ ಬಾರಿ ಬಂದಿದೆ ಹಾಗೂ 11ನೇ ಸಂಪುಟ 2006ರಲ್ಲಿ ಕ್ವಿಲ್ ಪ್ರಶಸ್ತಿಯನ್ನು ಗಳಿಸಿದೆ. ವಿಮರ್ಶಕರು ಇದರಲ್ಲಿನ ಹೊಡೆದಾಟದ ದೃಶ್ಯಗಳ ಹಾಗೂ ಹಾಸ್ಯ ದೃಶ್ಯಗಳ ನಡುವಿನ ಸಮತೋಲವನ್ನು, ಹಾಗೂ ಪಾತ್ರದ ವ್ಯಕ್ತಿತ್ವವನ್ನು ಪ್ರಶಂಸಿಸಿದ್ದಾರಾದರೂ, ಷೋನೆನ್ ಮಾದರಿಯ ಕಥಾವಸ್ತುವನ್ನೇ ಬಳಸಿರುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ನರುಟೊ ಉಜುಮಕಿ ಒಂಬತ್ತು-ಬಾಲಗಳುಳ್ಳ ಅತಿಮಾನುಷ ನರಿಯನ್ನು ತನ್ನೊಳಗೆ ಕೂಡಿಟ್ಟುಕೊಂಡ ಓರ್ವ ತರುಣ. ಕಥೆಯು ಆರಂಭಗೊಳ್ಳುವ ಹನ್ನೆರಡು ವರ್ಷಗಳ ಮುನ್ನ ನಿಂಜಾ ಹಳ್ಳಿಯಾದ ಕೊನೊಹಾಗಕುರೆಯ ಮೇಲೆ ದಾಳಿ ಮಾಡಿದ ಒಂಬತ್ತು-ಬಾಲಗಳುಳ್ಳ ಅತಿಮಾನುಷ ನರಿಯು ಅನೇಕ ಜನರನ್ನು ಕೊಂದು ಹಾಕಿರುತ್ತದೆ. ಇದಕ್ಕೆ ಪ್ರತಿಕ್ರಿಯೆಯಾಗಿ ಕೊನೊಹಾಗಕುರೆಯ ಮತ್ತು ಅಲ್ಲಿಯ ನಿಂಜಾ ಸೇನೆಯ ಮುಖ್ಯಸ್ಥ ನಾಲ್ಕನೇ ಹೊಕಗೆಯು ತನ್ನ ಪ್ರಾಣವನ್ನರ್ಪಿಸಿ ಆ ಅತಿಮಾನುಷ ಶಕ್ತಿಯನ್ನು ಆಗ ತಾನೆ ಹುಟ್ಟಿದ ಮಗುವಾಗಿದ್ದ ನರುಟೊನೊಳಗೆ ಪ್ರತಿಬಂಧಿಸಿಟ್ಟಿರುತ್ತಾನೆ. ಕೊನೊಹಾಗಕುರೆ ಹಳ್ಳಿಯು ನರುಟೊನನ್ನು ಆತನೇ ಅತಿಮಾನುಷ ನರಿ ಎನ್ನುವಂತೆ ನಡೆದುಕೊಂಡು ಆತನ ಬಹುಪಾಲು ಬಾಲ್ಯದುದ್ದಕ್ಕೂ ಕೆಟ್ಟದಾಗಿಯೇ ನಡೆಸಿಕೊಂಡಿರುತ್ತದೆ. ನಾಲ್ಕನೇ ಹೊಕಗೆಯ ಉತ್ತರಾಧಿಕಾರಿಯಾದ ಮೂರನೇ ಹೊಕಗೆಯು ವಿಧಿಸಿದ ಕಟ್ಟಳೆಯ ಪ್ರಕಾರ, ಯಾರಿಗೂ ಸಹಾ ಅತಿಮಾನುಷ ನರಿಯ ಆಕ್ರಮಣದ ಬಗ್ಗೆ ತಿಳಿಸುವುದು ನಿಷಿದ್ಧವಾಗಿರುತ್ತದೆ. ವರ್ಷಗಳು ಕಳೆದ ಮೇಲೆ, ನರುಟೊ ಧರ್ಮಭ್ರಷ್ಟ ನಿಂಜಾ ಮಿಝುಕಿಯ ಕುತಂತ್ರದಿಂದ ಪ್ರೇರಿತನಾಗಿ ನಿಷೇಧಿತ ಮಾಂತ್ರಿಕ ಓಲೆಯೊಂದನ್ನು ಕದಿಯಲು ಪ್ರಯತ್ನಿಸಿದಾಗ ಆತನ ಗುರು ಇರುಕಾ ಉಮಿನೊ ಅವನನ್ನು ತಡೆಯುತ್ತಾನೆ. ಮಿಝುಕಿಯಿಂದ ನರುಟೊನನ್ನು ರಕ್ಷಿಸುವ ಪ್ರಯತ್ನದಲ್ಲಿ ಇರುಕಾ ಬಹುಮಟ್ಟಿಗೆ ಸಾಯುವ ಪರಿಸ್ಥಿತಿ ಬಂದಾಗ, ನರುಟೊ ಮಿಝುಕಿಯನ್ನು, ಛಾಯಾ ತದ್ರೂಪಿ ತಂತ್ರವೆಂಬ ತನ್ನ ತದ್ರೂಪಿಗಳನ್ನು ಮೂಡಿಸಬಲ್ಲ ಜುತ್ಸು ಅತಿಮಾನುಷ ಶಕ್ತಿ ನೀಡುವ ಮಾಂತ್ರಿಕ ಓಲೆಯ ಸಹಾಯದಿಂದ ವಿಶೇಷ ಶಕ್ತಿ ಪಡೆದು ಸೋಲಿಸುತ್ತಾನೆ. ಈ ಘಟನೆಯಿಂದಾಗಿ ನರುಟೊಗೆ ತಾನು ಅತಿಮಾನುಷ ನರಿಯ ಧಾರಕನೆಂಬ ವಿಚಾರ ಗೊತ್ತಾಗುತ್ತದೆ.
ಮುಖ್ಯ ಕಥೆಯಲ್ಲಿ ನರುಟೊ ಮತ್ತು ಆತನ ಸ್ನೇಹಿತರ ವೈಯಕ್ತಿಕ ಬೆಳವಣಿಗೆಗಳ ಪ್ರಸ್ತಾಪ ಬರುತ್ತದೆ. ಸಸುಕೆ ಉಚಿಹಾ ಮತ್ತು ಸಕುರಾ ಹರುನೊ ಎಂಬ ಇಬ್ಬರು ಹೋರಾಟಗಾರರೊಂದಿಗೆ ನರುಟೊ ಸ್ನೇಹ ಬೆಳೆಸುತ್ತಾನೆ. ಕಕಷಿ ಹಟಕೆ ಎಂಬ ಅನುಭವಿ ಸೆನ್ಸೀ ಯ ನೇತೃತ್ವದಲ್ಲಿ ಈ ಮೂವರು ಒಂದು ತಂಡವಾಗಿ ಟೀಮ್ 7 ಎಂಬ ಹೆಸರಿನ ತಂಡ ರಚಿಸುತ್ತಾರೆ. ಪ್ರತಿ ಹಳ್ಳಿಗಳಲ್ಲಿ ಕಂಡುಬರುವ ಎಲ್ಲಾ ನಿಂಜಾ ತಂಡಗಳಂತೆ ಹಳ್ಳಿಗರು ಬೆಂಗಾವಲಾಗುವಂತೆ ಹಾಗೂ ಇನ್ನಿತರ ಕೋರಿಕೆಗಳನ್ನು ಪೂರೈಸುವ ಕಾರ್ಯಾಚರಣೆಗಳಲ್ಲಿ ಪಾಲ್ಗೊಳ್ಳುವುದು ಟೀಮ್ 7ರ ಜವಾಬ್ದಾರಿಯಾಗಿರುತ್ತದೆ. ಈ ಕಾರ್ಯಾಚರಣೆಗಳಲ್ಲಿ ಈ ಸರಣಿಯಲ್ಲಿ ಬರುವ ಇನ್ನಿತರ ಪಾತ್ರಗಳೊಂದಿಗೆ ಸಹಾ ನರುಟೊ ಸ್ನೇಹ ಬೆಳೆಸುತ್ತಾನೆ. ಅವರು ಹೊಸ ಹೊಸ ಯುದ್ಧತಂತ್ರಗಳನ್ನು ಕಲಿಯುತ್ತಾ ಪರಸ್ಪರರನ್ನು ಹಾಗೂ ಇತರೆ ಹಳ್ಳಿಗರನ್ನು ಇನ್ನಷ್ಟು ಅರ್ಥಮಾಡಿಕೊಳ್ಳುತ್ತಾ ಬೆಳೆಯುತ್ತಾ ಹೋಗುತ್ತಾರೆ, ಅದೇ ಸಮಯದಲ್ಲಿ ನರುಟೊ ಕೊನೊಹಾಗಕುರೆಯ ಹೊಕಗೆ ಆಗುವುದರ ಕನಸು ಕಾಣತೊಡಗುತ್ತಾನೆ. ಅನೇಕ ಕಾರ್ಯಾಚರಣೆಗಳ ನಂತರ, ಕಕಷಿ ಟೀಮ್ 7 ತಂಡಕ್ಕೆ ನಿಂಜಾ ಪರೀಕ್ಷೆಯಲ್ಲಿ ಭಾಗವಹಿಸಿ ತಮ್ಮ ಶ್ರೇಯಾಂಕಗಳನ್ನು ಉತ್ತಮಗೊಳಿಸಲು, ಹಾಗೂ ಅದರ ಪರಿಣಾಮವಾಗಿ ಮತ್ತಷ್ಟು ಕಠಿಣ ಕಾರ್ಯಾಚರಣೆಗಳಲ್ಲಿ ಪಾಲ್ಗೊಳ್ಳುವ ಅವಕಾಶ ನೀಡುತ್ತಾನೆ. ಪರೀಕ್ಷೆಯ ಸಂದರ್ಭದಲ್ಲಿ, ಒರೋಚಿಮರು ಎಂಬ ಕೊನೊಹಾಗಕುರೆಯ ಬಹು ಬೇಡಿಕೆಯ ಅಪರಾಧಿಯು ಕೊನೊಹಾದ ಮೇಲೆ ದಾಳಿ ಮಾಡಿ, ಸೇಡು ತೀರಿಸಲು ಮೂರನೇ ಹೊಕಗೆಯನ್ನು ಹತ್ಯೆ ಮಾಡುತ್ತಾನೆ. ಇದು ಮೂವರು ಖ್ಯಾತ ನಿಂಜಾಗಳಲ್ಲಿ ಒಬ್ಬನಾದ ಜಿರೈಯನು ಐದನೇ ಹೊಕಗೆ ಆಗಲು ತನ್ನ ಜೊತೆಗಾತಿ ತ್ಸುನೇಡ್ಳನ್ನು ಹುಡುಕುವಂತೆ ಮಾಡುತ್ತದೆ. ಆ ಹುಡುಕುವಿಕೆಯಲ್ಲಿ, ಒರೋಚಿಮರು ಶಕ್ತಿಶಾಲಿ ವಂಶಕ್ಕೆ ಸೇರಿದವನಾದುದರಿಂದ ಸಸುಕೆ ಉಚಿಹಾನನ್ನು ತನ್ನೆಡೆಗೆ ಸೆಳೆದುಕೊಳ್ಳಲು ಸಹಾ ಪ್ರಯತ್ನಿಸುತ್ತಿರುವುದು ತಿಳಿದುಬರುತ್ತದೆ. ತನ್ನ ವಂಶವನ್ನೆಲ್ಲಾ ನಾಶ ಮಾಡಿದ ತನ್ನ ಸಹೋದರ ಇಟಾಚಿಯನ್ನು ಕೊಲ್ಲಲು ಬೇಕಾದ ಸಾಮರ್ಥ್ಯವನ್ನು ಒರೋಚಿಮರು ತನಗೆ ಕೊಡಬಲ್ಲನೆಂದು ನಂಬಿ ಸಸುಕೆ ಅವನ ಕಡೆಗೆ ಹೋಗುತ್ತಾನೆ. ತ್ಸುನೇಡಳು ನರುಟೊನು ಸೇರಿದಂತೆ ನಿಂಜಾಗಳ ಗುಂಪೊಂದನ್ನು ಸಸುಕೆಯನ್ನು ಕೊನೊಹಾಕ್ಕೆ ಮರಳುವಂತೆ ಮಾಡಲು ಕಳಿಸುತ್ತಾಳೆ, ಆದರೆ ನರುಟೊಗೆ ಆತನನ್ನು ಸೋಲಿಸಲು ಆಗುವುದಿಲ್ಲ. ಸಸುಕೆಯ ಮೇಲಿನ ಜವಾಬ್ದಾರಿಯನ್ನು ಅಷ್ಟಕ್ಕೆ ಬಿಟ್ಟುಕೊಡದ ನರುಟೊ ಕೊನೊಹಾದಿಂದ ದೂರವುಳಿದು ಎರಡೂವರೆ ವರ್ಷಗಳ ಕಾಲ ಜಿರೈಯನ ಬಳಿ ತರಬೇತಿ ಪಡೆದು ಸಸುಕೆಯನ್ನು ಮುಂದೆ ಎದುರಿಸಬೇಕಾದ ಸಮಯಕ್ಕೆ ತಯಾರುಗೊಳ್ಳುತ್ತಾನೆ.
ತರಬೇತಿಯ ಅವಧಿಯ ನಂತರದ ಅವಧಿಯಲ್ಲಿ, ಅಕತ್ಸುಕಿ ಎಂಬ ಹೆಸರಿನ ನಿಗೂಢ ಸಂಘಟನೆಯೊಂದು ನರುಟೊನೊಳಗೆ ಬಂಧಿತವಾಗಿರುವ ಒಂಬತ್ತು-ಬಾಲಗಳ ಅತಿಮಾನುಷ ನರಿಯೂ ಸೇರಿದಂತೆ ಒಂಬತ್ತು ಶಕ್ತಿಶಾಲಿಯಾದ ಬಾಲಗಳುಳ್ಳ ಪ್ರಾಣಿ/ಪಶುಗಳನ್ನು ವಶಪಡಿಸಿಕೊಳ್ಳಲು ಪ್ರಯತ್ನಿಸುತ್ತದೆ. ಟೀಮ್ 7 ಸೇರಿದಂತೆ ಕೊನೊಹಾಗಕುರೆಯ ಅನೇಕ ನಿಂಜಾಗಳು ಅಕತ್ಸುಕಿ ಸದಸ್ಯರೊಂದಿಗೆ ಹೋರಾಡುತ್ತಾ ತಮ್ಮ ಸಹೋದ್ಯೋಗಿ ಸಸುಕೆಯನ್ನು ಹುಡುಕುತ್ತಾರೆ. ಅವರು ಜನಸಮೂಹವನ್ನು ಒಂದು ಬಾಲದ ಪ್ರಾಣಿ ಗಾರಾದಿಂದ ರಕ್ಷಿಸಲು ಸಫಲರಾದರೂ, ಅಕತ್ಸುಕಿ ತಂಡವು ಪ್ರಾಣಿಗಳಲ್ಲಿ ಏಳನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿರುತ್ತದೆ. ಇದೇ ಸಮಯದಲ್ಲಿ ಒರೋಚಿಮರುಗೆ ವಿಶ್ವಾಸದ್ರೋಹ ಮಾಡುವ ಸಸುಕೆ ಸೇಡು ತೀರಿಸಿಕೊಳ್ಳಲು ಇಟಾಚಿಯನ್ನು ಎದುರಿಸಲು ಹೋಗುತ್ತಾನೆ. ಇಟಾಚಿಯು ಕಾಳಗದಲ್ಲಿ ಸತ್ತ ನಂತರ, ಅಕತ್ಸುಕಿಯ ಸ್ಥಾಪಕ ಮಾಡಾರಾ ಉಚಿಹಾನು ಸಸುಕೆಗೆ ಕೊನೊಹಾಗಕುರೆಯ ಆಡಳಿತವೇ ಇಟಾಚಿಗೆ ತನ್ನ ವಂಶವನ್ನು ನಿರ್ವಂಶಗೊಳಿಸಲು ಆದೇಶ ನೀಡಿತ್ತು ಎಂದು ಹೇಳುತ್ತಾನೆ. ಈ ಬಹಿರಂಗಗೊಂಡ ವಿಚಾರದಿಂದ ಬೇಸರಗೊಂಡ ಸಸುಕೆ ಅಕತ್ಸುಕಿ ತಂಡವನ್ನು ಸೇರಿ ಕೊನೊಹಾಗಕುರೆಯನ್ನು ನಾಶಗೊಳಿಸಲು ಹೊರಡುತ್ತಾನೆ. ಇದೇ ಸಮಯದಲ್ಲಿ ಕೊನೊಹಾಗಕುರೆ ನಿಂಜಾಗಳಿಂದ ಅನೇಕ ಅಕತ್ಸುಕಿ ಸದಸ್ಯರು ಸೋಲಿಸ್ಪಟ್ಟಿದ್ದರಿಂದ, ಅವರ ನಾಯಕ ಪೇಯ್ನ್, ಹಳ್ಳಿಯ ಮೇಲೆ ನರುಟೊನನ್ನು ವಶಪಡಿಸಿಕೊಳ್ಳಲು ದಾಳಿ ಮಾಡುತ್ತಾನೆ. ಆದಾಗ್ಯೂ, ನರುಟೊ ಪೇಯ್ನ್ನ ತಂಡದವರನ್ನೆಲ್ಲ ಸೋಲಿಸಿ ವಾಸ್ತವವನ್ನು ಮನದಟ್ಟು ಮಾಡಿ ಹೊರಗೆ ಹೋಗುವಂತೆ ಮಾಡುತ್ತಾನೆ. ಹಳ್ಳಿಗರು ನಾಶಗೊಂಡ ಕೊನೊಹಾಗಕುರೆಯನ್ನು ಮರುನಿರ್ಮಿಸುತ್ತಿರುವಾಗ, ಪೇಯ್ನ್ನಿಂದ ಹಳ್ಳಿಗರನ್ನು ಪಾರು ಮಾಡಲು ತನ್ನೆಲ್ಲಾ ಶಕ್ತಿಯನ್ನು ಬಳಸಿದುದರಿಂದ ಗಾಢವಿಸ್ಮೃತಿಗೊಳಪಟ್ಟುದದರಿಂದ ತ್ಸುನೇಡ್ಳನ್ನು ಹೊಕಗೆಯ ಸ್ಥಾನದಿಂದ ವಜಾ ಮಾಡಲಾಗುತ್ತದೆ. ಆದ್ದರಿಂದ ಹಿರಿಯ ಡಾನ್ಜೋ ಆ ಜವಾಬ್ದಾರಿಯನ್ನು ತ್ವರಿತವಾಗಿ ವಹಿಸಿಕೊಳ್ಳುತ್ತಾನೆ.
ಮಸಾಷಿ ಕಿಷಿಮೊಟೊರು ಮೊದಲಿಗೆ ಅಕಮರು ಜಂಪ್ [೧] ನ ಆಗಸ್ಟ್ 1997ರ ಸಂಚಿಕೆಗಾಗಿ ನರುಟೊ ದ ಏಕಚಿತ್ರಿಕೆಯನ್ನು ರಚಿಸಿದ್ದರು. ಓದುಗರ ಅಭಿಪ್ರಾಯ ಗಣನೆಯಲ್ಲಿ ಧನಾತ್ಮಕ ಪ್ರತಿಕ್ರಿಯೆ ಬಂದರೂ ಸಹಾ, ಕಿಷಿಮೊಟೊ " ಕಲೆಯು ಅಸಹ್ಯ ತರಿಸುತ್ತದೆ, ಕಥೆಯೂ ವಿಚಿತ್ರವಾಗಿದೆ!" ಎಂದು ಅಂದುಕೊಂಡಿದ್ದರು. ಕಿಷಿಮೊಟೊ ಮೂಲತಃ ಹಾಪ್ ಸ್ಟೆಪ್ ಪ್ರಶಸ್ತಿ ಗಾಗಿ ಕರಾಕುರಿ ಚಿತ್ರಿಕೆ ಯ ರಚನೆಯಲ್ಲಿದ್ದರು, ಆದರೆ ಅದರ ಕರಡು ಪ್ರತಿಯಿಂದ ಅತೃಪ್ತರಾದ ಅವರು ಬೇರೆ ಯಾವುದನ್ನಾದರೂ ರಚಿಸಲು ನಿರ್ಧರಿಸಿದರು, ಆಗ ರಚಿಸಿದ್ದೇ ನಂತರ ಮಂಗಾ ಸರಣಿಯ ನರುಟೊ ಆಯಿತು. ಕಿಷಿಮೊಟೊ ಚಕ್ರ ಹಾಗೂ ಹಸ್ತ ಚಿಹ್ನೆಗಳ ಬಳಕೆಯು ಹೆಚ್ಚಾಗಿಯೇ ನರುಟೊ ವನ್ನು ಜಪಾನೀ ಕೃತಿಯೆನಿಸುವಂತೆ ಮಾಡಬಹುದು, ಆದರೂ ಇದೊಂದು ಆಹ್ಲಾದಿಸಬಹುದಾದ ಓದು ಆಗಬಹುದೆಂದು ನಂಬಿದ್ದರು.[೨]
ಮೊದಲಿಗೆ ನರುಟೊ ಕಥೆಯನ್ನು ರಚಿಸುವಾಗ ಕಿಷಿಮೊಟೊರು ಇತರ ಷೋನೆನ್ ಮಂಗಾ ಸರಣಿಗಳನ್ನು ಗಮನಿಸಿ ತನ್ನ ಕಥೆಯಲ್ಲಿ ಬಳಕೆಯಾಗಬಹುದೇ ಎಂದು ನೋಡಿದ್ದರೂ, ತನ್ನ ಪಾತ್ರಗಳನ್ನು ಸಾಧ್ಯವಾದಷ್ಟು ಮಟ್ಟಿಗೆ ಪ್ರತ್ಯೇಕತೆ ಹೊಂದಿರುವ ಹಾಗೆ ಪ್ರಯತ್ನಿಸಿದರು.[೩] ಪಾತ್ರಗಳನ್ನು ವಿವಿಧ ಗುಂಪುಗಳಾಗಿ ಪ್ರತ್ಯೇಕಿಸುವುದರ ಉದ್ದೇಶ ಪ್ರತಿ ಗುಂಪಿಗೆ ವಿಶಿಷ್ಟತೆಗಳನ್ನು ನೀಡುವುದಾಗಿತ್ತು. ಕಿಷಿಮೊಟೊ ಪ್ರತಿ ಪಾತ್ರವನ್ನೂ "ಪರಾಕಾಷ್ಠೆ"ಯಾಗಿಸಲೂ ಎಂದರೆ "ನಿಗದಿತ ಗುಣಧರ್ಮದಲ್ಲಿ ಅತಿ ಹೆಚ್ಚಿನ ಯೋಗ್ಯತೆ ಹೊಂದಿದ್ದರೂ ಮತ್ತೊಂದರಲ್ಲಿ ಅಷ್ಟೇ ಅಸಮರ್ಥತೆಯನ್ನು ಮೂಡಿಸಲು ಇಷ್ಟಪಟ್ಟರು."[೪] ಕಥೆಯಲ್ಲಿ ಖಳನಾಯಕರನ್ನು ಅಳವಡಿಸಿದ್ದು ಪ್ರಮುಖವಾಗಿ ಮುಖ್ಯ ಪಾತ್ರಗಳ ನೈತಿಕತ್ವಕ್ಕೆ ವೈದೃಶ್ಯತೆಯನ್ನು ತೋರಿಸುವ ಉದ್ದೇಶದಿಂದಾಗಿತ್ತು. ಮೌಲ್ಯಗಳ ನಡುವಿನ ವ್ಯತ್ಯಾಸಗಳನ್ನು ತೋರಿಸುವುದೇ ಖಳನಾಯಕರ ಸೃಷ್ಟಿಗೆ ಪ್ರಮುಖ ಕಾರಣವಾಗಿತ್ತು ಎಂಬುದನ್ನು "ಕಾಳಗದ ವಿಚಾರದಲ್ಲಿ ನಾನು ಅದನ್ನು ಗಣನೆಗೆ ತೆಗೆದುಕೊಳ್ಳುವುದಿಲ್ಲ" ಎನ್ನುವ ಮೂಲಕ ಕಿಷಿಮೊಟೊ ಒಪ್ಪಿಕೊಳ್ಳುತ್ತಾರೆ.[೫] ಪಾತ್ರಗಳನ್ನು ಚಿತ್ರಿಸುವಾಗ, ಕಿಷಿಮೊಟೊ ಐದು ಹಂತಗಳ ಸ್ಥಿರ ಪ್ರಕ್ರಿಯೆಯನ್ನು ಅನುಸರಿಸುತ್ತಾರೆ : ಕಲ್ಪನೆ ಮತ್ತು ಕರಡು ರೂಪರೇಖೆ, ಸ್ಥೂಲ ರಚನೆ,ಶಾಯಿಯಿಂದ ರಚನೆ, ಛಾಯೆಗಳನ್ನು ಮೂಡಿಸುವುದು ಹಾಗೂ ಬಣ್ಣ ತುಂಬುವುದು. ವೀಕ್ಲಿ ಷೋನೆನ್ ಜಂಪ್ ಪತ್ರಿಕೆಯ ಅಥವಾ ಇತರೆ ಮಾಧ್ಯಮದ ಮುಖಪುಟದ ಚಿತ್ರಿಕೆ ಅಥವಾ ಟ್ಯಾಂಕೊಬಾನ್ ನ ಮುಖಪುಟಗಳನ್ನು ಅಲಂಕರಿಸುವ ವರ್ಣ ಚಿತ್ರಿಕೆಗಳನ್ನು ರಚಿಸುವಾಗ ಹಾಗೂ ವಾಸ್ತವಿಕ ಮಂಗಾ ಸರಣಿಯ ಕಥೆಗಳನ್ನು ಮೂಡಿಸುವಾಗ ಈ ಹಂತಗಳನ್ನು ಪಾಲಿಸುತ್ತಾರೆ, ಆದರೆ ಆತ ಬಳಸುವ ವಿಧಾನಗಳು ಸಾಂದರ್ಭಿಕವಾಗಿ ಬದಲಾಗುತ್ತಿರುತ್ತದೆ.[೬] ಉದಾಹರಣೆಗೆ ವೀಕ್ಲಿ ಷೋನೆನ್ ಜಂಪ್ ಪತ್ರಿಕೆಯ ಮುಖಪುಟದ ಒಂದು ಚಿತ್ರಿಕೆಗೆ ಗಾಳಿಕುಂಚವನ್ನು ಬಳಸಿದರು, ಆದರೆ ನಂತರದ ಚಿತ್ರಿಕೆಗಳನ್ನು ಬಹಳಷ್ಟು ಮಟ್ಟಿಗೆ ಅದಕ್ಕೆ ಬೇಕಾಗುವ ಸ್ವಚ್ಛಗೊಳಿಸುವಿಕೆಯನ್ನು ಮನಗಂಡು ಅದನ್ನು ಬಳಸದಿರಲು ನಿರ್ಧರಿಸಿದರು.[೭] ಮಂಗಾ ಸರಣಿಯಲ್ಲಿ 28ನೇ ಸಂಪುಟದಿಂದ ಆರಂಭವಾದ, ಭಾಗ IIರಲ್ಲಿ, ಕಿಷಿಮೊಟೊ "ವಿಪರೀತ ವಿಕೃತತೆಯನ್ನು" ತೋರದೇ "ಮಂಗಾ ಮಾದರಿಯನ್ನೇ ಹೆಚ್ಚು ಅಳವಡಿಸಿಕೊಳ್ಳದಿರಲು " ಹಾಗೂ ಚಿತ್ರಿಕೆಯ ಚೌಕಟ್ಟುಗಳನ್ನು ಹಾಗೆಯೇ ಇರಿಸಿಕೊಳ್ಳುವುದರ ಮೂಲಕ ಓದುಗರಿಗೆ ಕಥೆಯನ್ನು ಅರ್ಥ ಮಾಡಿಕೊಳ್ಳಲು ಅನುಕೂಲ ಮಾಡುವುದೆಂದು ನಿರ್ಧಾರ ಮಾಡಿದ್ದರು. ಕಿಷಿಮೊಟೊ ತಮ್ಮ ಚಿತ್ರಣದ ಶೈಲಿಯನ್ನು ಬದಲಾಯಿಸಿ "ಮೊದಲಿನ ಮಂಗಾ ನೋಟದ ಬದಲಿಗೆ ಹೆಚ್ಚಿನ ಮಟ್ಟಿಗೆ ವಾಸ್ತವಿಕತೆ ತೋರಲು ಪ್ರಯತ್ನಿಸಿದೆ" ಎನ್ನುತ್ತಾರೆ.[೮]
ನರುಟೊ "ಜಪಾನ್ನ ಕಲ್ಪನಾ ಲೋಕದಲ್ಲಿ" ಒಂದು ಸ್ಥಾನ ಪಡೆದ ನಂತರ ತಾನು "ಕಥೆಯನ್ನು ಸರಳವಾಗಿ ತಿಳಿಯಪಡಿಸಲೆಂದು" ಕೆಲವೊಂದು ನಿಯಮಗಳನ್ನು ಅಳವಡಿಸಿಕೊಂಡಿದ್ದೇನೆಂದು ಕಿಷಿಮೊಟೊರು ಹೇಳಿದರು. ಕಿಷಿಮೊಟೊ ಜಪಾನ್ನಲ್ಲಿ ದೀರ್ಘಕಾಲದಿಂದ ಚಾಲ್ತಿಯಲ್ಲಿರುವ ಚೀನೀ ರಾಶಿಚಕ್ರವನ್ನು ಬಳಸಲು ನಿರ್ಧರಿಸಿದುದರ ಪರಿಣಾಮವೇ ರಾಶಿಚಕ್ರದ ಹಸ್ತಚಿಹ್ನೆಗಳ ಬಳಕೆ. ಕಿಷಿಮೊಟೊರು ನರುಟೊ ಮಂಗಾ ಸರಣಿಯ ಹಿನ್ನೆಲೆಯನ್ನು/ವಾತಾವರಣವನ್ನು ರಚಿಸುವಾಗ, ಆತ ಮೊದಲಿಗೆ ಸರಣಿಯ ಪ್ರಾಥಮಿಕ ಹಿನ್ನೆಲೆಯಾದ ಕೊನೊಹಾಗಕುರೆ ಹಳ್ಳಿಯ ವಿನ್ಯಾಸಕ್ಕೆ ಗಮನ ನೀಡಿದರು. ಕಿಷಿಮೊಟೊ ಖಂಡಿತವಾಗಿ ಹೇಳುವ ಪ್ರಕಾರ ಕೊನೊಹಾಗಕುರೆಯ ವಿನ್ಯಾಸವನ್ನು ಹೆಚ್ಚು ಆಲೋಚನೆ ಮಾಡದೇ ಸ್ವಯಂಸ್ಫುರಣೆಯಾಗಿತ್ತು, ಆದರೆ ಅಲ್ಲಿನ ದೃಶ್ಯಾವಳಿಯು ಜಪಾನ್ನ ಒಕಾಯಾಮಾ ಪ್ರಾಂತ್ಯದಲ್ಲಿನ ತನ್ನ ಮನೆಯ ಪರಿಸರದ ಮೇಲೆ ಆಧಾರಿತವಾಗಿದೆ ಎಂದು ಒಪ್ಪಿಕೊಳ್ಳುತ್ತಾರೆ. ಕಥೆಯ ಕಾಲಮಾನದ ಬಗ್ಗೆ ಗಮನ ಕೊಡದ ಕಿಷಿಮೊಟೊ ಆಧುನಿಕ ಸೌಕರ್ಯಗಳ ಅಂಗಡಿಗಳು ಮುಂತಾದುವನ್ನು ಕಥೆಯಲ್ಲಿ ಬಳಸಿದ್ದರೂ, ನಿರ್ದಿಷ್ಟವಾಗಿ ಕ್ಷಿಪಣಿಗಳಂತಹಾ ಆಯುಧಗಳನ್ನು ಹಾಗೂ ವಾಹನಗಳನ್ನು ಕಥೆಯಲ್ಲಿ ಬಳಸಿಲ್ಲ. ಆಕರ ವಸ್ತುಗಳಿಗೆ ಜಪಾನೀ ಸಂಸ್ಕೃತಿಯ ಬಗ್ಗೆ ತನ್ನದೇ ರೀತಿಯಲ್ಲಿ ಪರಿಶೋಧನೆ ನಡೆಸುವ ಕಿಷಿಮೊಟೊ, ಅವುಗಳನ್ನು ಪರೋಕ್ಷವಾಗಿ ಕಥೆಯಲ್ಲಿ ಬಿಂಬಿಸುತ್ತಾರೆ.[೯] ಕಿಷಿಮೊಟೊರ ಬಳಿ ತಂತ್ರಜ್ಞಾನದ ಬಗ್ಗೆ ಪ್ರಸ್ತಾಪಿಸಿದಾಗ ನರುಟೊ ಯಾವುದೇ ರೀತಿಯ ಬಂದೂಕು ಇಲ್ಲವೇ ತುಪಾಕಿ ಮಾದರಿಯ ಆಯುಧಗಳನ್ನು ಹೊಂದಿಲ್ಲ ಎನ್ನುತ್ತಾರೆ. ತಾವು ವಾಹನಗಳನ್ನು, ವಿಮಾನವನ್ನು ಮತ್ತು ಕಡಿಮೆ ಸಾಮರ್ಥ್ಯದ ಗಣಕಗಳನ್ನು ಬಳಸುವ ಸಾಧ್ಯತೆ ಇದೆಯೆಂದರೂ, ಕಿಷಿಮೊಟೊ ಎಂಟುಬಿಟ್ಗಳ ಗಣಕಗಳನ್ನೇ ಹೊರತು ಖಂಡಿತವಾಗಿ ಹದಿನಾರು ಬಿಟ್ ಗಣಕಗಳನ್ನಲ್ಲ ಎಂದು ಸೂಚಿಸಿದರು.[೧೦] ಅವರು ಸರಣಿಯ ಕೊನೆಯ ಅಧ್ಯಾಯದ ದೃಶ್ಯದ ಕಲ್ಪನೆ ಕಥೆ ಹಾಗೂ ಪಠ್ಯದೊಂದಿಗೆ ತಮ್ಮಲ್ಲಿ ತಯಾರಿದೆ ಎಂದರು. ಆದಾಗ್ಯೂ, "ಇನ್ನೂ ಪರಿಹರಿಸಬೇಕಾದ ವಿಷಯಗಳು ಸಾಕಷ್ಟಿರುವುದರಿಂದ" ಸರಣಿಯನ್ನು ಕೊನೆಗೊಳಿಸಲು ಬಹಳ ಸಮಯ ಹಿಡಿಯಬಹುದು" ಎಂದರು.[೧೧]
ಭಾಗ Iರಲ್ಲಿ ನರುಟೊ 'ನ ಮೂಲ ಉದ್ದೇಶವೇನಿತ್ತೆಂದು ಕೇಳಿದಾಗ, ಕಿಷಿಮೊಟೊ ನರುಟೊನ ಅಭಿವೃದ್ಧಿಯನ್ನು ಜನರು ಪರಸ್ಪರ ಹೇಗೆ ಸ್ವೀಕರಿಸುತ್ತಾರೆಂಬುದರ ಮೇಲೆ ಅನ್ವಯಿಸುತ್ತದೆ ಎಂದುತ್ತರಿಸಿದರು. ಭಾಗ Iರಲ್ಲಿ ಪ್ರಣಯದ ಬಗ್ಗೆ ಹೆಚ್ಚು ಗಮನ ಕೊಡಲಾಗದಿದ್ದುರಿಂದ, ಕಷ್ಟವೆನಿಸಿದರೂ ಕಿಷಿಮೊಟೊ ಭಾಗ IIರಲ್ಲಿ ಅದನ್ನೇ ಪ್ರಧಾನವಾಗಿಟ್ಟುಕೊಳ್ಳುತ್ತಿದ್ದಾರೆ.[೧೨]
ನರುಟೊ ಸರಣಿ ಯು ಷುಯೆಷಾ'ದ ವೀಕ್ಲಿ ಷೋನೆನ್ ಜಂಪ್ ಪತ್ರಿಕೆಯಲ್ಲಿ 1999ರಲ್ಲಿ ಪ್ರಕಟವಾಗುತ್ತಿತ್ತು.[೧೩] ಮೊದಲ 238 ಅಧ್ಯಾಯಗಳು ನರುಟೊ ಕಥಾಭಾಗದ ಭಾಗ I ಎಂದೆನಿಸಿವೆ. ಮಂಗಾದ 239ರಿಂದ 244ರವರೆಗಿನ ಅಧ್ಯಾಯಗಳು ಕಕಷಿ ಹಟಕೆ ಎಂಬ ಪಾತ್ರದ ಹಿನ್ನೆಲೆಯ ಮೇಲೆ ಕೇಂದ್ರೀಕೃತವಾದ ಗೈಡೆನ್ ಸರಣಿಯ ಕಥೆಗಳನ್ನು ಹೊಂದಿವೆ. ನಂತರದ ಎಲ್ಲಾ ಅಧ್ಯಾಯಗಳು ಭಾಗ IIಕ್ಕೆ ಸೇರಿದ್ದು, ಭಾಗ Iರ ಅಂತ್ಯದ ಎರಡೂವರೆ ವರ್ಷಗಳ ನಂತರದಿಂದ ಕಥೆಯನ್ನು ಮುಂದುವರೆಸಲಾಗುತ್ತಿದೆ. ವಿಜ್ ಮೀಡಿಯಾ ಸಂಸ್ಥೆಯು ತಮ್ಮ ಮಂಗಾ ಸಂಗ್ರಹ ಪತ್ರಿಕೆ ಷೋನೆನ್ ಜಂಪ್ ನಲ್ಲಿ, ಜನವರಿ 2003 ಸಂಚಿಕೆಯಲ್ಲಿ ಪ್ರಥಮ ಅಧ್ಯಾಯದ ಆಂಗ್ಲ ಭಾಷಾ ಆವೃತ್ತಿಯನ್ನು ಪ್ರಕಟಿಸುವ ಮೂಲಕ ನರುಟೊ ಮಂಗಾ ಸರಣಿಯನ್ನು ಧಾರಾವಾಹಿಯ ರೂಪದಲ್ಲಿ ಉತ್ತರ ಅಮೇರಿಕದಲ್ಲಿ ಆರಂಭಿಸಿತ್ತು.[೧೪] ಮಂಗಾ ಸರಣಿಯ ಜಪಾನೀ ಮತ್ತು ಆಂಗ್ಲ ಆವೃತ್ತಿಗಳ ನಡುವಿನ ಅಂತರವನ್ನು ಸರಿದೂಗಿಸಲು, ವಿಝ್ ಸಂಸ್ಥೆಯು "ನರುಟೊ ರಾಷ್ಟ್ರ" ಅಭಿಯಾನ/ಕಾರ್ಯಾಚರಣೆಯನ್ನು ಕಾರ್ಯಚರಿಸಿತು, ಎಂದರೆ 2007ರ ಕೊನೆಯ ನಾಲ್ಕು ತಿಂಗಳುಗಳಲ್ಲಿ ತಿಂಗಳಿಗೆ ಮೂರು ಸಂಪುಟಗಳನ್ನು ಹೊರತರುವ ಮೂಲಕ ಮೇಲೆ ಸೂಚಿಸಿದ ಅಂತರವನ್ನು ಸರಿದೂಗಿಸಿತು.[೧೫] ವಿಝ್ ಸಂಸ್ಥೆಯ ಉತ್ಪನ್ನ ನಿರ್ವಾಹಕರಾದ ಕ್ಯಾಮ್ಮೀ ಅಲ್ಲೆನ್ರು ಈ ವೇಳಾಪಟ್ಟಿಯನ್ನು ಕಾರ್ಯರೂಪಕ್ಕೆ ತಂದ ಕಾರಣದ ಬಗ್ಗೆ ತಮ್ಮ ಆಂಗ್ಲ ಓದುಗರಿಗೆ ಜಪಾನೀ ಓದುಗರ ಅನುಭವವನ್ನೇ ನೀಡಲು, ಆಯಾ ಜಪಾನೀ ಆವೃತ್ತಿಯ ಬಿಡುಗಡೆಯ ಸಮಯದಲ್ಲಿಯೇ ಆಂಗ್ಲ ಆವೃತ್ತಿಯನ್ನು ಬಿಡುಗಡೆ ಮಾಡಬೇಕೆಂಬುದಾಗಿತ್ತು ಎಂದು ಹೇಳಿದರು.[೧೫] ಇದೇ ಮಾದರಿಯ ಕಾರ್ಯಾಚರಣೆಯನ್ನು 2009ರ ಸಾಲಿಗೆ ಕೂಡಾ ಯೋಜಿಸಲಾಗಿದ್ದು, ಸರಣಿಯ ಭಾಗ IIರ ಹನ್ನೊಂದು ಸಂಪುಟಗಳನ್ನು ಫೆಬ್ರವರಿಯಿಂದ ಏಪ್ರಿಲ್ವರೆಗಿನ ಅವಧಿಯಲ್ಲಿ ಬಿಡುಗಡೆ ಮಾಡಿ ಜಪಾನೀ ಧಾರಾವಾಹಿಯ ಕಥಾಸಂದರ್ಭಕ್ಕೆ ಸಮೀಕರಿಸುವಂತೆ ಪ್ರಯತ್ನ ಮಾಡಲಾಗುತ್ತಿದೆ. ಜುಲೈನಲ್ಲಿ ನಲವತ್ತೈದನೇ ಸಂಪುಟದ ಬಿಡುಗಡೆಯೊಂದಿಗೆ, ವಿಝ್ ಸಂಸ್ಥೆಯು ನರುಟೊ ವನ್ನು ತ್ರೈಮಾಸಿಕವಾಗಿ ಬಿಡುಗಡೆ ಮಾಡಲುದ್ದೇಶಿಸಿದೆ.[೧೬]
As of ಆಗಸ್ಟ್ 2009, 47 ಟ್ಯಾಂಕೊಬಾನ್ ಗಳನ್ನು ಬಿಡುಗಡೆ ಮಾಡಿದ್ದು ಷುಯೆಷಾ ಸಂಸ್ಥೆಯು ಜಪಾನ್ನಲ್ಲಿ, ಅದರಲ್ಲಿ ಮೊದಲ ಇಪ್ಪತ್ತೇಳು ಟ್ಯಾಂಕೊಬಾನ್ ಗಳು ಭಾಗ Iನ್ನು ಹೊಂದಿದ್ದು, ಉಳಿದ ಹತ್ತೊಂಭತ್ತು ಭಾಗ IIಕ್ಕೆ ಸೇರಿವೆ. ಮೊದಲ ಟ್ಯಾಂಕೊಬಾನ್ ಅನ್ನು ಮಾರ್ಚ್ 3, 2000ರಂದು ಬಿಡುಗಡೆ ಮಾಡಲಾಯಿತು.[೧೭][೧೮] ಇದರೊಂದಿಗೆ, ಸಜೀವಚಿತ್ರಿಕೆ-ಮಂಗಾಗಳನ್ನು ಹೊಂದಿರುವ ನರುಟೊ ಚಲನಚಿತ್ರಗಳ ಮೇಲೆ ಆಧಾರಿತವಾಗಿರುವ ಅನೇಕ ಟ್ಯಾಂಕೊಬಾನ್ ಗಳನ್ನು ಷುಯೆಷಾ ಬಿಡುಗಡೆ ಮಾಡುತ್ತಿದೆ.[೧೯][೨೦][೨೧][೨೨] ಸಂಕ್ಷಿಪ್ತ ಜಪಾನೀ ಆವೃತ್ತಿಯನ್ನು ಸಂಚಾರಿ ದೂರವಾಣಿಗಳಲ್ಲಿ ಇಳಿಸಿಕೊಳ್ಳಲನುವಾಗುವಂತೆ, ಷುಯೆಷಾ ಸಂಸ್ಥೆಯು ಷುಯೆಷಾ ಮಂಗಾ ಕ್ಯಾಪ್ಸೂಲ್ ಎಂಬ ಜಾಲತಾಣದಲ್ಲಿ ಬಿಡುಗಡೆ ಮಾಡಿದೆ.[೨೩] ಆಗಸ್ಟ್ 16, 2003ರಂದು ಮೊದಲ ಮಂಗಾ ಸರಣಿಯ ಆಂಗ್ಲ ಆವೃತ್ತಿಯನ್ನು ಬಿಡುಗಡೆ ಮಾಡಿದ ನಂತರ ಇದುವರೆಗೆ 45 ಸಂಪುಟಗಳನ್ನು ವಿಝ್ ಸಂಸ್ಥೆಯು ಬಿಡುಗಡೆ ಮಾಡಿದೆ.[೨೪][೨೫] ಇದರೊಂದಿಗೆ, ನವೆಂಬರ್ 13, 2007ರಂದು ವಿಜ್ ಮೀಡಿಯಾ ಸಂಸ್ಥೆಯು ನರುಟೊ ಕಥಾಭಾಗದ ಭಾಗ IIರ ಮುಂಚಿನ ಎಲ್ಲಾ ಇಪ್ಪತ್ತೇಳು ಸಂಪುಟಗಳನ್ನು ಒಂದೇ ಸಂಗ್ರಹವಾಗಿ ಕಪಾಟಿನಲ್ಲಿ ಆವೃತವಾಗಿಸಿ ಬಿಡುಗಡೆ ಮಾಡಿದೆ.[೨೬]
ಸ್ಟುಡಿಯೋ ಪಿಯೆರಟ್ ಮತ್ತು TV ಟೋಕ್ಯೋ/ಟೋಕಿಯೋ ಸಂಸ್ಥೆಗಳ ನಿರ್ಮಾಣದ ಹಯಾಟೋ ಡೇಟ್ರ ನಿರ್ದೇಶನದ ನರುಟೊ ಸಜೀವ ಚಿತ್ರಸರಣಿಯು ಜಪಾನ್ನಲ್ಲಿ TV ಟೋಕ್ಯೋ/ಟೋಕಿಯೋ ವಾಹಿನಿಯಲ್ಲಿ ಅಕ್ಟೋಬರ್ 3, 2002ರಿಂದ ಆರಂಭಿಸಿ 220 ಪ್ರಕರಣ/ಪ್ರಸಂಗ/ಘಟನೆಗಳ ಪ್ರಸಾರದ ನಂತರ ಫೆಬ್ರವರಿ 8, 2007ರಂದು ಮುಕ್ತಾಯವಾಯಿತು.[೨೭][೨೮] ಮೊದಲ 135 ಪ್ರಕರಣ/ಪ್ರಸಂಗ/ಘಟನೆಗಳನ್ನು ಮಂಗಾ ಸರಣಿಯ ಮೊದಲ ಇಪ್ಪತ್ತೇಳು ಅಧ್ಯಾಯಗಳನ್ನು ಆಧರಿಸಿ ರಚಿಸಿದವಾಗಿದ್ದರೆ, ಉಳಿದ ಎಂಬತ್ತು ಪ್ರಕರಣ/ಪ್ರಸಂಗ/ಘಟನೆಗಳು ನವೀನ ಪ್ರಕರಣ/ಪ್ರಸಂಗ/ಘಟನೆಗಳಾಗಿದ್ದು ಮೂಲ ಮಂಗಾ ಸರಣಿಯಲ್ಲಿ ಕಾಣದಿರುವ ಕಥಾ ವಸ್ತುಗಳನ್ನು ಬಳಸಿಕೊಂಡು ಚಿತ್ರಿಸಲಾಗಿತ್ತು.[೨೯]
ಸರಣಿಯಲ್ಲಿನ ಪ್ರಕರಣ/ಪ್ರಸಂಗ/ಘಟನೆಗಳನ್ನು DVDಯ ರೂಪದಲ್ಲಿ ಹೊರತರಲಾಗಿದೆ. ಕೇವಲ ಪ್ರಥಮ DVD ಸರಣಿಯನ್ನು ಮಾತ್ರವೇ VHS ಮಾದರಿಯಲ್ಲಿ ತಯಾರಿಸಲಾಗಿತ್ತು.[೩೦] ಪ್ರತಿ ಅಧ್ಯಾಯಕ್ಕೆ ನಾಲ್ಕು ಪ್ರಕರಣ/ಪ್ರಸಂಗ/ಘಟನೆಗಳಂತೆ ಒಟ್ಟಾರೆ ಐದು ಸರಣಿಗಳಿವೆ.[೩೧] ಈ ಸರಣಿಯನ್ನು ಮೂರು DVD ಕಪಾಟುಗಳ ಸರಣಿಯಾಗಿ 2009ರ ಸಾಲಿನಲ್ಲಿ ಹೊರತರಲಾಗಿದೆ.[೩೨][೩೩] ನವೀನ DVD ಸರಣಿಯೆಂದರೆ ನರುಟೊ ದ ಬೆಸ್ಟ್ ಸೀನ್ ಎಂಬುದಾಗಿದ್ದು, ಇದರಲ್ಲಿ ಮೊದಲ 135 ಪ್ರಕರಣ/ಪ್ರಸಂಗ/ಘಟನೆಗಳ ಆಯ್ದ ಸಜೀವಚಿತ್ರಿಕೆಗಳನ್ನು ಸಂಗ್ರಹಿಸಿ ನೀಡಲಾಗಿದೆ.[೩೪]
ವಿಝ್ ಸಂಸ್ಥೆಯು ಸಜೀವ ಚಿತ್ರಿಕೆ ಸರಣಿಯ ಪ್ರದೇಶ 1ರ ಮಾರುಕಟ್ಟೆಯ ಪ್ರಸಾರ ಮತ್ತು ವಿತರಣೆಗೆ ಪರವಾನಗಿ ಪಡೆದಿದೆ. ಸಜೀವ ಚಿತ್ರಿಕೆಯ ಆಂಗ್ಲ ಅಳವಡಿಕೆಯ ಪ್ರಸಾರವು ಸೆಪ್ಟೆಂಬರ್ 10, 2005ರಿಂದ ಆರಂಭವಾಗಿ 209 ಪ್ರಕರಣ/ಪ್ರಸಂಗ/ಘಟನೆಗಳನ್ನು ಪ್ರಸಾರ ಮಾಡಿದ ನಂತರ ಜನವರಿ 31, 2009ರಂದು ಮುಕ್ತಾಯ ಕಂಡಿತು.[೩೫] ಕಾರ್ಟೂನ್ ನೆಟ್ವರ್ಕ್ನ ಟೂನಾಮಿ (ಯುನೈಟೆಡ್ ಸ್ಟೇಟ್ಸ್ ), YTVಯ ಬಯಾನಿಕ್ಸ್ (ಕೆನಡಾ) ಮತ್ತು ಜೆಟಿಕ್ಸ್ ವಾಹಿನಿಗಳಲ್ಲಿನ (ಯುನೈಟೆಡ್ ಕಿಂಗ್ಡಂ) ಕಂತುಗಳಲ್ಲಿ ಈ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಪ್ರಸಾರಿಸಲಾಗಿತ್ತು. YTV ಈ ಕಾರ್ಯಕ್ರಮವನ್ನು ಈಗಲೂ ಸಹಾ ಭಾನುವಾರಗಳಂದು ಮಧ್ಯರಾತ್ರಿಯಲ್ಲಿ ಹೊಸ ಕಂತುಗಳನ್ನು ಹಾಗೂ ಮರುಪ್ರಸಾರವನ್ನು ಮಂಗಳವಾರ-ಶುಕ್ರವಾರಗಳಂದು 4amಗೆ ಪ್ರಸಾರ ಮಾಡುತ್ತಿದೆ. ಮಾರ್ಚ್ 28, 2006ರಂದು, ವಿಝ್ ಸಂಸ್ಥೆಯು ಸರಣಿಯನ್ನು DVDಗಳ ರೂಪದಲ್ಲಿ ಬಿಡುಗಡೆ ಮಾಡುವುದನ್ನು ಆರಂಭಿಸಿತು.[೩೬] ಮೊದಲಿನ 26 ಸಂಪುಟಗಳಲ್ಲಿ ಪ್ರತಿಯೊಂದು ನಾಲ್ಕು ಪ್ರಕರಣ/ಪ್ರಸಂಗ/ಘಟನೆಗಳನ್ನು ಹೊಂದಿದ್ದರೆ, ನಂತರದ DVD ಸಂಪುಟಗಳು ಪ್ರತಿಯೊಂದು ಐದು ಪ್ರಕರಣ/ಪ್ರಸಂಗ/ಘಟನೆಗಳನ್ನು ಹೊಂದಿವೆ.[೩೭] ಮೊಟಕುಗೊಳಿಸದ ಆವೃತ್ತಿಗಳನ್ನು DVD ಕಪಾಟುಗಳಾಗಿ ಸಂಗ್ರಹಿಸಲಾಗಿದ್ದು ಪ್ರತಿಯೊಂದು 12-15 ಪ್ರಕರಣ/ಪ್ರಸಂಗ/ಘಟನೆಗಳನ್ನೊಳಗೊಂಡಿದ್ದು, ಕಥಾಭಾಗದಲ್ಲಿ ಅಲ್ಪಮಟ್ಟಿಗಿನ ಮಾರ್ಪಾಟುಗಳನ್ನು ಮಾಡಲಾಗಿದೆ.[೩೮] ಮದ್ಯ, ಜಪಾನೀ ಸಂಸ್ಕೃತಿ, ಲೈಂಗಿಕ ಚುಚ್ಚುಮಾತುಗಳು ಮತ್ತು ರಕ್ತಪಾತ ಹಾಗೂ ಸಾವುಗಳ ಬಳಕೆಯಿರುವ ನೋಟಗಳನ್ನು ಅಮೇರಿಕದಲ್ಲಿ ಪ್ರಸಾರ ಮಾಡುವಾಗ ಮೊಟಕುಗೊಳಿಸಿದ್ದರೂ DVD ಆವೃತ್ತಿಗಳಲ್ಲಿ ಅವುಗಳನ್ನು ಹಾಗೆಯೇ ಬಿಡಲಾಗಿದೆ.[೩೯] ಇತರೆ ವಾಹಿನಿ ಜಾಲಗಳು ಕಾರ್ಟೂನ್ ನೆಟ್ವರ್ಕ್ ವಾಹಿನಿಯು ಮಾಡಿರುವ ಸಂಪಾದನೆಗಳ ಹೊರತಾಗಿಯೂ ಹೆಚ್ಚುವರಿಯಾಗಿ, ಜೆಟಿಕ್ಸ್ನಲ್ಲಿ ರಕ್ತ, ಭಾಷೆ, ಧೂಮಪಾನದ ರೀತಿಯ ವಿಷಯಗಳನ್ನು ಸಂಸ್ಕರಣೆಯನ್ನು ಮಾಡುತ್ತವೆ. ಹುಲು, ಜೂಸ್ಟ್ ಮತ್ತು ಕ್ರಂಚಿರಾಲ್ನಂತಹಾ ಜಾಲತಾಣಗಳಲ್ಲಿ ಆನ್ಲೈನ್ ಪ್ರಸಾರ ಮಾಡುವಂತೆ ಸರಣಿಗೆ ಪರವಾನಗಿ ನೀಡಲಾಗಿದ್ದು, ಅವುಗಳಲ್ಲಿ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಮೂಲ ಜಪಾನೀ ಸಂಭಾಷಣೆಯೊಂದಿಗೆ, ಆಂಗ್ಲ ಉಪಶೀರ್ಷಿಕೆಗಳ ಜೊತೆಗೆ ಪ್ರಸಾರ ಮಾಡಲಾಗುತ್ತದೆ.[೪೦][೪೧][೪೨]
Naruto: Shippuden (ナルト 疾風伝 Naruto Shippūden?, lit. "Naruto: Hurricane Chronicles") ಎಂಬುದು ಮೂಲ ನರುಟೊ ಸಜೀವಚಿತ್ರಿಕೆಯ ಪ್ರಸಾರವಾಗುತ್ತಿರುವ ಉತ್ತರಭಾಗವಾಗಿದ್ದು, ಇದು ನರುಟೊ ಮಂಗಾ ಸರಣಿಯನ್ನು ಇಪ್ಪತ್ತೆಂಟನೇ ಸಂಪುಟದಿಂದ ಆರಂಭಗೊಳ್ಳುತ್ತದೆ. ನರುಟೊ : ಷಿಪ್ಪುಡೆನ್ ನ TV ಅಳವಡಿಕೆಯು ಜಪಾನ್ನಲ್ಲಿ ಫೆಬ್ರವರಿ 15, 2007ರಂದು TV ಟೋಕ್ಯೋ/ಟೋಕಿಯೋದಲ್ಲಿ ಪ್ರಥಮ ಪ್ರಸಾರ ಕಂಡಿತು. ಇದನ್ನು ಹಯಾಟೋ ಡೇಟ್ರು ನಿರ್ದೇಶಿಸಿದ್ದು ಸ್ಟುಡಿಯೋ ಪಿಯೆರಟ್ ನಿರ್ಮಿಸಿದೆ.[೨೯][೪೩] ABS-CBN ವಾಹಿನಿಯು ನರುಟೊ : ಷಿಪ್ಪುಡೆನ್ ನ ಪ್ರಸಾರ ಮಾಡಿದ ಜಪಾನ್ನ ಹೊರಗಿನ ಮೊದಲ TV ಜಾಲವಾಗಿದ್ದು; ನರುಟೊ : ಷಿಪ್ಪುಡೆನ್ ನ ಮೊದಲ 40 ಪ್ರಕರಣ/ಪ್ರಸಂಗ/ಘಟನೆಗಳನ್ನು ಮಾರ್ಚ್ 19, 2008ರಿಂದ ಆರಂಭಿಸಿ ಪ್ರಸಾರ ಮಾಡಿತು. ಜನವರಿ 8, 2009ರಂದು, TV ಟೋಕ್ಯೋ/ಟೋಕಿಯೋ ವಾಹಿನಿಯು ಹೊಸ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಅಂತರ್ಜಾಲ ಪ್ರಸಾರದ ಮೂಲಕ ತಿಂಗಳ ಚಂದಾದಾರರಿಗೆ ನೇರ ಪ್ರಸಾರ ಮಾಡಿತು. ಪ್ರತಿ ಅಂತರ್ಜಾಲ ಪ್ರಸಾರಿತ ಪ್ರಕರಣ/ಪ್ರಸಂಗ/ಘಟನೆಯನ್ನು ಅದರ ಜಪಾನೀ/ಜಪಾನ್ನ ಆವೃತ್ತಿಯ ಪ್ರಸಾರದ ಒಂದು ಗಂಟೆಯೊಳಗಾಗಿ ಆಂಗ್ಲ ಉಪಶೀರ್ಷಿಕೆಗಳೊಡನೆ ಆನ್ಲೈನ್ನಲ್ಲಿ ನೀಡಲಾಗುತ್ತಿತ್ತು.[೪೪] ವಿಝ್ ಸಂಸ್ಥೆಯು ಆಂಗ್ಲ ಉಪಶೀರ್ಷಿಕೆಗಳುಳ್ಳ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಇದೇ ಸರಣಿಯ ಅಧಿಕೃತ ಜಾಲತಾಣದಲ್ಲಿ ಜನವರಿ 2, 2009ರಂದು ಬಿಡುಗಡೆ ಮಾಡಲು ಆರಂಭಿಸಿತು. ಅಂತರ್ಜಾಲದಲ್ಲಿ ಲಭ್ಯಗೊಳಿಸಿದ ಪ್ರಕರಣ/ಪ್ರಸಂಗ/ಘಟನೆಗಳಲ್ಲಿ ಹಿಂದೆ ಬಿಡುಗಡೆ ಮಾಡಿದ ಪ್ರಕರಣ/ಪ್ರಸಂಗ/ಘಟನೆಗಳು ಹಾಗೂ ಜಪಾನ್ನಿಂದ ಬಿಡುಗಡೆಯಾದ ಹೊಸ ಪ್ರಕರಣ/ಪ್ರಸಂಗ/ಘಟನೆಗಳೂ ಇರುತ್ತವೆ.[೪೫] ಅಕ್ಟೋಬರ್ 2009ರಿಂದ, Disney XD ವಾಹಿನಿಯು ನರುಟೊ : ಷಿಪ್ಪುಡೆನ್ ನ ಆಂಗ್ಲ ಭಾಷಾ ಸಂಯೋಜಿತ ಆವೃತ್ತಿಯ ಸಾಪ್ತಾಹಿಕ ಪ್ರಸಾರ ಆರಂಭಿಸಿತು.[೪೬]
ಈ ಸರಣಿಯನ್ನು ಜಪಾನ್ನಲ್ಲಿ ಪ್ರದೇಶ 2ರ DVDಯಾಗಿ ಪ್ರತಿ ಮುದ್ರಿಕೆಯ/ಡಿಸ್ಕ್ನಲ್ಲಿ ನಾಲ್ಕು ಅಥವಾ ಐದು ಪ್ರಕರಣ/ಪ್ರಸಂಗ/ಘಟನೆಗಳಿರುವಂತೆ ಬಿಡುಗಡೆ ಮಾಡಲಾಗುತ್ತಿದೆ. ಪ್ರಸ್ತುತ ಕಥಾಖಂಡದ ಮೇಲೆ ಆಧಾರಿತವಾಗಿ DVD ಆವೃತ್ತಿಗಳ ನಾಲ್ಕು ಸರಣಿಗಳಿವೆ.[೪೭] ವಿಶೇಷ ವೈಶಿಷ್ಟ್ಯವನ್ನು ಒಳಗೊಂಡ ಏಳನೆಯ ನರುಟೊ : ಷಿಪ್ಪುಡೆನ್ ಸಂಗ್ರಹ DVDಯು ಹರಿಕೇನ್! "ಕೊನೊಹಾ ಅಕಾಡೆಮಿ" ಇತಿಹಾಸ ಎಂದು ಕರೆಯಲಾದ ಸರಣಿಯ ಎರಡನೆಯ ಅಂತ್ಯದ ಮೇಲೆ ಆಧಾರಿತವಾಗಿದೆ.[೪೮] ಕ್ರಮಬದ್ಧ DVD ಸರಣಿಗಳೊಂದಿಗೆ ಡಿಸೆಂಬರ್ 16, 2009ರಂದು Kakashi Chronicles: Boys' Life on the Battlefield (カカシ外伝~戦場のボーイズライフ~ Kakashi Gaiden ~Senjō no Bōizu Raifu~?) ಎಂಬ ಶೀರ್ಷಿಕೆಯ ಕಕಷಿ ಹಟಕೆಯ ಬಾಲ್ಯದ ಮೇಲೆ ಆಧಾರಿತವಾಗಿರುವ 119-120ನೇ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಹೊಂದಿರುವ ಸರಣಿಯನ್ನು ಬಿಡುಗಡೆ ಮಾಡಲಿದೆ.[೪೯] ಉತ್ತರ ಅಮೇರಿಕದಲ್ಲಿ ಈ ಸರಣಿಯ ಮೊದಲ DVDಯನ್ನು ಸೆಪ್ಟೆಂಬರ್ 29, 2009ರಂದು ಬಿಡುಗಡೆ ಮಾಡಲಾಯಿತು.[೫೦]
ನರುಟೊ ಚಿತ್ರಧ್ವನಿಮುದ್ರಿಕೆಗಳನ್ನು ತೋಷಿಯೋ ಮಸುದಾರು ಸಂಯೋಜಿಸಿ ಹೊಂದಿಸಿದ್ದರು. ಸಜೀವಚಿತ್ರಿಕೆಯ ಮೊದಲ ಹಂತದಲ್ಲಿ ಕಾಣಿಸಿಕೊಂಡಿದ್ದ ಇಪ್ಪತ್ತೆರಡು ಧ್ವನಿಸಂಯೋಜನೆಗಳನ್ನೊಳಗೊಂಡ ನರುಟೊ ಮೂಲ ಧ್ವನಿಮುದ್ರಿಕೆ ಎಂಬ ಶೀರ್ಷಿಕೆಯ ಮೊದಲ ಧ್ವನಿಮುದ್ರಿಕೆಯನ್ನು ಏಪ್ರಿಲ್ 3, 2003ರಂದು ಬಿಡುಗಡೆ ಮಾಡಲಾಯಿತು.[೫೧] ನರುಟೊ ಮೂಲ ಧ್ವನಿಮುದ್ರಿಕೆ II ಎಂಬ ಶೀರ್ಷಿಕೆಯ ಹತ್ತೊಂಬತ್ತು ಧ್ವನಿಸಂಯೋಜನೆಗಳನ್ನೊಳಗೊಂಡ ಎರಡನೆಯದನ್ನು ಮಾರ್ಚ್ 18, 2004ರಂದು ಬಿಡುಗಡೆ ಮಾಡಲಾಗಿತ್ತು.[೫೨] ನರುಟೊ ಮೂಲ ಧ್ವನಿಮುದ್ರಿಕೆ III ಎಂಬ ಶೀರ್ಷಿಕೆಯ ಇಪ್ಪತ್ತಮೂರು ಧ್ವನಿಸಂಯೋಜನೆಗಳನ್ನೊಳಗೊಂಡ ಮೂರನೆಯದನ್ನು ಏಪ್ರಿಲ್ 27, 2005ರಂದು ಬಿಡುಗಡೆಗೊಳಿಸಲಾಯಿತು.[೫೩]
ಸರಣಿಯ ಎಲ್ಲಾ ಆರಂಭದ ಹಾಗೂ ಮುಕ್ತಾಯದ ವಿಷಯಗಳನ್ನೊಳಗೊಂಡ ನರುಟೊ : ಬೆಸ್ಟ್ ಹಿಟ್ ಕಲೆಕ್ಷನ್ ಮತ್ತು ನರುಟೊ : ಬೆಸ್ಟ್ ಹಿಟ್ ಕಲೆಕ್ಷನ್ II ಎಂಬ ಶೀರ್ಷಿಕೆಗಳ ಎರಡು ಧ್ವನಿಮುದ್ರಿಕೆಗಳ ಸರಣಿಯನ್ನು ಅನುಕ್ರಮವಾಗಿ ನವೆಂಬರ್ 17, 2004 ಮತ್ತು ಆಗಸ್ಟ್ 2, 2006ರಂದು ಬಿಡುಗಡೆ ಮಾಡಲಾಯಿತು.[೫೪][೫೫] ಇಡೀ ಸರಣಿಯ ಎಲ್ಲಾ ಧ್ವನಿಮುದ್ರಿಕೆಗಳಲ್ಲಿ ಎಂಟನ್ನು ಆಯ್ದು ನರುಟೊ ಇನ್ ರಾಕ್ - ದ ವೆರಿ ಬೆಸ್ಟ್ ಹಿಟ್ ಕಲೆಕ್ಷನ್ ಇನ್ಸ್ಟ್ರುಮೆಂಟಲ್ ವರ್ಷನ್- ಎಂಬ ಶೀರ್ಷಿಕೆಯ CD ಆಗಿ ಡಿಸೆಂಬರ್ 19, 2007ರಂದು ಬಿಡುಗಡೆ ಮಾಡಲಾಯಿತು.[೫೬] ಮೊದಲ ಸಜೀವಚಿತ್ರಸರಣಿಯ ಮೂರು ಚಲನಚಿತ್ರಗಳಲ್ಲಿ ಪ್ರತಿಯೊಂದರ ಧ್ವನಿಮುದ್ರಿಕೆಯನ್ನು ಅದರ ಬಿಡುಗಡೆಯ ದಿನಾಂಕದ ಸನಿಹದಲ್ಲೇ ಬಿಡುಗಡೆ ಮಾಡಲಾಯಿತು.[೫೭][೫೮][೫೯] ಅನೇಕ ನಟರು ಧ್ವನಿಗಳ ಮೂಲಕ ಮೂಲ ಪ್ರಕರಣ/ಪ್ರಸಂಗ/ಘಟನೆಗಳನ್ನು ಪ್ರಸ್ತುತಪಡಿಸಿದ ನಾಟಕಗಳ CD ಸರಣಿಯನ್ನು ಸಹಾ ಬಿಡುಗಡೆ ಮಾಡಲಾಗಿದೆ.[೬೦]
ನರುಟೊ : ಷಿಪ್ಪುಡೆನ್ ನ ಧ್ವನಿಮುದ್ರಿಕೆಗಳನ್ನು ಯಸುಹಾರು ತಕನಾಷಿ ನಿರ್ಮಿಸಿದ್ದರು. ಮೊದಲ, ನರುಟೊ ಷಿಪ್ಪುಡೆನ್ ಮೂಲ ಧ್ವನಿಮುದ್ರಿಕೆ ಯನ್ನು ಡಿಸೆಂಬರ್ 9, 2007ರಂದು ಬಿಡುಗಡೆ ಮಾಡಲಾಯಿತು.[೬೧] ನರುಟೊ ಆಲ್ ಸ್ಟಾರ್ಸ್ ಎಂಬ ಧ್ವನಿಮುದ್ರಿಕೆಯನ್ನು ಜುಲೈ 23, 2008ರಂದು ಬಿಡುಗಡೆ ಮಾಡಲಾಯಿತು, ಇದರಲ್ಲಿ ಸರಣಿಯ ಪಾತ್ರಗಳು ಹಾಡಿದ ಹತ್ತು ಮೂಲ ನರುಟೊ ಹಾಡುಗಳ ಮರುಸಂಯೋಜನೆಗಳಿವೆ.[೬೨] ಉತ್ತರಭಾಗದ ಕಥೆಯ ಮೇಲೆ ಆಧಾರಿತವಾದ ಎರಡು ಚಲನಚಿತ್ರಗಳೂ ಸಹಾ ತಮ್ಮದೇ ಧ್ವನಿಮುದ್ರಣಗಳನ್ನು ಹೊಂದಿದ್ದು ಅವುಗಳಲ್ಲಿ ಮೊದಲನೆಯದನ್ನು ಆಗಸ್ಟ್ 1, 2007ರಂದು ಹಾಗೂ ಎರಡನೆಯದನ್ನು ಜುಲೈ 30, 2008ರಂದು ಬಿಡುಗಡೆ ಮಾಡಲಾಯಿತು.[೬೩][೬೪]
ನಾಲ್ಕು ನರುಟೊ ಮೂಲ ವಿಡಿಯೋ ಸಜೀವಚಿತ್ರಿಕೆಗಳು ಲಭ್ಯವಿವೆ (OVAಗಳು). ಮೊದಲೆರಡು ಚಿತ್ರಿಕೆಗಳಾದ, ಫೈಂಡ್ ದ ಕ್ರಿಮ್ಸನ್ ಫೋರ್-ಲೀಫ್ ಕ್ಲೋವರ್! ಮತ್ತು ಮಿಷನ್: ಪ್ರೊಟೆಕ್ಟ್ ದ ವಾಟರ್ಫಾಲ್ ವಿಲೇಜ್! ಗಳನ್ನು, ಅನುಕ್ರಮವಾಗಿ ಷೋನೆನ್ ಜಂಪ್ ಜಂಪ್ ಫೆಸ್ಟಾ 2003 ಮತ್ತು ಜಂಪ್ ಫೆಸ್ಟಾ 2004ಗಳಲ್ಲಿ ಪ್ರಸಾರ ಮಾಡಲಾಯಿತು, ನಂತರ DVDಗಳ ರೂಪದಲ್ಲಿ ಬಿಡುಗಡೆ ಮಾಡಲಾಯಿತು.[೬೫] ಎರಡನೇ OVAಯ ಆಂಗ್ಲ ಆವೃತ್ತಿಯನ್ನು DVD ರೂಪದಲ್ಲಿ ವಿಝ್ ಸಂಸ್ಥೆಯು ಮೇ 22, 2007ರಂದು ಬಿಡುಗಡೆ ಮಾಡಿತು.[೬೬] ಮೂರನೇ OVAಯಾದ, ಫೈನಲೀ ಎ ಕ್ಲಾಷ್! ಜಾನಿನ್ VS ಜೆನಿನ್!! ಇನ್ಡಿಸ್ಕ್ರಿಮಿನೇಟ್ ಗ್ರಾಂಡ್ ಮೆಲೇ ಟೂರ್ನಮೆಂಟ್ ಮೀಟಿಂಗ್!! ಅನ್ನು, ಪ್ಲೇಸ್ಟೇಷನ್ 2 ಸಾಧನಕ್ಕೆಂದು ಸಿದ್ಧಪಡಿಸಿದ ನರುಟೊ : ಅಲ್ಟಿಮೇಟ್ ನಿಂಜಾ 3 ವಿಡಿಯೋ ಆಟದ ಜಪಾನೀ ಆವೃತ್ತಿಯೊಂದಿಗೆ ಇನಾಮು/ಉಚಿತ ನಮ್ಯಮುದ್ರಿಕೆ/ಡಿಸ್ಕ್ ಆಗಿ ಬಿಡುಗಡೆ ಮಾಡಲಾಯಿತು.[೬೭] ಕೊನೊಹಾ ಆನ್ಯುಯಲ್ ಸ್ಪೋರ್ಟ್ಸ್ ಫೆಸ್ಟಿವಲ್ , ಎಂಬ ಶೀರ್ಷಿಕೆಯ ನಾಲ್ಕನೇ OVAಯು ಮೊದಲ ನರುಟೊ ಚಲನಚಿತ್ರದೊಂದಿಗೆ ಬಿಡುಗಡೆ ಮಾಡಲಾದ ಸಂಕ್ಷಿಪ್ತ ವಿಡಿಯೋ ಆಗಿತ್ತು. ಉತ್ತರ ಅಮೇರಿಕದಲ್ಲಿ, ಈ OVAಯನ್ನು ಮೊದಲ ಚಿತ್ರದ "ಡೀಲಕ್ಸ್ ಆವೃತ್ತಿಯ " DVDಯೊಂದಿಗೆ ನೀಡಲಾಗುತ್ತಿತ್ತು.[೬೮]
ಈ ಸರಣಿಯು ಆರು ಚಲನಚಿತ್ರಗಳಾಗಿ ಸಹಾ ಮೂಡಿ ಬಂದಿದೆ ; ಇವುಗಳಲ್ಲಿ ಮೊದಲ ಮೂರು ಪ್ರಥಮ ಸಜೀವಚಿತ್ರಿಕೆಗಳ ಸರಣಿಯ ಮೇಲೆ ಆಧಾರಿತವಾಗಿದ್ದರೆ, ಉಳಿದವನ್ನು ನರುಟೊ : ಷಿಪ್ಪುಡೆನ್ ನ ಮೇಲೆ ಆಧಾರಿತವಾಗಿ ಚಿತ್ರಿಸಲಾಗಿತ್ತು. ಮೊದಲ ಚಿತ್ರ, ನಿಂಜಾ ಕ್ಲಾಷ್ ಇನ್ ದ ಲ್ಯಾಂಡ್ ಆಫ್ ಸ್ನೋ ಅನ್ನು ಆಗಸ್ಟ್ 21, 2004ರಂದು ಜಪಾನ್ನಲ್ಲಿ ಬಿಡುಗಡೆ ಮಾಡಲಾಯಿತು. ಈ ಚಿತ್ರವು ಹಿಮ ಪ್ರದೇಶ/ಲ್ಯಾಂಡ್ ಆಫ್ ಸ್ನೋದಲ್ಲಿ ನಡೆಯುತ್ತಿರುವ ನರುಟೊನನ್ನು ಅಭಿಮಾನಿಯಾಗಿಸಿಕೊಂಡ ಹೊಸ ಚಿತ್ರ ಪ್ರಿನ್ಸೆಸ್ ಫುನ್ನ ಚಿತ್ರೀಕರಣದಲ್ಲಿ ನಟರನ್ನು ರಕ್ಷಿಸಲು ಟೀಮ್ 7ಅನ್ನು ಹೇಗೆ ರವಾನಿಸಲಾಯಿತು ಎಂಬ ಕಥೆ ಹೊಂದಿದೆ. ಈ ಚಿತ್ರದ ಜಪಾನೀ ಬಿಡುಗಡೆಯಲ್ಲಿ ಇನಾಮಾಗಿ/ಉಚಿತವಾಗಿ ಕೊನೊಹಾ ಆನ್ಯುಯಲ್ ಸ್ಪೋರ್ಟ್ಸ್ ಫೆಸ್ಟಿವಲ್ ಎಂಬ ಸಂಕ್ಷಿಪ್ತ ಮೂಲ ವಿಡಿಯೋ ಸಜೀವಚಿತ್ರಿಕೆಯನ್ನು ನೀಡಲಾಯಿತು.[೬೯] ಈ ಚಿತ್ರವನ್ನು ಯುನೈಟೆಡ್ ಸ್ಟೇಟ್ಸ್ನಲ್ಲಿ ಸೆಪ್ಟೆಂಬರ್ 6, 2007ರಂದು ಪ್ರದರ್ಶಿಸಲಾಯಿತು.[೭೦][೭೧]
ಅದರ ನಂತರ ಜಪಾನ್ನ ಚಿತ್ರಮಂದಿರಗಳಲ್ಲಿ ಆಗಸ್ಟ್ 6, 2005ರಂದು ಲೆಜೆಂಡ್ ಆಫ್ ದ ಸ್ಟೋನ್ ಆಫ್ ಗೆಲೆl ಅನ್ನು ಬಿಡುಗಡೆ ಮಾಡಲಾಯಿತು. ನರುಟೊ, ಷಿಕಾಮಾರು ಮತ್ತು ಸಕುರಾಗಳು ನಿಂಜಾ ಕಾರ್ಯಾಚರಣೆಯಲ್ಲಿ ಸುನಾಗಾಕುರೆ ಎಂಬ ಹಳ್ಳಿ ಹಾಗೂ ಬಹುಸಂಖ್ಯೆಯ ಶಸ್ತ್ರಸಜ್ಜಿತ ಯೋಧರೊಂದಿಗೆ ಹೋರಾಡುವ ಕಥೆಯನ್ನು ಈ ಚಿತ್ರ ಹೊಂದಿದೆ.[೭೨] ತನ್ನ ಹಿಂದಿನ ಚಿತ್ರದಂತಲ್ಲದೇ, ಲೆಜೆಂಡ್ ಆಫ್ ದ ಸ್ಟೋನ್ ಆಫ್ ಗೆಲೆl ಚಿತ್ರವು ಯುನೈಟೆಡ್ ಸ್ಟೇಟ್ಸ್ನಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಳ್ಳದೇ ನೇರ-ಪ್ರಸಾರ-ವಿಡಿಯೋ ಮಾದರಿಯಲ್ಲಿ ಬಿಡುಗಡೆಗೊಂಡಿತು. ಇದು ಕಾರ್ಟೂನ್ ನೆಟ್ವರ್ಕ್ನಲ್ಲಿ ಜುಲೈ 26, 2008ರಂದು ಪ್ರಸಾರವಾದ ನಂತರ ಜುಲೈ 29, 2008ರಂದು DVD ರೂಪದಲ್ಲಿ ಬಿಡುಗಡೆ ಮಾಡಲಾಯಿತು.[೭೩]
ಗಾರ್ಡಿಯನ್ಸ್ ಆಫ್ ದ ಕ್ರೆಸೆಂಟ್ ಮೂನ್ ಕಿಂಗ್ಡಂ ಎಂಬ ಮೂರನೇ ಚಿತ್ರವು ಮೂಲತಃ ಆಗಸ್ಟ್ 5, 2006ರಂದು ಬಿಡುಗಡೆಯಾಯಿತು. ನರುಟೊ, ಸಕುರಾ, ಲೀ, ಮತ್ತು ಕಕಷಿಯನ್ನೊಳಗೊಂಡ ತಂಡ ಚಂದ್ರಲೋಕ/ಲ್ಯಾಂಡ್ ಆಫ್ ಮೂನ್ನ ಭಾವಿ ರಾಜ ಹಿಕಾರು ತ್ಸುಕಿಯನ್ನು ಹೇಗೆ ಪಾರು ಮಾಡುತ್ತಾರೆ ಎಂಬುದು ಇದರ ಕಥೆಯಾಗಿದೆ.[೭೪] ಈ ಚಿತ್ರದ ಆಂಗ್ಲ ಭಾಷಾ ಸಂಯೋಜಿತ ಆವೃತ್ತಿಯು ಕಾರ್ಟೂನ್ ನೆಟ್ವರ್ಕ್ನಲ್ಲಿ ಪ್ರಸಾರಗೊಂಡಿತು ಹಾಗೂ ನವೆಂಬರ್ 11, 2008ರಂದು DVD ರೂಪದಲ್ಲಿ ಬಿಡುಗಡೆಗೊಂಡಿತು.[೭೫][೭೬] ಜುಲೈ 3, 2008ರಂದು, ಸೋನಿ ಸಂಸ್ಥೆಯು ಮೊದಲ ಮೂರು ಚಿತ್ರಗಳನ್ನೊಳಗೊಂಡ ಜಪಾನೀ DVD ಕಪಾಟನ್ನು ಬಿಡುಗಡೆ ಮಾಡಿತು.[೭೭]
ತನ್ನ ಸಾವಿನ ಬಗ್ಗೆ ಮುನ್ಸೂಚನೆಗಳನ್ನು ಪಡೆಯುತ್ತಿರುವ ಪೂಜಾರಿ/ಪುರೋಹಿತ ಷಿಯೋನ್ನನ್ನು ಕಾಪಾಡುವ ನರುಟೊನ ಕಾರ್ಯಾಚರಣೆಯನ್ನು ಚಿತ್ರಿಸುವ ಸರಣಿಯ ನಾಲ್ಕನೇ ಚಿತ್ರ Naruto: Shippūden the Movie ವು, ಆಗಸ್ಟ್ 4, 2007ರಂದು ಬಿಡುಗಡೆಯಾಯಿತು.[೭೮] ಐದನೇ ಚಿತ್ರವಾದ Naruto Shippūden 2: Bonds ಅನ್ನು ಆಗಸ್ಟ್ 2, 2008ರಂದು ಬಿಡುಗಡೆ ಮಾಡಲಾಯಿತು. ಇದರಲ್ಲಿ ಆಕಾಶ ಲೋಕ/ದೇಶದ ನಿಂಜಾ ಕೊನೊಹಾವನ್ನು ಆಕ್ರಮಿಸಿದಾಗ ಆತನಿಂದಾಗಬಹುದಾದ ಅಪಾಯಗಳನ್ನು ತಡೆಯಲು ಸ್ಥಳೀಯ ಪಡೆಯೊಂದಿಗೆ ನರುಟೊ ಮತ್ತು ಎರಡು ವರ್ಷದ ಹಿಂದೆಯೇ ಹಳ್ಳಿಯನ್ನು ಬಿಟ್ಟು ಹೋಗಿದ್ದ ಸಸುಕೆ ಹೇಗೆ ಕೈಜೋಡಿಸುತ್ತಾರೆ ಎಂಬ ಕಥೆಯಿದೆ.[೭೯] ತೀರ ಇತ್ತೀಚಿನ ಚಲನಚಿತ್ರವೆಂದರೆ Naruto Shippūden 3: Inheritors of the Will of Fire , ಇದನ್ನು ಜಪಾನ್ನಲ್ಲಿ ಆಗಸ್ಟ್ 1, 2009ರಂದು ಪ್ರದರ್ಶಿಸಲಾಯಿತು.[೮೦]
ಮಸಾತೋಷಿ ಕುಸಾಕಾಬೆಯವರು ಬರೆದ ನರುಟೊ ಕುರಿತ ಮೂರು ಲಘು ಕಾದಂಬರಿಗಳನ್ನು ಜಪಾನ್ನಲ್ಲಿ ಷುಯೆಷಾ ಸಂಸ್ಥೆಯು ಪ್ರಕಟಿಸಿದ್ದರೆ, ಉತ್ತರ ಅಮೇರಿಕದಲ್ಲಿ ವಿಝ್ ಸಂಸ್ಥೆಯು ಅದರಲ್ಲಿ ಮೊದಲೆರಡನ್ನು ಆಂಗ್ಲದಲ್ಲಿ ಬಿಡುಗಡೆ ಮಾಡಿದೆ. ಮೊದಲನೆಯದಾದ Naruto: Innocent Heart, Demonic Blood (白の童子、血風の鬼人?)ವು, ಝಬೂಜಾ ಮತ್ತು ಹಾಕು ಎಂಬ ಹಂತಕರಿಬ್ಬರನ್ನು ಎದುರಿಸಬೇಕಾದ ಟೀಮ್ 7ರ ಕಾರ್ಯಾಚರಣೆಯನ್ನು ಮತ್ತೆ ಹೇಳುತ್ತದೆ. ಡಿಸೆಂಬರ್ 16, 2002ರಂದು ಜಪಾನ್ನಲ್ಲಿ ಹಾಗೂ ನವೆಂಬರ್ 21, 2006ರಂದು ಉತ್ತರ ಅಮೇರಿಕದಲ್ಲಿ[೮೧][೮೨] ಇದನ್ನು ಬಿಡುಗಡೆ ಮಾಡಲಾಯಿತು. 2ನೇ ಮೂಲ ವಿಡಿಯೋ ಸಜೀವಚಿತ್ರಿಕೆಯನ್ನು ಆಧರಿಸಿದ ಎರಡನೇ ಕಾದಂಬರಿ Naruto: Mission: Protect the Waterfall Village! (滝隠れの死闘 オレが英雄だってばよ! Takigakure no Shitō Ore ga Eiyū dattebayo!?, lit. The Waterfall Village's Fight to the Death I am the Hero!),ಯನ್ನು ಡಿಸೆಂಬರ್ 15, 2003ರಂದು ಜಪಾನ್ನಲ್ಲಿ ಹಾಗೂ ಅಕ್ಟೋಬರ್ 16, 2007ರಂದು ಯುನೈಟೆಡ್ ಸ್ಟೇಟ್ಸ್ನಲ್ಲಿ ಬಿಡುಗಡೆಗೊಳಿಸಲಾಯಿತು.[೮೩][೮೪] ಮೊದಲನೆಯ ನರುಟೊ ಚಿತ್ರವನ್ನು ಆಧರಿಸಿದ ಇತ್ತೀಚಿನ ಕಾದಂಬರಿಯನ್ನು ಆಗಸ್ಟ್ 23, 2004ರಂದು ಪ್ರಕಟಿಸಲಾಗಿತ್ತು.[೮೫] ವಿಝ್ ಸಂಸ್ಥೆಯು ಟ್ರೇಸಿ ವೆಸ್ಟ್ ಎಂಬುವವರು ರಚಿಸಿದ ಹಾಗೂ ಮಂಗಾ ಸರಣಿಯ ಚಿತ್ರಿಕೆಗಳನ್ನೊಳಗೊಂಡ ಚಾಪ್ಟರ್ ಬುಕ್ಸ್ ಎಂದು ಕರೆಯಲಾಗುವ ಹೊಸ ಕಾದಂಬರಿಗಳನ್ನು ಪ್ರಕಟಿಸಲು ಆರಂಭಿಸಿದೆ. ಆದರೆ ಸರಣಿಯಂತಲ್ಲದೇ ಈ ಕಾದಂಬರಿಗಳು 7ರಿಂದ 10 ವರ್ಷಗಳೊಳಗಿನ ಮಕ್ಕಳನ್ನು ಮಾತ್ರವೇ ಕೇಂದ್ರೀಕರಿಸಲಿವೆ.[೮೬] ಮೊದಲೆರಡು ಕಾದಂಬರಿಗಳನ್ನು ಅಕ್ಟೋಬರ್ 7, 2008ರಂದು ಪ್ರಕಟಿಸಲಾಗಿತ್ತು ಹಾಗೂ ಇದುವರೆಗೆ ಏಳು ಕಾದಂಬರಿಗಳನ್ನು ಪ್ರಕಟಿಸಲಾಗಿದೆ.[೮೭][೮೮][೮೯]
ನರುಟೊ ವಿಡಿಯೋ ಆಟಗಳು ನಿಂಟೆಂಡೋ, ಸೋನಿ ಮತ್ತು ಮೈಕ್ರೋಸಾಫ್ಟ್ ಸಂಸ್ಥೆಗಳ ಅನೇಕ ಆಟದ ಸಾಧನಗಳಲ್ಲಿ ಕಾಣಿಸಿಕೊಂಡಿವೆ. ಅವುಗಳಲ್ಲಿ ಬಹಳಷ್ಟು ಹೋರಾಟದ ಆಟಗಳಾಗಿದ್ದು, ಆಟಗಾರನು ತಮ್ಮ ಎದುರಾಳಿಗಳೊಂದಿಗೆ ಹೋರಾಡುವ ನರುಟೊ ಸಜೀವಚಿತ್ರಿಕೆ ಮತ್ತು ಮಂಗಾ ಸರಣಿಯ ಆಯ್ದ ಕೆಲ ಪಾತ್ರಗಳನ್ನು ನಿಯಂತ್ರಿಸುವಂತೆ ಇರುತ್ತದೆ. ಆಟಗಾರನು ತನ್ನ ಆಯ್ಕೆಯ ಪಾತ್ರವನ್ನು, ಆಟಗಾರನು ಭಾಗವಹಿಸುವ ವಿಧಾನದ ಮೇಲೆ ಆಧಾರಿತವಾಗಿ ಆಟದ AI ಅಥವಾ ಮತ್ತೋರ್ವ ಆಟಗಾರನ ನಿಯಂತ್ರಣಕ್ಕೊಳಪಟ್ಟ ಮತ್ತೊಂದು ಪಾತ್ರವನ್ನು ಎದುರಿಸುವಂತೆ ಕಣಕ್ಕಿಳಿಸುತ್ತಾನೆ. ಆಟದ ಗುರಿಯೇನೆಂದರೆ ಎದುರಾಳಿಯ ಆರೋಗ್ಯದ ಮಟ್ಟವನ್ನು ಮೂಲಭೂತ ಆಕ್ರಮಣ ಹಾಗೂ ನರುಟೊ ಸಜೀವಚಿತ್ರಿಕೆಯಲ್ಲಿ ಅಥವಾ ಮಂಗಾ ಸರಣಿಯಲ್ಲಿ ಅವರು ಬಳಸುವ ಪ್ರತಿ ಪಾತ್ರಕ್ಕೆ ವಿಶೇಷವಾದ ತಂತ್ರಗಳ ಬಳಕೆಯ ಮೂಲಕ ಸೊನ್ನೆಗಿಳಿಸುವುದು.[೯೦] ಪ್ರಪ್ರಥಮ ನರುಟೊ ವಿಡಿಯೋ ಆಟವೆಂದರೆ ನರುಟೊ : ಕೊನೊಹಾ ನಿಂಪೋಕೋ , ಇದು ವಂಡರ್ಸ್ವಾನ್ ಕಲರ್ ಎಂಬ ಆಟದ ಸಾಧನಕ್ಕೆಂದು ಜಪಾನ್ನಲ್ಲಿ ಮಾರ್ಚ್ 27, 2003ರಂದು ಬಿಡುಗಡೆಯಾಯಿತು.[೯೧] ಬಹಳಷ್ಟು ನರುಟೊ ವಿಡಿಯೋ ಆಟಗಳನ್ನು ಕೇವಲ ಜಪಾನ್ನಲ್ಲಿ ಮಾತ್ರವೇ ಬಿಡುಗಡೆ ಮಾಡಲಾಗಿದೆ. ಜಪಾನ್ನ ಹೊರಗಡೆ ಮೊದಲು ಬಿಡುಗಡೆಯಾದ ಆಟಗಳೆಂದರೆ ನರುಟೊ : ಗೇಕಿತೌ ನಿಂಜಾ ತೈಸೆನ್ ಸರಣಿ ಮತ್ತು ನರುಟೊ : ಸೈಕ್ಯೌ ನಿಂಜಾ ಡೈಕೆಷ್ಷು ಸರಣಿಗಳು, ಇವನ್ನು ನರುಟೊ : ಕ್ಲಾಷ್ ಆಫ್ ನಿಂಜಾ ಮತ್ತು ನರುಟೊ : ನಿಂಜಾ ಕೌನ್ಸಿಲ್ ಎಂಬ ಶೀರ್ಷಿಕೆಗಳಡಿ ಉತ್ತರ ಅಮೇರಿಕದಲ್ಲಿ ಬಿಡುಗಡೆ ಮಾಡಲಾಯಿತು.[೯೨][೯೩]
Naruto Collectible Card Game (ナルト- カードゲーム lit. Naruto CardGame?) ಎಂಬುದು ನರುಟೊ ಸರಣಿಯ ಮೇಲೆ ಆಧಾರಿತವಾದ ಸಂಗ್ರಹಿಸಬಲ್ಲ ಕಾರ್ಡ್ಗಳ ಆಟವಾಗಿದೆ. ಬಂದೈ ಸಂಸ್ಥೆಯು ನಿರ್ಮಿಸಿದ ಈ ಆಟವನ್ನು ಮೊದಲಿಗೆ ಫೆಬ್ರವರಿ 2003ರಲ್ಲಿ ಜಪಾನ್ನಲ್ಲಿ ಪರಿಚಯಿಸಲಾಯಿತು.[೯೪] ಆಂಗ್ಲಭಾಷೆಯಲ್ಲಿ ಉತ್ತರ ಅಮೇರಿಕದಲ್ಲಿ ಬಂದೈ ಸಂಸ್ಥೆಯು ಈ ಆಟವನ್ನು ಏಪ್ರಿಲ್ 2006ರಲ್ಲಿ ಬಿಡುಗಡೆಗೊಳಿಸಲು ಆರಂಭಿಸಿತು.[೯೫] ಇದು ಗ್ರಾಹಕೀಕರಿಸಿದ ಐವತ್ತು ಕಾರ್ಡುಗಳ ಕಟ್ಟು, ಆಟದ ಮಂದಲಿಗೆ ಮತ್ತು "ಸುತ್ತು ಸೂಚಕ" ವಾಗಿ ಒಂದು ವಸ್ತು ಮತ್ತು ಮುಖ್ಯವಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಮಯದಲ್ಲಿ ಮೀಟಲಾಗುವ "ನಿಂಜಾ ಬ್ಲೇಡ್ ಕಾಯಿನ್"ಗಳನ್ನು ಬಳಸಿಕೊಂಡು ಇಬ್ಬರು ಆಟಗಾರರು ಆಡುವ ಆಟವಾಗಿದೆ. ಈ ಆಟದಲ್ಲಿ ಗೆಲ್ಲಲು ಆಟಗಾರನು ಹತ್ತು "ಯುದ್ಧ ಪ್ರತಿಫಲಗಳನ್ನು" ಆಟದಲ್ಲಿನ ತಮ್ಮ ಚಲನೆಗಳ ಮೂಲಕ ಪಡೆಯಬೇಕು ಇಲ್ಲವೇ ತಮ್ಮ ಎದುರಾಳಿಯು ತಮ್ಮ ಕಟ್ಟನ್ನು ಬರಿದು ಮಾಡಿಕೊಳ್ಳುವ ಹಾಗೆ ಮಾಡಬೇಕು.[೯೬]
ಕಾರ್ಡ್ಗಳನ್ನು, "ಸರಣಿ "ಗಳೆಂದು ಕರೆಯಲಾಗುವ ಹೆಸರಿನಿಂದ ಗುರುತಿಸುವ ಗುಂಪುಗಳನ್ನಾಗಿಸಿ ನಾಲ್ಕು ಪ್ರತ್ಯೇಕ 50-ಕಾರ್ಡ್ಗಳ ಮೊದಲೇ ಸಂರಚಿಸಿದ ಕಪಾಟು ಗುಂಪುಗಳಲ್ಲಿ ಬಿಡುಗಡೆ ಮಾಡಲಾಗುತ್ತದೆ.[೯೪][೯೫] ಪ್ರತಿ ಗುಂಪು ಒಂದು ಆರಂಭಿಕ ಕಟ್ಟು, ಆಟದ ಮಂದಲಿಗೆ, ಸುತ್ತು ಸೂಚಕ ಮತ್ತು ತುಕ್ಕುರಹಿತ ಉಕ್ಕಿನ "ನಿಂಜಾ ಬ್ಲೇಡ್ ಕಾಯಿನ್"ಗಳನ್ನೊಳಗೊಂಡಿರುತ್ತದೆ. ಹೆಚ್ಚುವರಿ ಕಾರ್ಡುಗಳನ್ನು 10-ಕಾರ್ಡ್ಗಳ ಬೂಸ್ಟರ್ ಪ್ಯಾಕ್ಗಳಾಗಿ ನೀಡಲಾಗುತ್ತದೆ ಹಾಗೂ ಪ್ರತಿ ಸರಣಿಯ ನಾಲ್ಕೂ ಗುಂಪುಗಳನ್ನು ಒಟ್ಟಿಗೆ ಉಳ್ಳ ಕಟ್ಟುಗಳ ಗುಂಪುಗಳನ್ನು ಪ್ರಮುಖವಾಗಿ ಚಿಲ್ಲರೆ ವ್ಯಾಪಾರಿಗಳೆಗೆಂದು ಸಿದ್ಧಪಡಿಸಿರಲಾಗುತ್ತದೆ. ಪ್ರತಿ ಗುಂಪಿಗೆ ಕಾರ್ಡ್ಗಳನ್ನು, ಅನೇಕ ಬೂಸ್ಟರ್ ಪ್ಯಾಕ್ಗಳು ಹಾಗೂ ವಿಶೇಷ ಜಾಹಿರಾತಿನ ಕಾರ್ಡ್ಗಳುಳ್ಳ ಲೋಹದ ಪೆಟ್ಟಿಗೆಯಲ್ಲಿ ಇರುವಂತೆ ಸಂಗ್ರಹಾರ್ಹ ಡಬ್ಬಿಗಳಲ್ಲಿ ಲಭ್ಯವಿರುತ್ತದೆ.[೯೭] ಅಕ್ಟೋಬರ್ 2006ರ ಸಮಯದಲ್ಲಿ, 417 ಪ್ರತ್ಯೇಕ ಕಾರ್ಡ್ಗಳನ್ನು ಹೊಂದಿರುವ ಹದಿನೇಳು ಸರಣಿಗಳನ್ನು ಜಪಾನ್ನಲ್ಲಿ ಬಿಡುಗಡೆ ಮಾಡಲಾಯಿತು.[೯೪] ಆಗಸ್ಟ್ 2008ರ ಸಮಯದಲ್ಲಿ, ಈ ಸರಣಿಗಳಲ್ಲಿ ಹತ್ತನ್ನು ಉತ್ತರ ಅಮೇರಿಕದಲ್ಲಿ ಬಿಡುಗಡೆ ಮಾಡಲಾಗಿತ್ತು.[೯೮]
ನರುಟೊ ಸರಣಿಯ ಅನೇಕ ಪೂರಕ ಪುಸ್ತಕಗಳನ್ನು ಸಹಾ ಬಿಡುಗಡೆ ಮಾಡಲಾಗಿದೆ. ದ ಆರ್ಟ್ ಆಫ್ ನರುಟೊ : ಉಜುಮುಕಿ ಎಂಬ ಹೆಸರಿನ ಚಿತ್ರ/ಕಲಾಪುಸ್ತಕವು ಮಂಗಾ ಸರಣಿಯ ಭಾಗ Iರ ಚಿತ್ರಿಕೆಗಳನ್ನು ಹೊಂದಿದ್ದು ಜಪಾನ್ ಮತ್ತು ಯುನೈಟೆಡ್ ಸ್ಟೇಟ್ಸ್ಗಳೆರಡು ಕಡೆಯೂ ಬಿಡುಗಡೆಯಾಗಿದೆ.[೯೯][೧೦೦] ಮಂಗಾ ಸರಣಿಯ ಭಾಗ IIಕ್ಕೆ PAINT JUMP: ಆರ್ಟ್ ಆಫ್ ನರುಟೊ ಎಂಬ ಹೆಸರಿನ ಪಾರಸ್ಪರಿಕ ವರ್ತನಾ ಪುಸ್ತಕವನ್ನು ಷುಯೆಷಾ ಸಂಸ್ಥೆಯು ಏಪ್ರಿಲ್ 4, 2008ರಂದು ಬಿಡುಗಡೆ ಮಾಡಿತು.[೧೦೧] ನರುಟೊ ಎಂಬ ಹೆಸರಿನಲ್ಲಿ ಜುಲೈ 3, 2009ರಂದು ಇತ್ತೀಚಿನ ಕಲಾಪುಸ್ತಕವು ಪ್ರಕಟವಾಗಿದೆ.[೧೦೨] ಭಾಗ Iಕ್ಕೆ First Official Data Book (秘伝·臨の書キャラクターオフィシャルデータBOOK Hiden: Rin no Sho Character Official Data Book?)[೧೦೩] ಮತ್ತು Second Official Data Book (秘伝·闘の書キャラクターオフィシャルデータBOOK Hiden: Tō no Sho Character Official Data Book?)[೧೦೪] ಎಂಬ ಹೆಸರುಗಳುಳ್ಳ ಮಾರ್ಗದರ್ಶಿ ಪುಸ್ತಕಗಳ ಸರಣಿಯನ್ನು ಕೇವಲ ಜಪಾನ್ನಲ್ಲಿ ಮಾತ್ರವೇ ಬಿಡುಗಡೆಗೊಳಿಸಲಾಗಿದೆ. ಮಂಗಾ ಸರಣಿಯ ಭಾಗ IIನ್ನು ಅಳವಡಿಸಿಕೊಂಡಿರುವ ಮೂರನೇ ದತ್ತಪುಸ್ತಕ, Character Official Data Book Hiden Sha no Sho (秘伝・者の書 ― キャラクターオフィシャルデータBOOK Hiden: Sha no Sho - Kyarakutā ofisharu dēta book ?)ವನ್ನು ಸೆಪ್ಟೆಂಬರ್ 4, 2008ರಂದು ಬಿಡುಗಡೆಗೊಳಿಸಲಾಯಿತು.[೧೦೫] ಈ ಪುಸ್ತಕಗಳಲ್ಲಿ ಪಾತ್ರಗಳ ವ್ಯಕ್ತಿಚಿತ್ರಗಳು, ಜುತ್ಸು ಕೈಪಿಡಿಗಳು ಮತ್ತು ಕಿಷಿಮೊಟೊರಿಂದ ರಚಿಸಲ್ಪಟ್ಟ ಕರಡುಚಿತ್ರಗಳೂ ಇರುತ್ತವೆ. ಸಜೀವಚಿತ್ರಿಕೆಗಳಿಗೆ ನರುಟೊ ಸಜೀವಚಿತ್ರಿಕೆ ವ್ಯಕ್ತಿಚಿತ್ರಗಳು ಎಂಬ ಹೆಸರಿನ ಮಾರ್ಗದರ್ಶಿಪುಸ್ತಕಗಳ ಸರಣಿಯನ್ನು ಸಹಾ ಬಿಡುಗಡೆಗೊಳಿಸಲಾಗಿದೆ. ಈ ಪುಸ್ತಕಗಳಲ್ಲಿ ಸಜೀವಚಿತ್ರಿಕೆ ಪ್ರಕರಣ/ಪ್ರಸಂಗ/ಘಟನೆಗಳ ನಿರ್ಮಾಣಗಳ ಬಗೆಗಿನ ಮಾಹಿತಿ ಹಾಗೂ ಪಾತ್ರ ವಿನ್ಯಾಸಗಳ ಬಗ್ಗೆ ವಿವರಣೆ ಇರುತ್ತದೆ.[೧೦೬] ಅಕ್ಟೋಬರ್ 4, 2002ರಂದು Secret: Writtings from the Warriors Official Fanbook (秘伝・兵の書 ― オフィシャルファンBOOK Hiden: Hei no Sho - Ofisharu fan book?) ಎಂಬ ಹೆಸರಿನ ಮಂಗಾ ಅಭಿಮಾನಿಪುಸ್ತಕವನ್ನೂ ಬಿಡುಗಡೆ ಮಾಡಲಾಯಿತು.[೧೦೭] ವಿಝ್ ಸಂಸ್ಥೆಯು ಅದನ್ನು ಉತ್ತರ ಅಮೇರಿಕದಲ್ಲಿ ಫೆಬ್ರವರಿ 19, 2008ರಂದು ನರುಟೊ : ದ ಅಫಿಷಿಯಲ್ ಫ್ಯಾನ್ಬುಕ್ ಎಂಬ ಹೆಸರಿನಲ್ಲಿ ಪ್ರಕಟಿಸಿತು.[೧೦೮]
ನರುಟೊ ಸರಣಿಗೆ ಜಪಾನ್ ಮತ್ತು ಯುನೈಟೆಡ್ ಸ್ಟೇಟ್ಸ್ ಎರಡೂ ರಾಷ್ಟ್ರಗಳಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. 36ನೇ ಸಂಪುಟದ ವೇಳೆಗೆ, ಜಪಾನ್ನಲ್ಲಿ ಮಂಗಾ ಸರಣಿಯ 71 ದಶಲಕ್ಷ ಪ್ರತಿಗಳು ಮಾರಾಟವಾಗಿದ್ದರೆ,[೧೦೯] 2008ರಲ್ಲಿ ಇದು 89 ದಶಲಕ್ಷಕ್ಕೆ ಏರಿದೆ.[೧೧೦] 2008ರ ಸಾಲಿನಲ್ಲಿ, 43ನೇ ಸಂಪುಟದ 1.1 ದಶಲಕ್ಷ ಪ್ರತಿಗಳು ಮಾರಾಟವಾಗಿ ಜಪಾನ್ನಲ್ಲಿ ಮಾರಾಟವಾದ 9ನೆಯ ಅಧಿಕ-ಮಾರಾಟದ ಸಚಿತ್ರಕಥೆಯಾಗಿದೆ. 41, 42 ಮತ್ತು 44ನೇ ಸಂಪುಟಗಳು ಅಗ್ರ 20 ಶ್ರೇಯಾಂಕಗಳೊಳಗೆ ಬಂದರೂ, ಕಡಿಮೆ ಪ್ರಮಾಣದ ಮಾರಾಟ ಕಂಡಿವೆ.[೧೧೧] ಒಟ್ಟಾರೆಯಾಗಿ ಮಂಗಾ ಸರಣಿಯ 4.2 ದಶಲಕ್ಷ ಪ್ರತಿಗಳು 2008ರ ಸಾಲಿನಲ್ಲಿ ಜಪಾನ್ನಲ್ಲಿ ಮಾರಾಟವಾಗಿ 2ನೇ ಅಧಿಕ ಮಾರಾಟದ ಸರಣಿಯಾಗಿದೆ.[೧೧೨] 2009ರ ಸಾಲಿನ ಮೊದಲರ್ಧದಲ್ಲಿ, 3.4 ದಶಲಕ್ಷ ಪ್ರತಿಗಳ ಮಾರಾಟ ಕಂಡು ಜಪಾನ್ನ 3ನೇ ಅಧಿಕ-ಮಾರಾಟದ ಮಂಗಾ ಸರಣಿಯಾಗಿದೆ.[೧೧೩] ಅಂತಹುದೇ ಅವಧಿಯಲ್ಲಿ, 45ನೇ ಸಂಪುಟವು 1.1 ದಶಲಕ್ಷ ಪ್ರತಿಗಳ ಮಾರಾಟದೊಂದಿಗೆ 5ನೇ ಸ್ಥಾನದಲ್ಲಿದ್ದರೆ, 46ನೇ ಸಂಪುಟವು 864,708 ಪ್ರತಿಗಳ ಮಾರಾಟದೊಂದಿಗೆ 9ನೇ ಸ್ಥಾನ ಪಡೆದರೆ, 44ನೇ ಸಂಪುಟವು 40ನೇ ಸ್ಥಾನದಲ್ಲಿದೆ.[೧೧೪]
ನರುಟೊ ಮಂಗಾ ಸರಣಿಯು 2006ರ[೧೧೫] ಸಾಲಿನ ಎಲ್ಲಾ ಮಂಗಾ ಸರಣಿ ಮಾರಾಟಗಳಲ್ಲಿ ಬಹುಮಟ್ಟಿಗೆ 10%ರಷ್ಟು ಮಾರಾಟಕ್ಕೆ ಕಾರಣವಾಗಿ ವಿಝ್ ಸಂಸ್ಥೆಯ ಅಗ್ರ ಸ್ವತ್ತು[೧೧೬] ಗಳಲ್ಲಿ ಒಂದಾಗಿದೆ. ICv2ಯು ಇದನ್ನು ಉತ್ತರ ಅಮೇರಿಕಾದ ಅಗ್ರ ಮಂಗಾ ಸರಣಿ ಸ್ವತ್ತಾಗಿ ಅನೇಕ ಬಾರಿ ಪಟ್ಟಿ ಮಾಡಿದೆ.[೧೧೭][೧೧೮] ವಿಝ್ ಸಂಸ್ಥೆ ಬಿಡುಗಡೆ ಮಾಡಿದ ಏಳನೇ ಸಂಪುಟವು 2006ರಲ್ಲಿ "ಅತ್ಯುತ್ತಮ ಚಿತ್ರಿತ ಕಾದಂಬರಿ"ಗೆ ಕ್ವಿಲ್ ಪ್ರಶಸ್ತಿ ಪಡೆದಾಗ ಹಾಗೆ ಪ್ರಶಸ್ತಿ ಪಡೆದ ಪ್ರಥಮ ಮಂಗಾ ಸರಣಿಯಾಗಿತ್ತು.[೧೧೫] ಮಂಗಾ ಸರಣಿ USA ಟುಡೇ ಪುಸ್ತಕಪಟ್ಟಿ ಯಲ್ಲಿ ಸಹಾ ಸ್ಥಾನ ಪಡೆದಿದ್ದು ಅದರಲ್ಲಿ 11ನೇ ಸಂಪುಟವು ಪಟ್ಟಿಯಲ್ಲಿನ ಅತಿ ಹೆಚ್ಚಿನ ಶ್ರೇಯಾಂಕ ಪಡೆದ ಮಂಗಾ ಸರಣಿಯ ಹೆಗ್ಗಳಿಕೆಯನ್ನು ಹೊಂದಿತ್ತು, ನಂತರ ಮಾರ್ಚ್ 2008ರಲ್ಲಿ ಬಿಡುಗಡೆಯಾದ ಒಂದು ವಾರದಲ್ಲಿ 17ನೇ ಶ್ರೇಯಾಂಕ ಪಡೆದ 28ನೇ ಸಂಪುಟ ಅದನ್ನು ಹಿಂದೆ ಹಾಕಿತು.[೧೧೯][೧೨೦][೧೨೧] 28ನೇ ಸಂಪುಟವು ಅನೇಕ ವರ್ಷಗಳಲ್ಲಿ ಬಿಡುಗಡೆಯಾದ ವಾರಗಳಲ್ಲಿ ಅತಿ ಹೆಚ್ಚಿನ ಮಾರಾಟ ಕಂಡ ಯಾವುದೇ ಮಂಗಾ ಸರಣಿಗಿಂತ ಹೆಚ್ಚಿನ ಮಾರಾಟವನ್ನು ಒಂದೇ ವಾರದಲ್ಲಿ ಕಂಡುದಲ್ಲದೇ, 2008ರ ಸಾಲಿನ ಅಧಿಕ ಮಾರಾಟದ ಮಂಗಾ ಸರಣಿ ಸಂಪುಟ ಹಾಗೂ ಉತ್ತರ ಅಮೇರಿಕಾದ ಎರಡನೇ ಅಧಿಕ-ಮಾರಾಟದ ಪುಸ್ತಕವಾಗಿತ್ತು.[೧೨೨][೧೨೩] ತನ್ನ ಬಿಡುಗಡೆಯ ಕಾಲದಲ್ಲಿ 29ನೇ ಸಂಪುಟವು #57ನೇ ಶ್ರೇಯಾಂಕದಲ್ಲಿದ್ದರೆ 28ನೇ ಸಂಪುಟವು #139ಕ್ಕೆ ಇಳಿದಿತ್ತು.[೧೨೪] ಏಪ್ರಿಲ್ 2007ರಲ್ಲಿ, 14ನೇ ಸಂಪುಟವು ಡೈಮಂಡ್ ಕಾಮಿಕ್ ಡಿಸ್ಟ್ರಿಬ್ಯೂಟರ್ಸ್ ಸಂಸ್ಥೆ ನೀಡುವ "ಮಂಗಾ ಸೀರೀಸ್ ಟ್ರೇಡ್ ಪೇಪರ್ಬ್ಯಾಕ್ ಆಫ್ ದ ಇಯರ್" ಜೆಮ್ ಪ್ರಶಸ್ತಿಯನ್ನು ವಿಝ್ ಸಂಸ್ಥೆಗೆ ದೊರಕಿಸಿಕೊಟ್ಟಿತು.[೧೨೫] ಅದೇ ಅವಧಿಯಲ್ಲಿ 31 ಸಂಪುಟಗಳು ಪ್ರಕಟವಾದುದರಿಂದ ಮಂಗಾ ಸರಣಿಯು ಯುನೈಟೆಡ್ ಸ್ಟೇಟ್ಸ್ನಲ್ಲಿನ 2008ರ ಸಾಲಿನ ಅಗ್ರ ಮಂಗಾ ಸರಣಿ ಸ್ವತ್ತು ಎಂಬ ಹೆಸರು ಸಹಾ ಗಳಿಸಿತು.[೧೨೬] Yahoo! ವೆಬ್ ಹುಡುಕುತಾಣದ 2008ರ ಸಾಲಿನ ಅಗ್ರ 10 ಅತಿ ಜನಪ್ರಿಯ ಹುಡುಕು ಪದಗಳಲ್ಲಿ "ನರುಟೊ" ಪದದ ಹುಡುಕುವಿಕೆಯು #7ನೇ ಸ್ಥಾನದಲ್ಲಿದ್ದರೆ, 2007ರ ಸಾಲಿನಲ್ಲಿ #4ನೇ ಸ್ಥಾನದಲ್ಲಿತ್ತು.[೧೨೭] ನರುಟೊ 'ದ ಯಶಸ್ಸಿಗೆ ಪ್ರತಿಕ್ರಯಿಸುತ್ತಾ, ಕಿಷಿಮೊಟೊರವರು ನರುಟೊ ಕಲೆಕ್ಟರ್ ವಿಂಟರ್ 2007/2008 ರಲ್ಲಿ "ಅಮೇರಿಕದ ಪ್ರೇಕ್ಷಕರು ನಿಂಜಾಗಳನ್ನು ಅರ್ಥ ಮಾಡಿಕೊಂಡಿದ್ದಾರೆ ಹಾಗೂ ಸ್ವೀಕರಿಸಿದ್ದಾರೆ ಎಂಬುದಕ್ಕೆ ತನಗೆ ಹರ್ಷವಾಗುತ್ತಿದೆ. ಹಿಂದೆ ಪರಿಚಯವಿರದ ವಿಷಯವನ್ನು ಅಮೇರಿಕಾದ ಪ್ರೇಕ್ಷಕರು ಸ್ವೀಕರಿಸಬಲ್ಲರು ಎಂದರೆ ಅವರು ಒಳ್ಳೆಯ ಅಭಿರುಚಿ ಹೊಂದಿದ್ದಾರೆ ಎಂಬುದನ್ನು ಇದು ತೋರಿಸುತ್ತದೆ" ಎಂದಿದ್ದರು.[೧೨೮]
ಅನೇಕ ವಿಮರ್ಶಕರಿಂದ ಹೊಗಳಿಕೆ ಹಾಗೂ ಟೀಕೆಗಳೆರಡನ್ನೂ ಸರಣಿಯು ಪಡೆದಿದೆ. IGNನ A. E. ಸ್ಪಾರೋ ಎಂಬುವವರು ಕೆಲ ಮಂಗಾ ಸರಣಿ ಸಂಪುಟಗಳಲ್ಲಿ ಜನಪ್ರಿಯತೆ ಹೆಚ್ಚಲು ಕೆಲವೇ ಪಾತ್ರಗಳ ಮೇಲೆ ಮಾತ್ರವೇ ಕೇಂದ್ರೀಕರಿಸಲಾಗಿದೆ ಎಂಬುದರೆಡೆ ಗಮನ ಸೆಳೆದಿದ್ದರು. ಆತ ಹೋರಾಟದ ದೃಶ್ಯಗಳು, ಹಾಸ್ಯ ಮತ್ತು ಉತ್ತಮ ಕಲೆಗಳ ಸಂಯೋಜನೆಯನ್ನು ಉತ್ತಮ ರೀತಿಯಲ್ಲಿ ನಿರ್ವಹಿಸುತ್ತಿರುವುದಕ್ಕೆ ಕಿಷಿಮೊಟೊರನ್ನು ಹೊಗಳುತ್ತಾರೆ ಕೂಡಾ.[೧೨೯] ಸಜೀವಚಿತ್ರಿಕೆ ಮತ್ತು ಮಂಗಾ ಸರಣಿ ಪತ್ರಿಕೆ ನಿಯೋ ವು ನರುಟೊನ ಪಾತ್ರವನ್ನು "ಜುಗುಪ್ಸೆಗೊಳಿಸುವಂತಹುದು" ಎಂದು ಹಾಗೂ ಸರಣಿಯನ್ನು ನಿಗದಿತ ದರ್ಜೆಯ ಪಾತ್ರಚಿತ್ರಣದಲ್ಲಿ "ಬಹುಮಟ್ಟಿಗೆ ಓಕರಿಕೆ ತರಿಸುವ ಮಟ್ಟಿಗೆ ಗೀಳು ಹಿಡಿಸುತ್ತದೆ" ಎಂದು ಆರೋಪಿಸುತ್ತದೆ.[೧೩೦] ಅನೈಮ್ ನ್ಯೂಸ್ ನೆಟ್ವರ್ಕ್ ನ (ANN) ಕಾರ್ಲ್ ಕಿಂಲಿಂಗರ್ರು ಪ್ರತಿ ಪಾತ್ರವೂ ತನ್ನದೇ ಪ್ರತ್ಯೇಕ ನಟನೆ ಹಾಗೂ ಚರ್ಯೆಯನ್ನು ಹೊಂದಿರುವುದರಿಂದ ಪಾತ್ರಗಳ ವಿನ್ಯಾಸವನ್ನು ಪ್ರಶಂಸಿಸುತ್ತಾರೆ. ಆತ "ಎಂತಹಾ ದಡ್ಡನೆಂಬಂತೆ ಕಂಡುಬರುವ ಪಾತ್ರವೂ" ಸಹಾ ಹೋರಾಡಬೇಕಾದರೆ "ನಿರ್ಯೋಚನೆಯಿಂದೆಂಬಂತೆ" ಹೋರಾಡುವುದರೆಡೆ ಗಮನ ಸೆಳೆಯುತ್ತಾರೆ. ಆದಾಗ್ಯೂ, ಕಿಂಲಿಂಗರ್ರು ಕೆಲ ಸಂಪುಟಗಳಲ್ಲಿ ಕಥಾವಸ್ತು ಮುಂದುವರೆಯಲು ಅಸಾಧ್ಯವಾಗುವಷ್ಟು ಬಹಳಷ್ಟು ಹೋರಾಟಗಳಿದ್ದು, ಎಂದು ಎತ್ತಿ ತೋರಿಸುತ್ತಾರಾದರೂ, ಪ್ರತಿಯೊಂದು ಹೋರಾಟವು ಭಾವನಾತ್ಮಕವಾಗಿರುವುದಕ್ಕೆ ಪ್ರಶಂಸೆ ವ್ಯಕ್ತಪಡಿಸುತ್ತಾರೆ.[೧೩೧] TwistedManga.comನ ಜೇವಿಯರ್ ಲ್ಯೂಗೋರು ಅನೇಕ ಸಂಪುಟಗಳ ನಂತರವೂ ಆಹ್ಲಾದಿಸುವಂತಿರುವುದಕ್ಕೆ ಸರಣಿಯನ್ನು ಪ್ರಶಂಸಿಸುತ್ತಾರೆ, ಮಂಗಾ ಸರಣಿಯ ಹೋರಾಟದ ದೃಶ್ಯಗಳನ್ನು ಹಾಗೂ ಪ್ರತಿಸ್ಪರ್ಧಿಗಳನ್ನೂ ಪ್ರಶಂಸಿಸುತ್ತಾರೆ. ಕಿಷಿಮೊಟೊರ ಚಿತ್ರಕಲೆಯ ಬಗ್ಗೆಯೂ ಸಹಾ ಅಭಿಪ್ರಾಯ ವ್ಯಕ್ತಪಡಿಸಿರುವ ಲ್ಯೂಗೋ ಅದು ಕಥೆಯನ್ನು "ನಾಟಕೀಯ, ಉತ್ತೇಜಿತವಾಗಿಸುವುದಲ್ಲದೇ ಆತ ಹೇಳಬಯಸುತ್ತಿರುವ ಕಥೆಗೆ ಸೂಕ್ತವಾಗಿಯೇ ಇದೆ" ಎನ್ನುತ್ತಾರೆ.[೧೩೨] ಭಾಗ IIರ ಪ್ರಾರಂಭವನ್ನು ANNನ ಕ್ಯಾಸೆ ಬ್ರೀನ್ಜಾರು ಮತ್ತೊಂದು ವಿಮರ್ಶೆಯಲ್ಲಿ ಪಶಂಸಿಸಿದ್ದಾರೆ. ಹೊಸ ಚರ್ಯೆಗಳನ್ನು ಹಾಗೂ ಸಾಮರ್ಥ್ಯಗಳನ್ನು ಹೊಂದುತ್ತಿರುವ ಪಾತ್ರಗಳನ್ನು ಸೂಕ್ತರೀತಿಯಲ್ಲಿ ಬೆಳೆಸುತ್ತಿರುವ ಬಗ್ಗೆ ಪ್ರಸ್ತಾಪಿಸುತ್ತಾರೆ. ಬ್ರೀನ್ಜಾರು ಕಥಾವಸ್ತು ಹಾಗೂ ಹೋರಾಟ ದೃಶ್ಯಗಳನ್ನು ಉತ್ತಮ ರೀತಿಯಲ್ಲಿ ಸಂಯೋಜಿಸಿ ಓದುಗರಿಗೆ ಸಂಪುಟವನ್ನು ಆಹ್ಲಾದಿಸುವಂತೆ ಮಾಡುವುದರ ಬಗ್ಗೆ ಪ್ರಶಂಸಿಸುತ್ತಾರೆ. ಆದಾಗ್ಯೂ, ಎಲ್ಲಾ ಸಂಪುಟಗಳೂ ಒಂದೇ ರೀತಿಯ ಗುಣಮಟ್ಟವನ್ನು ಹೊಂದಿಲ್ಲ ಎಂದು ಹೇಳಲು ಅವರು ಮರೆಯುವುದಿಲ್ಲ.[೧೩೩] ಮಾನಿಯಾ ಎಂಟರ್ಟೇನ್ಮೆಂಟ್ನ ಬ್ರಿಯಾನಾ ಲಾರೆನ್ಸ್ರು ಭಾಗ IIರಲ್ಲಿ, ಮಂಗಾ ಸರಣಿಯು ಅನೇಕ ಪಾತ್ರಗಳು ದೊಡ್ಡವರಾಗುವ ಕಾರಣ "ಪ್ರಬುದ್ಧ"ವಾದಂತೆ ಕಂಡರೂ ಸರಣಿಯಲ್ಲಿ ಹಾಸ್ಯ ಪಾತ್ರಗಳಾಗಿಯೇ ಉಳಿದುಕೊಂಡಿದ್ದಾರೆ ಎಂದು ತೋರಿಸುತ್ತಾರೆ. ಆದಾಗ್ಯೂ, ವಿಝ್ ಸಂಸ್ಥೆಯ ಭಾಷಾಂತರಗಳು ಕೆಲ ಜಪಾನೀ ಪದಗಳನ್ನು ಆಂಗ್ಲಕ್ಕೆ ಭಾಷಾಂತರಿಸಿ, ಉಳಿದವನ್ನು ಹಾಗೆಯೇ ಉಳಿಸಿರುವುದರಿಂದ "ಅಸಂಗತ"ವಾಗಿರುವುದಕ್ಕೆ ಟೀಕೆಗಳು ವ್ಯಕ್ತವಾಗಿವೆ.[೧೩೪]
TV ಅಸಾಹಿಯ ಅಕ್ಟೋಬರ್ 2006ರ ಇತ್ತೀಚಿನ ಅಗ್ರ 100 ಸಜೀವಚಿತ್ರಿಕೆಗಳ ಶ್ರೇಯಾಂಕಪಟ್ಟಿಯಲ್ಲಿ, ನರುಟೊ ಗೆ ಪಟ್ಟಿಯಲ್ಲಿ 17ನೇ ಸ್ಥಾನ ಲಭಿಸಿದೆ.[೧೩೫] ನರುಟೊ ಷಿಪ್ಪುಡೆನ್ ಸರಣಿಯು ಜಪಾನ್ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಹೊಂದಿರುವ ಸರಣಿಗಳಲ್ಲಿ ಒಂದೆಂದು ಅನೇಕ ಬಾರಿ ಹೆಸರು ಪಡೆದಿದೆ.[೧೩೬][೧೩೭] ನರುಟೊ ನ ಸಜೀವಚಿತ್ರಿಕೆ ಅಳವಡಿಕೆಯು "ಅತ್ಯುತ್ತಮ ಪೂರ್ಣ ಪ್ರಮಾಣದ ಸಜೀವಚಿತ್ರ ಕಾರ್ಯಕ್ರಮ ಪ್ರಶಸ್ತಿ"ಯನ್ನು ಫಿಲಿಪ್ಪೀನ್ಸ್ನ ಮನಿಲಾದ ಸ್ಯಾಂಟೋ ಟಾಮಸ್ ವಿಶ್ವವಿದ್ಯಾಲಯದಲ್ಲಿ ನಡೆದ ಮೂರನೇ UStv ಪ್ರಶಸ್ತಿಪ್ರದಾನ ಸಮಾರಂಭದಲ್ಲಿ ಪಡೆದಿದೆ.[೧೩೮] ವಿಝ್ ಸಂಸ್ಥೆಯು ಬಿಡುಗಡೆ ಮಾಡಿದ ಹದಿಮೂರು ಪ್ರಕರಣ/ಪ್ರಸಂಗ/ಘಟನೆಗಳನ್ನು ಹೊಂದಿರುವ DVD ಸಂಗ್ರಹಗಳಲ್ಲಿ ಮೊದಲನೆಯದು ಅಮೇರಿಕದ ಸಜೀವಚಿತ್ರಿಕೆ ಪ್ರಶಸ್ತಿಗಳಿಗೆ ಉತ್ತಮ ಪ್ಯಾಕೇಜ್ ವಿನ್ಯಾಸಕ್ಕೆಂದು ನಾಮಾಂಕಿತಗೊಂಡಿತ್ತು.[೧೩೯] ಇದು ಇಡೀ 2008ರ ಸಾಲಿನಲ್ಲಿ ಮೂರನೇ ಅಧಿಕ-ಮಾರಾಟದ ಸಜೀವಚಿತ್ರಿಕೆ ಸ್ವತ್ತು ಎಂಬ ಶ್ರೇಯಾಂಕವನ್ನೂ ಪಡೆದಿದೆ.[೧೪೦] ನರುಟೊ UST ಮೆಡಿಸಿನ್ ಆಡಿಟೋರಿಯಂ ಎಂಬ ಸ್ಥಳದಲ್ಲಿ ಫೆಬ್ರವರಿ 19, 2009ರಂದು ನಡೆದ USTv ವಿದ್ಯಾರ್ಥಿಗಳ ಆಯ್ಕೆಯ ಪ್ರಶಸ್ತಿಗಳು 2009ರಲ್ಲಿ "ಅತ್ಯುತ್ತಮ ಸಂಪೂರ್ಣ ಸಜೀವಚಿತ್ರ ಕಾರ್ಯಕ್ರಮ" ಎಂಬ ಪ್ರಶಸ್ತಿ ಪಡೆಯಿತು.[೧೪೧] ICv2ನ 2009ರ ಮೊದಲರ್ಧದ "ಅಗ್ರ 10 ಸಜೀವಚಿತ್ರಿಕೆ ಸ್ವತ್ತುಗಳು" ಪಟ್ಟಿಯಲ್ಲಿ ನರುಟೊ ಎರಡನೇ ಅತ್ಯುತ್ತಮ ಸಜೀವಚಿತ್ರಿಕೆ ಫ್ರಾಂಚೈಸಿಯಾಗಿತ್ತು.[೧೪೨] ಜಪಾನಿನ ಸಜೀವಚಿತ್ರಿಕೆ TV ಶ್ರೇಯಾಂಕಪಟ್ಟಿಯಲ್ಲಿ ನರುಟೊ : ಷಿಪ್ಪುಡೆನ್ ನ ಪ್ರಕರಣ/ಪ್ರಸಂಗ/ಘಟನೆಗಳು ಅನೇಕ ಬಾರಿ ಕಾಣಿಸಿಕೊಂಡಿವೆ.[೧೪೩][೧೪೪] ಜಪಾನಿನ ಸಜೀವಚಿತ್ರಿಕೆ DVD ಶ್ರೇಯಾಂಕಪಟ್ಟಿಯಲ್ಲಿ ಕಾಣಿಸಿಕೊಂಡಿರುವುದರಿಂದ ನರುಟೊ : ಷಿಪ್ಪುಡೆನ್ DVD ಮಾರಾಟವೂ ಉತ್ತಮವಾಗಿಯೇ ಇತ್ತು.[೧೪೫][೧೪೬] ನರುಟೊ : ಷಿಪ್ಪುಡೆನ್ ನ ಮುಕ್ತವಾಗಿ ಪ್ರಸಾರವಾದ ಪ್ರಕರಣ/ಪ್ರಸಂಗ/ಘಟನೆಗಳು ವಾರಕ್ಕೆ ಸರಾಸರಿ 160,000 ವೀಕ್ಷಕರನ್ನು ಹೊಂದಿದ್ದವು.[೧೪೭] 2009ರ ಫೆಬ್ರವರಿಯ ಹುಲುವಿನ ಕಾರ್ಯಕ್ರಮಗಳು ಮತ್ತು ವಾಹಿನಿಗಳ ಪಟ್ಟಿಯಲ್ಲಿ ನರುಟೊ 20ನೇ ಸ್ಥಾನ ಕೂಡಾ ಪಡೆದಿತ್ತು. ಜೂಸ್ಟ್ನಲ್ಲಿ ಅದೇ ತಿಂಗಳಿನಲ್ಲಿ ಪ್ರಥಮ ಸ್ಥಾನ ಪಡೆದಿತ್ತು. ಜೂಸ್ಟ್ನಲ್ಲಿ ಪ್ರಸಾರಗೊಂಡ ಸಜೀವಚಿತ್ರ ಕಾರ್ಯಕ್ರಮಗಳಲ್ಲಿ ಫೆಬ್ರವರಿಯಲ್ಲಿ, ನರುಟೊ : ಷಿಪ್ಪುಡೆನ್ ಮೊದಲ ಸ್ಥಾನದಲ್ಲಿದ್ದರೆ ಎರಡನೇ ಸ್ಥಾನವನ್ನು ನರುಟೊ ಹೊಂದಿತ್ತು.[೧೪೮]
ನರುಟೊ ಸಜೀವಚಿತ್ರಿಕೆಯು 38ನೇ ಅತ್ಯುತ್ತಮ ಸಜೀವಚಿತ್ರಿತ ಕಾರ್ಯಕ್ರಮವಾಗಿ IGNನ ಅಗ್ರ 100 ಸಜೀವಚಿತ್ರಿತ ಸರಣಿಗಳ ಪಟ್ಟಿಯಲ್ಲಿ ಕಾಣಿಸಿಕೊಂಡಿತು.[೧೪೯] ವಿಮರ್ಶಕರು ಸರಣಿಯಲ್ಲಿನ ಪ್ರಾಶಸ್ತ್ಯವು ಹೋರಾಟಕ್ಕಿದೆಯೆಂದು ಏಕೆಂದರೆ ಹಿನ್ನೆಲೆಗಿಂತ ಹೋರಾಟದ ದೃಶ್ಯಕ್ಕೆ ಹೆಚ್ಚು ಮೀಸಲಾದಂತೆ ಕಂಡುಬರುತ್ತಿದೆ ಎಂದಿದ್ದಾರೆ. ಸಂಗೀತವೂ ಸಹಾ ಹೋರಾಟದೊಂದಿಗೆ ಉತ್ತಮವಾಗಿ ಹೊಂದಿಕೊಂಡಿದೆಯೆನ್ನುವ ಅವರು ಕೆಲವೊಮ್ಮೆ ಸಂಭಾಷಣೆಯೊಂದಿಗೆ ವ್ಯತಿಕರಿಸುತ್ತಿದೆ ಎನ್ನುತ್ತಾರೆ.[೧೫೦] ANNನ ಮಾರ್ಟಿನ್ ಥೇರನ್ ದೀರ್ಘಾವಧಿಯ ಹೋರಾಟಗಳಿವೆಯೆಂದು ಸರಣಿಯನ್ನು ಟೀಕೆ ಮಾಡುತ್ತಾರೆ, ಆದರೆ ಅವು ಬಹಳಮಟ್ಟಿಗೆ "ರೂಢಿಮಾದರಿಯ ಷೋನೆನ್ ಕಲ್ಪನೆಗಳನ್ನು" ತೊರೆಯುತ್ತವೆ ಎಂದೂ ಗಮನಿಸುತ್ತಾರೆ. ಧ್ವನಿಮುದ್ರಿಕೆಗಳು ಉತ್ಸಾಹವನ್ನು ಹೆಚ್ಚಿಸುವುದಕ್ಕೆ ಹಾಗೂ ಕಥಾಸಂದರ್ಭದಲ್ಲಿನ ಮನಸ್ಥಿತಿಯನ್ನು ಸರಿಯಾದ ರೀತಿಯಲ್ಲಿ ಮೂಡಿಸುವುದರಲ್ಲಿ ಯಶಸ್ವಿಯಾಗಿವೆ ಎಂದು ಪ್ರಶಂಸೆ ಗಳಿಸಿವೆ.[೧೫೧] T.H.E.M.ನ ಕ್ರಿಸ್ಟೀನಾ ಕಾರ್ಪೆಂಟರ್ರ ಸಜೀವಚಿತ್ರಿಕೆ ವಿಮರ್ಶೆಗಳು ಸರಣಿಯ ಪಾತ್ರಗಳು "ಇಷ್ಟಪಡುವಂತಹುದು" ಎಂದರೂ, ಅವುಗಳಲ್ಲಿ ಬಹಳಷ್ಟು ಷೋನೆನ್ ಮಂಗಾ ಸರಣಿಯಲ್ಲಿ ಕಂಡುಬರುವ ರೂಢಿಮಾದರಿಯಿಂದ ಹೊರತಾಗಿಲ್ಲ ಎಂದು ಆಕ್ಷೇಪಿಸುತ್ತಾರೆ. ಕಿಷಿಮೊಟೊರನ್ನು ಪ್ರತಿಭೆಗೆ "ಸಾಧಾರಣ ಕಲಾಕಾರನ ತನ್ನ ಅತ್ಯುನ್ನತ ಕ್ಷಮತೆಯೊಂದಿಗೆ" ಎಂದು ಗಣಿಸುವ ಆಕೆ ಆತನ ಕಲಾಶೈಲಿಯನ್ನು ಸಜೀವಚಿತ್ರಿಕೆಗೆ ಬದಲಾಯಿಸುವುದನ್ನು ಅಪಹಾಸ್ಯ ಮಾಡುತ್ತಾರೆ.[೧೫೨] ಇದರ ಹೊರತಾಗಿಯೂ, T.H.E.M. ಸಜೀವಚಿತ್ರಿಕೆ ವಿಮರ್ಶೆಗಳ ಎರಡನೇ ವಿಮರ್ಶಕ ಡೆರಿಕ್ L. ಟಕರ್ರು, ಸಜೀವಚಿತ್ರಕಾರರು ತಮ್ಮ ಕೃತಿಗಳಲ್ಲಿ ಅತ್ಯುತ್ತಮ ಸಾಧನೆ ತೋರಿದಾಗ ಅವರು "ನೀಡುವ ಚಿತ್ರಿಕೆಗಳಲ್ಲಿ ಮಂಗಾ ಸರಣಿಯ ಅಭಿಮಾನಿಗಳ ಕಲ್ಪನೆಗೆ ಏನೂ ಉಳಿದಿರುವುದಿಲ್ಲ" ಎಂಬುದನ್ನು ಒಪ್ಪಿಕೊಳ್ಳುತ್ತಾರೆ, ಆದರೆ ಸಜೀವಚಿತ್ರಿಕೆಯನ್ನು "ಒಂದು ಸಮ್ಮಿಶ್ರ ಪ್ರಯತ್ನವಷ್ಟೇ" ಎನ್ನುತ್ತಾರೆ. ಅವರು ಹೋರಾಟಗಳು ಮನರಂಜನೆ ನೀಡುತ್ತವಾದರೂ ಅವುಗಳ ಸಂಖ್ಯೆ ಹೆಚ್ಚಿರುವ ಕಾರಣ ಕಥೆಯು ಮುಂದುವರೆಯಲಿಕ್ಕೆ ಸಮಯ ತೆಗೆದುಕೊಳ್ಳುತ್ತಿದೆ ಎಂದು ಸೇರಿಸುತ್ತಾರೆ.[೧೫೩] ಕೆಲ ವಿಮರ್ಶಕರು ಬ್ಯಾಟಲ್ ಅಟ್ ಹಿಡನ್ ಫಾಲ್ಸ್ ವಿಶೇಷ ಪ್ರಕರಣ/ಪ್ರಸಂಗ/ಘಟನೆಯನ್ನು ಟೀಕಿಸುತ್ತಾ ಮುಖ್ಯ ನರುಟೊ ಸರಣಿಯ ಮುಂಚಿನ ಪ್ರಕರಣ/ಪ್ರಸಂಗ/ಘಟನೆಗಳತ್ತಲೇ ಕಥೆ ಎಳೆಯುತ್ತದೆ ಎಂದು ಜರೆಯುತ್ತಾರೆ. ANNನ ವಿಮರ್ಶಕರು ಇದನ್ನು ನರುಟೊ ಫ್ರಾಂಚೈಸಿಗೆ ಸೇರಿದ ತೀರ ಸಾಧಾರಣದ್ದೆಂದು "ಸರಣಿಗೆ ಇದು ನೀಡಬೇಕಾದ ನ್ಯಾಯವನ್ನು ಸಲ್ಲಿಸಿಲ್ಲವೆಂದೂ, ಆದರೆ ವೀಕ್ಷಕರಿಗೆ ಸರಣಿಯು ಹಿಂದಿನ ಪ್ರಕರಣ/ಪ್ರಸಂಗ/ಘಟನೆಗಳಿಗಿಂತ ಎಷ್ಟರ ಮಟ್ಟಿಗೆ ಮುಂದುವರೆದಿದೆ ಎಂದು ತೋರಿಸಲು ಚೆನ್ನಾಗಿದೆ ಎನ್ನುತ್ತಾರೆ.[೧೫೪] DVD ಟಾಕ್ನ ಟಾಡ್ ಡಗ್ಲಾಸ್ Jr.ರು OVAಗಳು ಒಟ್ಟಾರೆಯಾಗಿ ಚೆನ್ನಾಗಿವೆ ಆದರೆ ಸರಣಿಯ ಸಾಮಾನ್ಯ ಕಥಾಭಾಗಗಳು ಹೊಂದಿರುವ ಗಹನತೆಯನ್ನು ಕಳೆದುಕೊಂಡಿದೆ ಎಂದು ಆಕ್ಷೇಪಿಸುತ್ತಾರೆ.[೧೫೫] ನರುಟೊ : ಷಿಪ್ಪುಡೆನ್ ಸರಣಿಯು ಆಕ್ಟಿವ್ಅನಿಮೇಷನ್ನ ಡೇವಿಡ್ C. ಜೋನ್ಸ್ರಿಂದ ಉತ್ತಮ ಪ್ರತಿಕ್ರಿಯೆ ಹೊಂದಿದೆ, ಅವರು ಹೊಸ ಪಾತ್ರ ವಿನ್ಯಾಸಗಳು ಮತ್ತು ಸಜೀವಚಿತ್ರಿಕೆಗಳ ಉತ್ತಮೀಕರಣವನ್ನು ಚೆನ್ನಾಗಿದೆ ಎಂದಿದ್ದಾರೆ. ಮಂಗಾ ಸರಣಿಯ ಭಾಗ IIರ ವಿಮರ್ಶೆಯಲ್ಲಿ ಲಾರೆನ್ಸ್ರಂತೆ ಸರಣಿಯು ಹೆಚ್ಚು ಗಂಭೀರವಾಗಿದ್ದು, ಮತ್ತಷ್ಟು ನಾಟಕೀಯವಾಗಿದೆ ಎಂಬ ಅಭಿಪ್ರಾಯ ನೀಡಿದ್ದಾರೆ.[೧೫೬]
{{cite journal}}
: Missing or empty |title=
(help)
{{cite journal}}
: Missing or empty |title=
(help); Unknown parameter |month=
ignored (help)
{{cite journal}}
: Missing or empty |title=
(help); Unknown parameter |month=
ignored (help)
{{cite journal}}
: Unknown parameter |month=
ignored (help)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite web}}
: CS1 maint: unrecognized language (link)
{{cite book}}
: Check date values in: |year=
(help)CS1 maint: unrecognized language (link)
{{cite web}}
: Check date values in: |date=
(help)
{{citation}}
: Check date values in: |date=
(help); Italic or bold markup not allowed in: |magazine=
(help)