Latinitas viva est activus linguae Latinae apud homines nostra aetate viventes usus.
Vivae Latinitatis fautores cultoresque duos in greges differri possunt, quorum primo ducantur hi, qui vivum activumve Latinitatis usum exercent, ut discipulis haec lingua efficaciore modo ediscenda appareat iucundiusque fiat eius regularum grammaticarum ac Romanorum operum studium; altero autem ducendi sint illi, qui magnopere proponunt Latinitatem linguam internationalem seu vulgarem esse statuendam, qua homines praecipue variis ex populis oriundi cotidie inter se utantur.