Limen (sinus)

Limen Tyraicus, per quem Tyras fluvius in Pontum Euxinum effunditur, in photographemate spatiali

Vide etiam paginam discretivam: Limen (discretiva)

Limen (-enis, m.; de Graeco λιμήν) est genus sinus marini vel lacunae, quod saepe in litoribus Ponti Euxini invenitur. Limen aream habet magnam, sed altitudinem minimam, et a mari lingua terrae aut baro continuo separatur. Multi (sed non omnes) limenes aestuaria fluviorum sunt; per limenes magnos limenem Tyraicum Tyras, per limenem Hypanicum Hypanis, per limenem Borysthenium Borysthenes, per limenem Miussicum Mius fluvius, per limenem Ieiensem Rhombites Maior in mare effunduntur. Limen vel limenum systema maximum Putridum mare est, lingua terrae Arabatensi separatum; ab altera parte linguae Arabatensis limen Utliukensis situs est.

Notae

  1. ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. лиман.
  2. ↑ Norae Zabinkovae et Moysis Kirpicznikov Nomina physico-geographica principalia URSS s.v. Миусский лиман.
  3. ↑ Norae Zabinkovae et Moysis Kirpicznikov Nomina physico-geographica principalia URSS s.v. Утлюкский лиман.

Nexus externi