Stephanus Iosephus Harper (Toronti natus die 30 Aprilis anno 1959), alumnus universitatis Calgariensis, duo-et-vicesimus est minister primarius Canadae. Mense Ianuario 2006 in officium suum electus est cum Factione Conservativa, quam ducit, in comitiis popularibus pro camera communium praevaluit. Primus minister primarius conservativus est post duodecim annos dum factio Liberalis Canadam gubernabat.
Ex anno 2002, Harper legatus est in cameram communium pro circulo Calgariae Meridionalis-Occidentalis; prius erat legatus pro circulo Calgariae Occidentalis annis 1993-1997.