Vide etiam paginam discretivam: Vulpes (discretiva)
Vulpes, sive volpes, sive galliger nomen commune plurium Canidarum rostro cuneato caudaque villosa, quibus in fabulis singularis astutia ascribitur.
Vulpes Romanis antiquis notior erat Vulpes vulpes. Europaei post aetatem explorationis alia genera noverunt, quibus vocibus vulgaribus vulpem significantibus appellaverunt. Latine igitur vulpes sensu lato sunt fortasse animalia sequentia:
Vulpes in fabula fideque Iaponicis legatus deitatum Fushimi Inari-taisha est.
Nulli nocendum: si quis vero laeserit, multandum simili iure fabella admonet. Ad cenam vulpes dicitur ciconiam prior invitasse, et liquidam in patulo marmore posuisse sorbitionem, quam nullo modo gustare esuriens potuerit ciconia. Quae, vulpem cum revocasset, intrito cibo plenam lagonam posuit; huic rostrum inserens satiatur ipsa et torquet convivam fame. Quae cum lagonae collum frustra lamberet, peregrinam sic locutam volucrem accepimus: ‚Sua quisque exempla debet aequo animo pati‘.
In ter fabulas vulpes Vulpes et uva Aesopea celeber est. Fabulae vulpinae et Medio aevo florebant: Liber vulpis Armenicus et carmina Latina Ecbasis captivi, Ysengrimus, Reinecke Fuchs Theodiscus (Reinike vulpecula, a Hartmanno Schoppero Latine interpretatus).