Departement Charente
| Charente (16) | |
|---|---|
| |
| Regioun |  Nei-Aquitaine
|
| Prefecture | Angoulême |
| Ënnerprefecture | Cognac Confolens |
| Bevëlkerung | 339 628 Aw.(1999) |
| Fläch | 5 956 km² |
| Arrondissementer | 3 |
| Kantonen | 19 |
| Gemengen | 394 |
| |
D'Charente (16) ass e franséischt Departement an der Regioun Nei-Aquitaine. Et krut säin Numm duerch de Floss Charente deen derduerch fléisst.
Geschicht
D'Departement gouf wärend der franséischer Revolutioun, de 4. Mäerz 1790 iwwer d'Gesetz vum 22. Dezember 1789 geschaf..
D'Charente ass zanter dem Paleolithikum bevëlkert .
Am Zweete Weltkrich war d'Charente duerch d'Demarkatiounslinn an zwee gespléckt: am Westen déi besat Zon an am Osten déi fräi Zon. Dat erkläert firwat do d'Resistenzorganisatioune sou fréi funktionéiert hunn.
Geographie
D'Charente grenzt un d'Departementer Vienne, Haute-Vienne, Dordogne, Charente-Maritime an Deux-Sèvres.
Bevëlkerung
D'Bevëlkerungszuel läit zanter dem Ufank vum 19. Joerhonnert ëm 340.000 Awunner, allerdéngs lieft haut en Drëttel vun den Awunner am Groussraum Angoulème.
Perséinlechkeeten aus der Charente
- François I., gebuer den 12. September 1494 zu Cognac. Hie war Kinnek vu Frankräich vun 1515 bis zu sengem Doud 1547.
- Jean Monnet, gebuer den 9. November 1888 zu Cognac. Hie war ee vun de Grënner vun der Europäescher Unioun.
- François Mitterrand (1916 – 1996), gebuer zu Jarnac, war President vun der franséischer Republik vun 1981 bis 1995. Hie läit och zu Jarnac begruewen.
Kuckt och
- Arrondissementer am Departement Charente
- Kantonen am Departement Charente
- Lëscht vun de Gemengen am Departement Charente
Um Spaweck
| Commons: D'Charente – Biller, Videoen oder Audiodateien |
Referenzen
- ↑ "la Charente de la préhistoire à nos jours",Ed Bordessoules, 1986, ISBN 2-903504-21-0
- ↑ A. Debenath, J.F. Tournepiche, "Néandertal en Poitou-Charentes", Association régionale des musées en Poitou-Charentes.
- ↑ "Le maquis charentais Bir Hacheim", Raymond Troussard,1981, SAJIC Angoulême, dépôt légal n°1455