Jergo Xinuc (ance nomida Xinuc Uaua) es un pijin o lingua de comersia usada par persones – american orijinal, franses, e engles-american – a la costa norde-ueste de la SUA e Canada (Columbia Brites, Washington e Oregon moderna). Lo ia varia entre la areas e popla de la area. Lo no ia evolui a un creol vera, e ia continua cambia tra la anios. Lo ia mori ante la Gera Mundal 2, ma alga parolas es ancora usada en la rejion orijinal.
La leteras comun usada: b, ch, d, g, h, hw, k, kl, kw, l, m, n, ng, p, r, s, sh, t, tl, ts, w, y.
ch es pronunsiada como tx en elefen, o ch en engles.
h es pronunsiada como h en elefen a la comensa de parolas; cuando lo presede un otra consonante, lo es pronunsiada plu como ch en deutx o x en rusce.
hw es un w con un h forte ante se.
k es comun aspirada o pronunsiada como g; instruores ia usa comun kg per esta en la pasada.
kl es pronunsiada como la ll en cimrica (ɬ); con la lingua en la posa per l, on permete la aira move tra la abris a cada lado per un sona simil a elefen x or engles sh. esta es un sona multe comun en la linguas orijinal de la rejion.
kw es pronunsiada como cu en elefen ante un vocal, o qu en engles.
ng es pronunsiada como ng final en elefen o engles.
tl (tɬ) combina t con la sona de kl, a supra.
Nota ce tota esta consonantes, simple e duple, pote comensa un parola. La combinas bl, dl, kr, kt e st pote ance comensa un parola. En alga parolas, derivada de franses, kl es pronunsiada como elefen cl, pe "lakli", de "la clé".
La vocales es a, e, ê, i, o, u, con diftongos aw, ay, ey, iy, oy, uy.
a es como en elefen.
e es como en elefen, ma corta (ɛ).
ê es un vocal neutral, como en engles "up" (ʌ).
i es simil a i en elefen, ma plu basa, como engles "in" (ɪ).
o es como en elefen.
u es como en elefen.
aw, ay, oy, uy es como au, ai, oi, ui en elefen.
ey es como e en elefen.
iy es como i en elefen.
La asentua es la plu comun a la comensa de la parola, estra alga parolas de franses cual comensa con l, pe "lakli".
Gramatica
La pronomes personal en jergo xinuc es:
nayka - me
mayka - tu
yaka - el, lo, se
nêsayka - nos
mêsayka - vos
klaska - los
Estas es usada per sujeto, ojeto, e per indica posese.
Determinantes, mostrada con la parola man (om):
man - un om
ikt man - un om (cuantia)
ukuk man - la om, esta om, acel om
Ukuk pote es usada como un pronom:
ukuk nayka lisak - esta es mea saco (leteral, esta/acel me saco)
skukum ukuk - acel (cosa) es potiosa (leteral, potiosa esta/acel)
Si la verbo de un frase indica un ata, la verbo vade pos la pronom:
nayka mash libal - me lansa un bal (leteral, me lansa bal)
nayka klatawa kupa makuk haws - me vade a la boteca (leteral, me vade a vende casa)
Ma si un ajetivo o un nom es usada en loca de un verbo de ata (pe, "me fatigada"), la ordina pote es reversada:
til nayka - me es fatigada
nayka til - me es fatigada
talapus yaka - el es un coiote
yaka talapus - el es un coiote
Kupa indica loca, e pote es traduida par "a", "con", "sur", "en", "de" o "asta". Klak, kikwêli e klahani es tre alterantes cual presede kupa a veses:
klak kupa - de, de sur, a via de
kikwêli kupa - a su, su
klahani kupa - estra
nayka mitlayt klahani kupa town - me abita estra la vila
An si parolas es multe flexable per usa, normal on debe usa cada parola en sua rol fundal – nom, verbo, ajetivo, etc. Ma on pote usa alterantes per cambia roles. Mamuk crea verbos de ata de nomes e ajetivos. Kakwa crea ajetivos de nomes e verbos.
Parolas o espresas cual indica tempo, loca o probablia es normal poneda a la comensa de un frase:
Yaka klatawa - el vade
Atlki yaka klatawa - el va vade
Wik lili yaka klatawa - el va vade pronto
Bambay yaka klatawa - el va vade plu tarda
Klonês yaka klatawa - posible el vade
Alta yaka klatawa - el vade aora
Ankati yaka klatawa - el ia vade
Chiy yaka klatawa - el ia vade resente
Tênês ankati yaka klatawa - el vade plu temprana
Kêpit ikt yaka yaka klatawa - el ia vade solitar
Tatlki san yaka klatawa - el ia vade ier
Hawkwêtl yaka klatawa - el no pote vade
On indica pluralia e seso par usa ajetivos ante la nom. Averbos no difere de ajetivos:
hayu - multe
tênês hayu, wik hayu - alga
kanawi - tota
hayash - grande, vera
tênês - peti, poca
skukum - potiosa
hayak - rapida
klawa - lente
man - mas
kluchmên - fema
Wik nega la frase e vade ante la sujeto e verbo. Hilu sustitui per wik en alga varias de jergo xinuk, ma sinifia plu esata "nun" o "no cosa". Hawkwêtl pote ance sustitui per wik e sinifia ce on no pote fa alga cosa:
Nayka nanich - me vide
Wik nayka nanich - me no vide
Bob wik ikta yaka nanich - Bob no vide cualce cosa
Hilu tênas mitlayt kupa klaska - los no ave enfantes
Hawkwêtl nayka nanich - me no pote vide
Si la sujeto es un nom, un pronom segue normal:
Ukuk man yaka wawa - Acel om parla (leteral, acel om el parla)
Tilikêm klaska nanich mayka - Persones vide tu (leteral, persones los vide tu)
Nayka klatawa nanich... - Me va vade per vide… (leteral, me vade vide)
Mary yaka mamuk kêmtêks nayka - Maria instrui me (leteral, Maria el instrui me)
Pronomes indica ance la posese. Sin un pronom, cualce nom presedente un otra nom deveni un ajetivo:
kamuks yaka haws - un casa de un can (leteral, can sua casa)
kamuks haws - un casa per canes (leteral, can casa)
Bob yaka kluchmên yaka siyaputl - la xapo de la sposa de Bob (leteral, Bob sua sposa sua xapo)
Comparas es indicada par usa ilêp (plu, leteral prima) e kimta (min, leteral a pos). On usa dêlet ante ilêp o kimta per la plu e la min:
Ilêp klush / manêki klush - plu bon
kimta klush / manêki wik klush - min bon
Mayka ilêp klush kupa nayka - tu es plu bon ca me
dêlet ilêp klush - la plu bon
dêlet kimta wik klush - la min bon
Wik nayka klush kakwa mayka - tu es plu bon ca me (leteral, no me bon como tu)
Manêki e pus es usada a veses en loca de ilêp e kupa.
Parolas de demanda vade a la comensa de la frase. On leva la altia de vose cuando on demanda alga cosa, como en elefen:
ka - do
kênchi - cuando
kênchi hayu / kênchi - cuanto
kata - perce, como
ikta - cual
klaksta - ci
pus ikta - perce
Ka mayka? - do tu es?
Kênchi mayka chaku? - cuando tu va veni?
Klaksta yawa? - ci es ala?
Ikta kata? - ce es la problem?
Mayka kuli? - tu core? (sola con la leva de la vos)
Jergo xinuk ave alga parolas per fa ce la frase es ipotesal o dependente, per demanda un confirma, o presenta un comanda. Los es poneda a la comensa o la fini de la frase:
wikna - no es vera? (de wik na)
Klush, wikna? - es bon, no?
nihwa - ta ce? per favore
Nihwa mayka patlêch mêkmêk kupa nayka? - ta ce tu dona alga comeda a me?
klush - me vole ce tu… (comanda)
Klush mayka klatawa! - vade a via!
Klush pus mayka klatawa - lo ta es bon si tu vade a via
na - ajuntada ante la verbo per crea un demanda (alga desusada)
Nayka na klatawa kupa makuk haws? - esce me es vadente a la boteca?
Jergo xinuk ave sola entre 500 e 800 parolas, e un vocabulo de 200 parolas simple sufisi per multe. Ma on pote crea multe plu sinifias par composa:
chaku kêmtêks - aprende
mamuk kêmtêks - instrui
mash makuk, makuk saya - vende
musêm nanich - sonia
kilapay wawa - responde
chaku hilu - mori, fini
kêpit kêmtêks - oblida
Lo usa ance multe espresas idiomal:
Nayka sik têmtêm - me es triste, pardona me (leteral, me malada cor)
Per asentua un parola, on pote estende sua vocal, o move lo a la comensa de la frase:
ankati (ante aora) > aaankati (en la pasada distante)
Nayka klatawa yawa (me ia vade ala) > Yawa nayka klatawa (me ia vade ala e no a cualce otra loca)
La pijin no ave un parola per "es". En loca, on usa un ajetivo o nom pos la sujeto:
Skukum yaka - el es forte
Klush buk ukuk - esta es un bon libro
Nayka niym Henry - me nom es Henri
Ukuk kluchmên dakta yaka - Acel fem es un dotor
Mitlayt o kupa pote es usada per "es" cuando la ojeto senta o abita fisical en un loca: