8 fibberwarie - De Sjotse gezètteoetgaever James Chalmers presenteert ein systeem van veuroetbetaalde posbezörging, compleet mèt zelfklevende poszegel en sjtempelmachine. Dit zal leije tot de inveuring in ’t Verenigd Keuninkriek van de "penny post".
22 april - De Syrius löp es eësjte trans-Atlantische sjtoumvaarder de have van New York bènne. Ènnige oere later arriveert de Great Western, die waal veer daag later oet Èngelandj is vertrokke.
16 december - (Zuid-Afrika) - Es wraak op de maord op hunne leijer Piet Retief en de hèlf van de Veurtrèkkersj door Zulu-leijer Dingane, vundj de Sjlaag biej Bloodrevier plaatsj. Ein leger van mèr 464 veurtrèkkersj wit ein Zoeloeleger van meë es 20.000 man sjterk te versjlaon, veurnamelik door hun superieure bewapening.
zónger datum
Westerman, Werleman en Wijsmuller richte in Amsterdam 't genaotsjap Natura Artis Magistra op. Zie koupe ein sjtök gróndj van 60 × 80 maeter in de Plantage ten oaste van de sjtad. Dit is 't begin van de deergaard Artis. 't Is de eësjte deretuin op 't Europees vastelandj.