Wiki adolah sabuah situs web (atau koleksi dokumen hiperteks lainnyo) nan mambuliahan panggunonyo manambah atau manyuntiang (maedit) isi situs tasabuik. Istilah ko juo dapek marujuak kapado parangkek lunak kolaboratif nan digunokan untuak mambuek situs web samacam itu.
Ward Cunningham, pangambang parangkek lunak wiki nan partamo, WikiWikiWeb, mulonyo mandeskripsikan wiki sabagai "basis data tahubuang paliang sederhana nan mamiliki paluang untuak bakarajo."
Wiki (jo huruf gadang 'W') jo WikiWikiWeb kadang digunoan untuak marujuak kapado Portland Pattern Repository, wiki nan paliang partamo dibuek. Pandukuang panggunoan ko mausuakan panggunoan huruf ketek 'w' untuak mambedakan istilah umum nan sadang dirundiangan di siko. "Wiki wiki" barasa dari istilah bahaso Hawaii untuak "capek" atau "super-capek".
Kadang istilah wikiwiki atau WikiWiki labiah digunoan daripado wiki. Istilah-istilah ko dapek digunoan sacaro bagantian walaupun pabedaan pandangan tantang kapitalisasi pun dapek dijalanan jo caro nan sarupo.
Wikipedia marupokan aplikasi nan babasiskan wiki dan marupokan situs wiki paliang populer kini.
Iko baru laman rancangan. Bantulah Wikipedia untuak mangambangannyo. |