Eideias dua bandeira de la Tierra eisisten cun cunceitos que repersentan l planeta i l'houmanidade an aspetos políticos, naturales i sociales.
Zde la purmeira celebraçon de l Die de la Tierra an 22 d'abril de 1970 , fui outelizada ua bandeira de quelor azul scuro cula figura de l planeta oubtida pula NASA. Esta bandeira stá associada cul Die de la Tierra cul oubjetibo de cunscientizar la populaçon de ls porblemas de l meio ambiente. Esta bandeira fui zenhada por John McConnell, un atebista de l pacifismo, sin caráter oufecial.
An maio de 2015, l zeigner gráfico sueco Oskar Pernefeldt, de la Faculdade de Design Beckmanes, an Stocolmo, dibulgou l porjeto dua bandeira pa l planeta Tierra, sendo eilha cun un fondo azul i cun siete anéis brancos anterligados, simbolizando l'ounion pacífica de ls cuntinentes, i cun dous oubjetibos:
Ser outelizada para repersentar l planeta Tierra.
Lembrar las pessonas que cumpartilhamos este planeta, sin se amportar culas frunteiras nacionales; i lembrar que debemos cuidar uns dous outros i de l planeta an que bibemos.
Esta bandeira poderie repersentar l'houmanidade an dibersos eibentos, antre eilhes, ua possible biaige tripulada la Marte, ó outros eibentos globales, cumo las Oulimpíadas i la Copa de l Mundo. Pernefeldt tamien sugere que la bandeira seia ousada an missones científicas de caráter global, cumo an bases científicas na Antártica. Ls siete anéis, repersentando ls cuntinentes, dében tamien remeter a ua flor, simblo de la bida na Tierra.