De Sankt-Peter-un-Sankt-Pauls-Felsen (portugeesch.: Penedos de São Pedro e São Paulo) sünd en Archipel vun lütte Eilannen un Felsen in't Atlantik in de Neegte vun den Äquator. Se liggt 870 km wiet af vun de Insel Fernando de Noronha Island un 1010 km wiet af vun de Stadt Natal an de Noordoostküst vun Brasilien. De helen Eilannen sünd en schuult Naturrebeet. De wichtigste Weertschopsaktivität is de Tunfischfang.
De Eilannen sünn de Tipp vun ünnerseeschen Bargen so as ok Iesland, Jan Mayen, de Azoren, Ascension un Tristan da Cunha, se höört all to den Middelatlantischen Rüch.
De Sankt Peter un Sankt Paul-Felsen liggt in den Atlantik bi de Koordinaten N00º55.1’, W29º20.7’. Tosamen hebbt se bloots üm un bi 13,000 m² un de gröttste Hööcht över de See is ok bloots 18 m. Dat sünd 5 Eilannen (Insel kann een dorto meist gor nich seggen) un en poor Felsen:
Narms gifft dat düerhaft Frischwater.
Bloots op de gröttste vun de Eilannen, op den Söödwestfels (80x40m) gifft dat Moos un Grass. De annern Felsen sünd tomehrst kahl, bet op Algen un Swämm, de mit Sprütten vun Soltwater kloorkummt. Op de Eilannen leevt Vagels (de Brune Booby (Sula leucogaster), de Brune Noddy (Anous stolidus) un de Swatte Noddy (Anous minutus)), Kreeften (Grapsus grapsus), Insekten un Spinnen.