.
De Tropen (vun ooldgr. τρόποι Ἥλιου trópoi Hēliou „Sunnenwennrebeden“) sünd de Zonen twuschen de beiden Wennkreise, also twuschen 23,5 ° nöördliche un 23,5 ° süüdliche Breede. Dor löppt de Äquater midden dör. Dat hannelt sik bi de Tropen um de heetste Klimazoon up'e Eer. Je nadem, wie dröge oder natt d Gemarken dor sünd, laat se sik in fiev Zonen vun de Vegetatschoon indelen vun den tropischen Regenwoold bit na de Wösten hen. As Grenz to de Subtropen na de Pole hen hett Köppen de 18-°C-Isotherme, Supan un Philippson de 20-°C-Isotherme vun den kullsten Maand nahmen.
Binnen de Tropen gifft dat allerhand Vegetatschoonszonen. Se hangt dor vun af, wieveel Water de Planten to'n Wassen afkriegt. Unnerscheden warrt na de Tahl vun de fuchtigen (humiden) un drögen (ariden) Maande: