Mats Olsson | |
Statsborgarskap | Sverige |
Fødd | 12. januar 1960 (64 år) Stockholm |
Idrett | handball |
Tok del i |
Sommar-OL 1996, Sommar-OL 1992, Sommar-OL 1988, Sommar-OL 1984 |
Mats Åke Olsson (fødd 12. januar 1960) er ein svensk handballtrenar og -spelar frå Malmö. Han vart verdsmeister for Sverige i 1990 og europameister 1994. Olsson er sidan 2005 målvaktstrenar for Noregs kvinnelandslag i handball. 2005-12 var han sjef for Portugal sitt landslag for karar.
Olsson var til 1980 aktiv i Dalhems IF i heimbyen. Perioden 1980-88 spelte han for det svenske topplaget Lugi frå Lund. I 1988 skreiv han kontrakt med spanske Santander, ein klubb han tente i seks sesongar. 1994-96 var han målvakt for Ystad IF, før han avslutta som aktiv i Santander i 1996/97.
Frå debuten i 1979 spelte Olsson 294 landskampar for Sverige fram til han la opp i 1997. Han deltok i fire olympiske leikar, seks verdsmeisterskap og den fyrste europameisterskapen i handball. Dei siste åtte åra på landslaget fekk han med seg to gullmedaljar, tre sølvmedaljar og to bronsemedaljar frå dei største internasjonale turneringane.