Arnica montana
Règne | Plantae |
---|---|
Sosrègne | Tracheobionta |
Division | Magnoliophyta |
Classa | Magnoliopsida |
Sosclassa | Asteridae |
Òrdre | Asterales |
Familha | Asteraceae |
Genre | Arnica |
Òrdre | Asterales |
---|---|
Familha | Asteraceae |
LC : Preocupacion menora
L'arnica, tanben aperat estorniga o betoina (Arnica montana) qu'ei ua planta de flors d'Euròpa. Feblament toxica, qu'ei de la familha deus Virasolelhs.
Arnica montana que s'utilisa en Fitoterapia dens un but Analgesic e anti inflamatòri, ja que manquen pròvas de qualitat clinica d'aquestes efèits.
Arnica montana qu'ei ua planta a flors perèna. I
En Euròpa centrala, que floreish de Mai a Agost. Qu'ei ua planta emicriptofita, çò qui'u permet de subervíver dens las condicions ivernaus duras deu son abitat. L'Arnica que fòrma tanben risòmas, qui an un cicle de vita de dus ans.
Lo mot latin montana que hè referéncia a la soa origina montanhòla.
L'Arnica montana que's tròba sus la màger part d'Euròpa. Qu'ei absent de las Islas britanicas e de las peninsulas italiana e balcanica. Que prava mei que mei dens las pradas de montanhas. Qu'ei ua planta rara mes qui pòt estar abondosa localament. Qu'ei de mei en mei rara, subretot dens lo Nòrd de la soa distribucion, principaument per'mor de l'agricultura intensiva e de l'artisanat sauvatge. Tot parièr qu'ei cultivat massivament en Estonia.
Istoricament, l'Arnica montana qu'estó utilisat dens la medecina per las plantas despuish sègles. Los usatges tradicionaus de la planta que son los mèmes que los deu sauze blanc, dab un but analgesic e anti-inflamatòris.
Los tèsts clinics sus l'Arnica montana qu'an produsit resultats mesclats :
A. montana qu'estó tanben estudiat dens las preparacions omeopaticas. Ua revista sistematica de 1998 miada a l'universitat d'Exeter qu'amuishè que nat essai clinic rigorós n'ahortivan pas l'ipotèsi que l'A. Montana èra mei eficaç qu'un placebo a las concentracions on s'utilisa en omeopatia.
L'US Food and Drug Administration qu'a l'Arnica montana com ua planta dangerosa per'mor de la soa toxicitat. Ne's dèu pas préner oralament ni aplicar sus lesions cutaneas si pòt estar absorbada.
L'Arnica montana que contien la toxina elenalina, qui pòt estar un poson si ua grana quantitat n'ei minjada o si ua petita quantitat d'arnica concentrat ei utilisada. La conomacion d'A.Montana que pòt entrainar gastroenteritis sevèras, emoragias intèrnas deu tube digestiu, e autas patologias, includint la mort si ua quantitat tròp importanta ei ingerida. Lo contact dab la planta que pòt tanben causar irritacions de la pèth. Dens lo Test Ames, un extrèit d'A. Montanta que's revelè esta mutagèn.
La demanda d'A. Montana qu'ei de 50 tonas per an en Euròpa, mes l'aprovisionament ne cobreish pas aquesta demanda. La planta qu'ei rara e qu'ei protgida en França, Belgica, Alemanha, Italia, Polonha e cèrtas regions de Soïssa. França e Romania que produseishen A. Montana peu mercat internacionau. Dens las decadas passadas, cambiaments dens l'agricultura europèa qu'an entrainat un declin de l'ocuréncia d'A.Montana.