FAL

Lo FAL es un fusiu de combat bèlga fabricat per la FN Herstal dempuei 1953. Caracteristic de l'après-guèrra, utiliza la municion 7,62 mm OTAN e es adaptat a un tir semiautomatic. Certanei versions dispausan d'un selector permetent un tir automatic mai, en causa de la poissança de sa municion, lo tir es sovent pauc precís. Sa portada practica es de 600 m. Conoguèt una difusion larga gràcias a sei caracteristicas, son utilizacion simpla e sa bòna resisténcia ai condicions rescontradas sus lo prat batalhier (corrosion, freg, etc.).

En Euròpa, foguèt pauc a pauc abandonat après l'adopcion de la municion 5,56 mm OTAN. D'efiech, lo FAL, en causa de sa longor (mai d'un mètre) e dau pes de sei municions, èra plus adaptat a la guèrra modèrna imaginada per leis armadas occidentalas. En revènge, demorèt en servici en America dau Sud, en Africa e en Asia dau Sud. Dins leis ans 2010, èra ansin totjorn utilizat per mai de 50 armadas dins lo mond.

Liames intèrnes

• Fusiu.

Bibliografia

• (fr) Dominique Venner, Les Armes de Combat individuelles, Pensée Moderne, 1976.
• (fr) Gérard Henrotin, Le FN FAL Expliqué, H&L Publishing - HLebooks.com, 2004.

Nòtas e referéncias

1. ↑ Son nom es l'abreviacion de Fusil Automatique Léger (« Fusiu Automatic Leugier »).
2. ↑ Existís tanben una version pesuca, lo FALO, qu'es un fusiu mitralhaire.