Halhan

Vila d'Occitània

Haian
Le Haillan

Castèth Bel-Air, centre d'entrainament daus Girondins.

Armas

Geografia fisica

Coordenadas

44° 52′ 21″ N, 0° 40′ 33″ O

Superfícia

9,26 km²

Altituds
· Maximala
· Mejana
· Minimala

47 m
30 m
8 m

Geografia politica

Guiana

Medòc ?

França

Bordèu

Merinhac-1 (Sent Medard avant 2015)

Intercom
243300316

Bordèu Metropòli

Cònsol

Andréa Kiss
(2020-2026)

Geografia umana

Populacion
Populacion totala
(2019)

11 539 ab.

Evolucion de la populacion

11 728 ab.

Densitat

1 073,33 ab./km²

Autras informacions

Gentilici

Haillanais, Haillanaises
(en francés)

Còde postal

33185

Còde INSEE

33200

Halhan o Haian (Le Haillan en francés) es una comuna bordalesa de Guiana administrada pr'au departament de Gironda de la region de Novèra Aquitània, ancianament d'Aquitània.

Geografia

Toponimia

Dauzat postula un *Fadilianum, en remarcant pr'aquò que l'article (dau nom francés) haré puslèu supausar un nom comun .

Bénédicte Boyrie-Fénié constata que i a pas de fòrmas ancianas e que la fòrma gascona es despervesida d'article. Lo segond punt la mena a supausar, shens certitud, puslèu un nom ancian, anterior a l'estrat dialectau, per exemple lo nomen Falius damb lo sufixe -anum .

La mapa de Cassini (sègle XVIII) presenta una Ste Christine, probablament una parròpia e au sud-èst un lòc ordinari, Haillan . Las mapas pus recentas pòrtan l'article o pas : Haillan per la mapa d'Estat-Major, Le Haillan après la formacion de la comuna . La preséncia de l'article en francés es benlèu una influéncia dau nom francés de las comunas vesinas : i a a costat Le Taillan (-Médoc) (Lo Telhan de Medòc, ancian *Ortelhan pui *Autelhan, Le Pian (-Médoc), en gascon Lo Pian (de Medòc), ancian Aupian, pui tanben Lo Boscat.

La glèisa de Senta Cristina auré estat desrocada. La comuna, que dependèva d'Aisinas, data dau 9 de març 1867 e la parròpia de Senta Cristina donèt donc pas de comuna a la Revolucion. Carré donc considerar Haillan coma un microtoponime e l'anterioritat d'una villa romana, shens estar impossibla, es pas çò de pus probable. I a un apellatiu faian, varianta de fau o hau e un lòc Fayan a Pèi Seguin. Una varianta pus gascona es *haian, atestada a La Seuva sus l'ALG, mapa 152 . Coma lo hau es un aubre puslèu rare, pòt nommar un lòc. La consciéncia dau sens dau nom Haian pòt favorizar la consciéncia que i avèva un tau aubre sol a l'emplaçament de l'aglomeracion e dens aqueth cas, l'adopcion d'un article definit dens la fòrma oficiala, en mèi de las rasons dejà donadas, a pas ren d'estonable. Ajustem qu'en francés coma en occitan, damb la preposicion, la prononciacion a (h)aian es desgraciosa, çò que pòt menar a preferir (au) (h)aian. Coma los parlars bordalés recents iodizan lh, i a pas de parelh minimau entre Halhan e Haian, mès la grafia Haian es la pus probabla.