Litografia
La litografia es una tecnica d'estampatge que permet de reprodurre de dessenhs traçats emb una tencha ò un gredon gras sus una pèira calcària. Per extension, designa una estampa facha per aqueu procediment. Inventada en lo 1796 per l'actor alemand Aloys Senefelder (1771-1834), la litografia foguèt definitivament messa au ponch au començament dau sègle XIX e venguèt lo mejan pus utilizat per illustrar lu libres e lu jornals, estampar de publicitats ò de documents administratius e reprodurre de dessenhs tecnics. A rapòrt dei metòdes precedents, la litografia èra rapide, pauc costoa e permetiá d'estampar de colors. La litografia dispareissèt formalament a partir de la fin dau sègle XIX emb lo remplaçament de la pèira per una placa de metal ò de plastic. Totun, lo procediment general demorèt identic e l'estamparia offset, totjorn utilizada au jorn d'encuèi, es considerat coma un melhorament de la litografia.
Ligams intèrnes
Bibliografia
- Ed Knecht, Notice historique sur Aloys Senefelder : sur la découverte de la lithographie et sur la marche et les progrès de cet art, Ofmi-Garamont, 1971.