Roslana Stepànivna Lyzhychko, coneguda internacionalament coma Ruslana (en ucraïnian: Руслана Степанівна Лижичко; Lviv, 24 de mai de 1973) es una cantaira ucraïniana. Es una de las artistas mai conegudas d'aquel país internacionalament. Es a l'encòp dançaira, productritz, compausaira e jòga tanben del piano. Foguèt revelada internacionalament a partir de sa participacion a l'Eurovision en 2004.
Foguèt marcada dins la lista de las 10 femnas mai influentas de 2013 per la revista americana Forbes. S'impliquèt fòrça dins las manifestacions contra lo govèrn de Víktor Ianokòvych conegudas jol nom d'EuroMaidan. En març de 2014 recebèt lo Prèmi de la Femna Coratjosa (en anglés: "Woman of Courage Award") decernit pel secretari d'estat dels Estats Units.