Operatzione Condor (in inglesu: Operation Condor; in ispagnolu: Operación Cóndor; portughesu: Operação Condor) est su nùmene dadu dae is columìngios de is servìtzios segretos istadunidensos, sa CIA e s'amministratzione de sa presidèntzia de Richard Nixon, a una operatzione massìtza de polìtica èstera istadunidensa, chi aiat tentu logu in sos annos'70 de su sèculu XX, in unos cantos istados de su Sud Amèrica, indiritzada a mantènnere sa classe dirigente in càrriga in cussos istados in ue s'influèntzia sotzialista e comunista fiat cunsiderada tropu influente, non prus a reprimire sas opositziones vàrias a is guvernos chi pigaiant parte a s'operatzione. In su 1993 sunt istados desecretados documentos subra de sa cumplitzidade de Richard Nixon, presidente de Istados Unidos, e Henry Kissinger, Secretàriu de Istadu de Istados Unidos de Amèrica, cun Augusto Pinochet.
Is protzeduras pro pònnere in atu custos pranos fiant istados de cada borta diversos, però totus aiant tentu in comunu su recursu sistemàticu a sa tortura e a sa bochidura de is oposidores polìticos. Fatu·fatu ambasciadores, polìticos o dissidentes amparados in s'èsteru fiant assassinados fintzas foras de is làcanas de s'Amèrica Latina. Intre is natziones interessadas s'arremonant Cile, Argentina, Bolìvia, Brasile, Perù Paraguay e Uruguay.
Wikimedia Commons tenet files chi ligant a: Category:Operation Condor |