"Les Arènes": anfitiatru rumanu dû sèculu I. Trasfurmatu nta furtezza duranti lu mediuevu òspita attuarmenti spittàculi e curridi.
"La Maison Carrée": la Casa Quatrata è un tèmpiu di èbbica mpiriali (sèculu I) un tempu fu ô centru dû foru dâ citati rumana.
"La Tour Magne": principali torri dâ cinta furtificata di èbbica rumana, supra un coddi ca dòmina Nîmes, è àuta 32 metri (macari siddu havi pirdutu lu terzu liveddu).
Li Jardini dâ Funtana, rializzati ntô sèculu XVII supra un pricidenti situ, cumprènnunu macari li ruvini dû Tèmpiu di Diana.
Lu Castellum, puntu di arrivu di l'acquidottu (numinatu pû Ponti dû Gard), è un bacinu pâ distribbuzzioni di l'acqui scavatu ntâ ròccia dû diàmitru di 5,9 metri e prufunnu 1,4 metri.