Shinjuku 新宿 | |
---|---|
新宿区 · Shinjuku Ceety | |
Skyscrapers o Shinjuku wi Mt Fuji in the backgrund. | |
Location of Shinjuku in Tokyo | |
Coordinates: 35°41′37.82″N 139°42′12.78″E / 35.6938389°N 139.7035500°E | |
Kintra | Japan |
Region | Kantō |
Prefectur | Tokyo |
Govrenment | |
• Mayor | Hiroko Nakayama |
Area | |
• Total | 18.23 km2 (7.04 sq mi) |
Population (November 2009) | |
• Total | 318,270 |
• Density | 17460/km2 (45,200/sq mi) |
Time zone | UTC+9 (Japan Staundart Time) |
- Tree | Zelkova serrata |
- Flouer | Azalea |
Phone number | 03-3209-1111 |
Website | Shinjuku |
Shinjuku (新宿区 Shinjuku-ku) is ane o the 23 special wairds o Tokyo, Japan. It is a major commercial an admeenistrative centre, hoosin the busiest train station in the warld (Shinjuku Station) an the Tokyo Metropolitan Govrenment Biggin, the admeenistration centre for the govrenment o Tokyo.
As o 2008, the waird haes an estimatit population o 312,418 an a density o 17,140 persons per km². The tot aurie is 18.23 km².
Surroondin Shinjuku are sax ither wairds: Chiyoda tae the east; Bunkyo an Toshima tae the north; Nakano tae the wast, an Shibuya an Minato tae the sooth.
Awtho the aurie immediately surroondin Shinjuku Station is hame tae hotels, depairtment stores, specialist electronic an camera shops, cinemas, restaurants, an bars, the rest o the ceety is a mix o residential wi commercial auries concentratit aroond railwey stations.
Notable auries o Shinjuku include:
In 1634, durin the Edo period, as the ooter moat o the Edo Castle wis biggit, a nummer o temples an shrines muivit tae the Yotsuya aurie on the wastren edge o Shinjuku. In 1698, Naitō-Shinjuku haed developit as a new (shin) station (shuku or juku) on the Kōshū Kaidō, ane o the major highways o that era. Naitō wis the faimily name o a daimyo whose mansion stuid in the aurie; his land is nou a public pairk, the Shinjuku Gyoen.
In 1920, the toun o Naitō-Shinjuku that comprisit lairge pairts o present-day Shinjuku, pairts o Nishi-Shinjuku an Kabukichō wis integratit intae Tokyo Ceety. Shinjuku began tae develop intae its current form efter the Great Kantō earthquake in 1923, syne the seismically stable aurie lairgely escapit the devastation. Consequently, Wast Shinjuku is ane o the few auries in Tokyo wi mony skyscrapers.
The Tokyo air raids frae Mey tae August 1945 destroyed amaist 90% o the biggins in the aurie in an aroond Shinjuku Station. The pre-war form o Shinjuku, an the rest o Tokyo, for that matter, wis retained efter the war acause the roads an rails, damaged as thay wur, remained, an thir formit the hert o the Shinjuku in the post-war construction. Anerlie in Kabuki-cho wis a grand reconstruction plan put intae action.
The present waird wis established on 15 Mairch 1947 wi the merger o the umwhile wairds o Yotsuya, Ushigome, an Yodobashi. It servit as pairt o the athletics 50 km walk an marathon course durin the 1964 Simmer Olympics.
In 1991, the Tokyo Metropolitan Govrenment muivit frae the Marunouchi destrict o Chiyoda tae the current biggin in Shinjuku. (The Tokyo International Forum stands on the umwhile steid vacatit bi the govrenment.)
Mony companies hae thair heidquarters or Tokyo offices in Shinjuku.
In Mairch 1990 the heidquarters o Bandai Visual muivit tae the Shinjuku neebourheid in Shinjuku Waird. In August 1991 the heidquarters muivit tae Taitō, Tokyo. Previously the heidquarters o MOS Burger wur in Shinjuku.
Lik the ither wairds o Tokyo, Shinjuku haes a status equivalent tae that o a ceety. The current mayor is Hiroko Nakayama. The waird cooncil (区議会 kugikai) consists o 38 electit members; the Leeberal Democratic Pairty an New Komeitō Pairty thegether currently hauld a majority. The Democratic Pairty o Japan, Japanese Communist Pairty an the Social Democratic Pairty are an aw representit thegither wi fower independents. Shinjuku's ceety office (区役所 kuyakusho) is locatit on the sootheastren edge o Kabukichō.
Shinjuku is the location o the metropolitan govrenment o Tokyo anaw. The govrenor's office, the metropolitan assembly chamber, an aw admeenistrative heid offices are locatit in the Tokyo Metropolitan Govrenment Biggin.
Shinjuku is a major urban transit hub. JR Shinjuku Station sees an estimatit 3.64 million passengers pass throu each day, makkin it the busiest station in the warld. It hooses interchynges tae three subwey lines an three privately awned commuter lines, as well as several JR lines.
A leet o railwey lines passin throu an stations locatit athin Shinjuku includes:
Ither major routes:
Public elementary an junior heich schuils in Shinjuku are operatit bi the Shinjuku Ceety Buird o Education. Public heich schuils are operatit bi the Tokyo Metropolitan Govrenment Buird o Education.
Shinjuku operates several public libraries, includin the Central Library (wi the Childer's Library), the Yotsuya Library, the Tsurumaki Library, Tsunohazu Library, the Nishi-Ochiai Library, the Toyama Library, the Kita-Shinjuku Library, the Okubo Library, an the Nakamachi Library. In addition thare is a branch leebrar, Branch Library o Central Library in the Ceety Office, locatit in the ceety office.
Thare are several major hospitals locatit athin the ceety leemits.
Shinjuku is hame tae mony well-kent sichts an tourist attractions.
Shinjuku haes sister ceety greements wi several localities:
Wikimedia Commons haes media relatit tae Shinjuku, Tokyo. |